കൊളസ്ട്രോള് തോത് നിയന്ത്രണം വിട്ട് വര്ധിക്കുമ്പോള് മാത്രമാണ് ഹൃദയാഘാതത്തിന്റെയും പക്ഷാഘാതത്തിന്റെയും രൂപത്തില് ശരീരം സൂചനകള് നല്കുക. കൊഴുപ്പ് കൂടിയ ഭക്ഷണം, വ്യായാമമില്ലായ്മ, പുകവലി, അമിത മദ്യപാനം തുടങ്ങിയവയൊക്കെ കൊളസ്ട്രോള് കൂടാന് കാരണമാകും.
ഇന്ന് പലര്ക്കുമുള്ള ഒരു ആരോഗ്യ പ്രശ്നമാണ് ഉയർന്ന കൊളസ്ട്രോള്. മാറിവരുന്ന ജീവിതശൈലിയും ഭക്ഷണശീലങ്ങളുമാണ് പലപ്പോഴും ശരീരത്തില് ചീത്ത കൊളസ്ട്രോള് വര്ധിക്കാന് കാരണം. ഹൃദ്രോഗം, ഉയര്ന്ന രക്തസമ്മര്ദം, പക്ഷാഘാതം, പ്രമേഹം എന്നിങ്ങനെ പല തരത്തിലുള്ള ആരോഗ്യ പ്രശ്നങ്ങളിലേക്കുള്ള വഴി കൂടിയാണ് ഉയര്ന്ന കൊളസ്ട്രോള്.
കൊളസ്ട്രോള് തോത് നിയന്ത്രണം വിട്ട് വര്ധിക്കുമ്പോള് മാത്രമാണ് ഹൃദയാഘാതത്തിന്റെയും പക്ഷാഘാതത്തിന്റെയും രൂപത്തില് ശരീരം സൂചനകള് നല്കുക. കൊഴുപ്പ് കൂടിയ ഭക്ഷണം, വ്യായാമമില്ലായ്മ, പുകവലി, അമിത മദ്യപാനം തുടങ്ങിയവയൊക്കെ കൊളസ്ട്രോള് കൂടാന് കാരണമാകും. ചീത്ത കൊളസ്ട്രോൾ കുറയ്ക്കാൻ ഭക്ഷണക്രമത്തില് പ്രത്യേകം ശ്രദ്ധിക്കണം. റെഡ് മീറ്റ്, കൊഴുപ്പും മധുരവും എണ്ണയും കൂടിയ ഭക്ഷണങ്ങള് തുടങ്ങിയ ഡയറ്റില് നിന്ന് ഒഴിവാക്കുന്നത് കൊളസ്ട്രോള് കുറയ്ക്കാന് സഹായിക്കും.
കൊളസ്ട്രോള് കുറയ്ക്കാന് സഹായിക്കുന്ന ഒന്നാണ് തക്കാളി ജ്യൂസ്. തക്കാളിയില് അടങ്ങിയിരിക്കുന്ന ലൈകോപീനുകള് ശരീരത്തിലെ കൊളസ്ട്രോള് നില കുറയ്ക്കാന് സഹായിക്കും. പോഷക സാന്ദ്രമായ സൂപ്പർഫുഡാണ് തക്കാളി. വിറ്റാമിന് എ, വിറ്റാമിന് സി, വിറ്റാമിന് കെ, വിറ്റാമിന് ബി 6, ഫോളേറ്റ്, തയമിന് എന്നിവ തക്കാളിയില് ധാരാളം അടങ്ങിയിട്ടുണ്ട്. ഇതുകൂടാതെ പൊട്ടാസ്യം, മാംഗനീസ്, മഗ്നീഷ്യം, ഫോസ്ഫറസ്, ചെമ്പ്, നാരുകള്, പ്രോട്ടീന് എന്നിവയും അടങ്ങിയിരിക്കുന്നു. ഹൃദയാരോഗ്യത്തിനും തക്കാളി ജ്യൂസ് ഡയറ്റില് ഉള്പ്പെടുത്താം. ഒരു കപ്പ് ചെറിയ തക്കാളിയിൽ ഏകദേശം 2 ഗ്രാം നാരുകൾ അടങ്ങിയിരിക്കുന്നു. അതിനാല് പ്രമേഹ രോഗികള്ക്കും തക്കാളി കഴിക്കാം.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: പൊട്ടാസ്യം അടങ്ങിയ ഭക്ഷണങ്ങൾ കഴിക്കണമെന്ന് പറയുന്നതിന്റെ കാരണം ഇതാണ്...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
