ഏഷ്യാനെറ്റ് ന്യൂസ് ഓണ്ലൈനില് ഇത്തവണ വിഷു സ്പെഷ്യൽ റെസിപ്പികള്. 'വിഷുരുചി'യില് ഇന്ന് രശ്മി രഞ്ജിത് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
പാൽ കൊഴുക്കട്ട കഴിക്കാന് ഇഷ്ടമാണോ?
വേണ്ട ചേരുവകൾ
അരിപൊടി - 2 കപ്പ്
ഉപ്പ് -1 സ്പൂൺ
തേങ്ങ -1 കപ്പ്
തേങ്ങാ പാൽ - 4 കപ്പ്
തയ്യാറാക്കുന്ന വിധം
ഒരു പാത്രത്തിലേയ്ക്ക് ആവശ്യത്തിന് ഇടിയപ്പത്തിന്റെ പൊടി ചേർത്തു കൊടുത്തതിന് ശേഷം അതിലേയ്ക്ക് ആവശ്യത്തിന് ഉപ്പും കുറച്ചു തേങ്ങയും തിളച്ച വെള്ളവും ചേര്ത്ത് നല്ലതുപോലെ ഇളക്കി യോജിപ്പിച്ച് ചെറിയ ഉരുളകളാക്കി എടുക്കുക. ഇനി തേങ്ങയുടെ രണ്ടാം പാൽ ഒരു പാത്രത്തിലേയ്ക്ക് ഒഴിച്ചതിനു ശേഷം ഉരുളകളാക്കി വെച്ചിട്ടുള്ള ഈ കൊഴുക്കട്ടകള് അതിലേയ്ക്ക് ഇട്ടു കൊടുത്തു ചെറിയ തീയിൽ നന്നായിട്ട് വേവിച്ചെടുക്കുക. വെന്തുകൊണ്ടിരിക്കുമ്പോള് കുറുകിയ തേങ്ങയുടെ ഒന്നാംപാലും കൂടി ചേർത്തു കൊടുക്കാവുന്നതാണ്. പാൽ കുഴക്കട്ടയിൽ മധുരം ചേർക്കാൻ ഇഷ്ടമുള്ളവർക്ക് കുറച്ചു പഞ്ചസാര കൂടി ചേർത്ത് കഴിക്കാം.
Also read: വിഷു സ്പെഷ്യല് വിഷു കഞ്ഞി തയ്യാറാക്കാം എളുപ്പത്തില്; റെസിപ്പി
