ആപ്പിൾ 50-ാം വാർഷിക സെയിൽ; ഐഫോൺ 17 പ്രോ മാക്‌സിന് ഉൾപ്പെടെ ഇപ്പോള്‍ വമ്പൻ വിലക്കിഴിവ്

ആപ്പിളിന്റെ 50-ാം വാർഷികത്തോടനുബന്ധിച്ച്, ഇന്ത്യയിലെ അംഗീകൃത റീസെല്ലറായ ഇമാജിൻ സ്റ്റോർ ഐഫോൺ, ഐപാഡ്, ആപ്പിൾ വാച്ച് തുടങ്ങിയ ഉൽപ്പന്നങ്ങൾക്ക് വൻ വിലക്കുറവ് പ്രഖ്യാപിച്ചു. ഇൻസ്റ്റന്റ് ഡിസ്കൗണ്ട്, ബാങ്ക് ക്യാഷ്ബാക്ക്, എക്സ്ചേഞ്ച് ബോണസ് എന്നിവയിലൂടെ ഐഫോൺ 17 പ്രോ മാക്സ് ഉൾപ്പെടെയുള്ള മോഡലുകൾക്ക് ആകർഷകമായ വിലക്കിഴിവ് നേടാം.

iphone 17 pro max

Image Credit: Getty

ടെക് ഭീമനായ ആപ്പിളിന്‍റെ 50-ാം വാർഷികം ആഘോഷിക്കുന്നതിനോട് അനുബന്ധിച്ച്, ഇന്ത്യയിലെ ആപ്പിൾ അംഗീകൃത റീസെല്ലറായ ഇമാജിൻ സ്റ്റോർ പ്രത്യേക കാലയളവിലേക്ക് ആകർഷകമായ വിലക്കുറവുകൾ പ്രഖ്യാപിച്ചു. ഐഫോൺ, ഐപാഡ്, ആപ്പിൾ വാച്ച് എന്നിവ ഉൾപ്പെടുന്ന വിവിധ പ്രീമിയം ഉൽപ്പന്നങ്ങൾക്കാണ് ഈ ഓഫറുകൾ ബാധകമായിരിക്കുന്നത്. ഇൻസ്റ്റന്‍റ് ഡിസ്‍കൌണ്ട്, ബാങ്ക് ക്യാഷ്ബാക്ക്, എക്സ്ചേഞ്ച് ബോണസ് തുടങ്ങിയവയുടെ സംയോജനത്തിലൂടെ ഉപഭോക്താക്കൾക്ക് വലിയ വിലക്കുറവ് ലഭ്യമാക്കുകയാണ് ഈ സെയിൽ.

ഐഫോൺ 17 പ്രോ മാക്‌സിന് വമ്പന്‍ ഓഫര്‍

ഈ ഓഫറുകളിൽ ഏറ്റവും ശ്രദ്ധേയമായത് 256 ജിബി സ്റ്റോറേജുള്ള ഐഫോൺ 17 പ്രോ മാക്‌സിന് ലഭിക്കുന്ന ഓഫർ ആണ്. നിലവിൽ 1,49,900 രൂപ വിലയുള്ള ഈ മോഡൽ ഓഫറിന്‍റെ ഭാഗമായി 1,02,900 രൂപയ്ക്കാണ് ലഭിക്കുന്നത്. 1,000 രൂപയുടെ ഇൻസ്റ്റന്‍റ് ഡിസ്‍കൗണ്ടും 4,000 രൂപ ബാങ്ക് ക്യാഷ്ബാക്കും കൂടാതെ 6,000 രൂപയുടെ എക്സ്ചേഞ്ച് ബോണസും ഉൾപ്പെടുന്നതാണ് ഈ വിലക്കുറവ്. യോഗ്യമായ ഉപകരണങ്ങൾ എക്സ്ചേഞ്ച് ചെയ്യുമ്പോൾ 36,000 രൂപ വരെ അധിക മൂല്യവും ലഭ്യമാണ്.

ഇതിനൊപ്പം, ഐഫോൺ 17 പ്രോ (256 ജിബി) മോഡലും ഓഫറിൽ ഉൾപ്പെടുത്തിയിട്ടുണ്ട്. ഇതിന്‍റെ വില 89,900 രൂപയായി കുറഞ്ഞിട്ടുണ്ട്. ഐഫോൺ 17-ന്‍റെ 256 ജിബി പതിപ്പിന്‍റെ വില 82,900 രൂപയിൽ നിന്ന് 37,900 രൂപയിലേക്കും 512 ജിബി പതിപ്പിന്‍റെ വില 1,02,900 രൂപയിൽ നിന്ന് 57,900 രൂപയിലേക്കും കുറഞ്ഞിട്ടുണ്ട്. ഇവയ്ക്കും സമാനമായ ക്യാഷ്ബാക്ക്, എക്സ്ചേഞ്ച് ഓഫറുകള്‍ ചേരുമ്പോഴുള്ള വിലയാണിത്. 

കൂടാതെ, ഐഫോൺ എയർ മോഡലുകളും ഓഫറിൽ ഉൾപ്പെടുത്തിയിട്ടുണ്ട്. 256 ജിബി പതിപ്പ് 56,900 രൂപയ്ക്കും, 512 ജിബി പതിപ്പ് 76,900 രൂപയ്ക്കുമാണ് ലഭ്യമാകുന്നത്. ഉപഭോക്താക്കൾക്ക് 24 മാസം വരെ നോ-കോസ്റ്റ് ഇഎംഐ സൗകര്യവും ലഭ്യമാണെന്ന് ഇമാജിൻ സ്റ്റോർ കമ്പനി അറിയിച്ചു.

ഐപാഡ് (2025) മോഡലിന്‍റെ 128 ജിബി വൈഫൈ പതിപ്പ് 34,900 രൂപയിൽ നിന്ന് 31,900 രൂപയായി കുറഞ്ഞപ്പോൾ, വൈഫൈ + സെല്ലുലാർ പതിപ്പ് 49,900 രൂപയിൽ നിന്ന് 46,900 രൂപയായി കുറഞ്ഞിട്ടുണ്ട്. ഐപാഡ് പ്രോ (എം5) ശ്രേണിയിലും വിലക്കുറവുണ്ട്; 11 ഇഞ്ച് മോഡൽ 94,900 രൂപയ്ക്കും 13 ഇഞ്ച് മോഡൽ 1,24,900 രൂപയ്ക്കും ലഭ്യമാണ്.

ആപ്പിൾ വാച്ച് ശ്രേണിയിലും വൻ ഓഫറുകളുണ്ട്. ആപ്പിൾ വാച്ച് അൾട്ര 3 84,400 രൂപയ്ക്ക് ലഭ്യമാണ്. കൂടാതെ, സീരീസ് 11 മോഡൽ 43,400 രൂപയ്ക്കും, എസ്ഇ 3 മോഡൽ 22,900 രൂപയ്ക്കും ലഭ്യമാണ്. ഈ ഓഫറുകൾ നിശ്ചിത പരിധിയുള്ള കാലയളവിൽ മാത്രം ഉള്ളതാണ്, അതിനാൽ ഉപഭോക്താക്കൾക്ക് വേഗത്തിൽ പ്രയോജനപ്പെടുത്തുക.