- Home
- Sports
- Cricket
- 3 മാറ്റങ്ങൾ ഉറപ്പ്, വൈഭവ് വന്നാൽ പുറത്താകുക സഞ്ജുവോ ഇഷാന് കിഷനോ?, ജീവൻമരണപ്പോരിന് ഇന്ത്യയിറങ്ങുമ്പോൾ വമ്പൻ മാറ്റങ്ങൾ
3 മാറ്റങ്ങൾ ഉറപ്പ്, വൈഭവ് വന്നാൽ പുറത്താകുക സഞ്ജുവോ ഇഷാന് കിഷനോ?, ജീവൻമരണപ്പോരിന് ഇന്ത്യയിറങ്ങുമ്പോൾ വമ്പൻ മാറ്റങ്ങൾ
അയര്ലന്ഡിനെതിരായ നിര്ണായകമായ രണ്ടാം ടി20 മത്സരത്തിന് ഇന്ത്യ ഇറങ്ങുമ്പോള് പ്ലേയിംഗ് ഇലവനില് വന് മാറ്റങ്ങള്ക്ക് സാധ്യത. ആദ്യ മത്സരത്തിലെ തോല്വിയെ തുടര്ന്ന് ശിവം ദുബെ, പ്രസിദ്ധ് കൃഷ്ണ തുടങ്ങിയവര്ക്ക് സ്ഥാനം നഷ്ടമായേക്കാം.
ജീവന്മരണപ്പോരാട്ടം
അയര്ലന്ഡിനെതിരായ ടി20 പരമ്പരയിലെ രണ്ടാമത്തെയും അവസാനത്തെയും മത്സരത്തിന് ഇന്ത്യ നാളെ ഇറങ്ങുമ്പോള് പ്ലേയിംഗ് ഇലവനില് എന്തൊക്കെ മാറ്റമുണ്ടാകുമെന്നറിയാനുള്ള ആകാംക്ഷയിലാണ് ആരാധകര്. ആദ്യ മത്സരം അയര്ലന്ഡ് ജയിച്ചതിനാല് രണ്ടാം മത്സരം തോറ്റാൽ ഇന്ത്യക്ക് പരമ്പര നഷ്ടമാവും
അഭിഷേക് തുടരും
ആദ്യ മത്സരത്തില് 20 പന്തില് 49 റണ്സെടുത്ത ഓപ്പണര് അഭിഷേക് ശര്മ രണ്ടാം മത്സരത്തിലും ഓപ്പണറായി തുടരും. ആദ്യ മത്സരത്തില് അഭിഷേക് മാത്രമാണ് ഇന്ത്യക്കായി ഭേദപ്പെട്ട പ്രകടനം പുറത്തെടുത്തത്.
സഞ്ജുവിന്റെ സ്ഥാനം തുലാസില്
ആദ്യ മത്സരത്തില് നിരാശപ്പെടുത്തി മലയാളി താരം സഞ്ജു സാംസണിന് പകരം വൈഭവ് സൂര്യവംശിക്ക് അരങ്ങേറാൻ അവസരമൊരുക്കണമെന്ന മുറവിളി ശക്തമാണെങ്കിലും ഒരു മത്സരത്തിലെ പരാജയം കൊണ്ട് സഞ്ജുവിനെ മാറ്റാനിടയില്ല. അതുകൊണ്ട് തന്നെ രണ്ടാം മത്സരത്തിലും സഞ്ജു ഓപ്പണറായി തുടരും.
ഇടം കൈയന്മാരുടെ ബാഹുല്യം
സഞ്ജുവിനെ ഓപ്പണര് സ്ഥാനത്തു നിന്ന് മാറ്റി വൈഭവിന് അവസരം നല്കിയാല് ടോപ് ത്രീയിലെ മൂന്ന് പേരും ഇടം കൈയന്മാരാവും. പിന്നീട് വരുന്ന തിലക് വര്മയും ശിവം ദുബെയും വാഷിംഗ്ടണ് സുന്ദറുമെല്ലാം ഇടം കൈയന്മാരാണെന്നതിനാല് വലം കൈയന് ബാറ്ററായ സഞ്ജുവിനെ മാറ്റാനിടയില്ലെന്നാണ് കരുതുന്നത്.
ഇഷാന് കിഷനും ഭീഷണി
മൂന്നാം നമ്പറില് ആദ്യ മത്സരത്തില് 1 റണ്സെടുത്ത് പുറത്തായി നിരാശപ്പെടുത്തി ഇഷാന് കിഷനും രണ്ടാം മത്സരം നിര്ണായകമാണ്. അയര്ലന്ഡിനെതിരെ രണ്ടാം മത്സരത്തില് തിളങ്ങിയില്ലെങ്കില് ഇംഗ്ലണ്ടിനെതിരായ ടി20 പരമ്പരയില് പുറത്തിരിക്കേണ്ടി വന്നേക്കാം.
ശിവം ദുബെ പുറത്തേക്ക്
മധ്യനിരയില് ഫിനിഷറായി ഇറങ്ങി നിരാശപ്പെടുത്തി ശിവം ദുബെ നാളെ പുറത്താകാനാണ് സാധ്യത. പകരം മുംബൈയുടെ യുവ ഓള് റൗണ്ടര് സൂര്യാൻഷ് ഷെഡ്ഗെ ഇന്ത്യുടെ പ്ലേയിംഗ് ഇലവനിലെത്താന് ഇടയുണ്ട്. മികച്ച മീഡിയം പേസറുമാണ് ഷെഡ്ഗെ.
സുന്ദറിനും പണി കിട്ടും
ആദ്യ മത്സരത്തില് ബാറ്റുകൊണ്ടും പന്തുകൊണ്ടും നിരാശപ്പെടുത്തി വാഷിംഗ്ടണ് സുന്ദറിന് പകരം സ്പെഷ്യലിസ്റ്റ് സ്പിന്നര് രവി ബിഷ്ണോയിക്ക് ഇന്ത്യ അവസരം നല്കിയേക്കും. ആദ്യ മത്സരത്തില് 12 പന്തില് 9 റണ്സെടുത്ത സന്ദര് ഒരോവറില് 19 റണ്സും വഴങ്ങി.
പ്രസിദ്ധിനും ഇടമില്ല
ആദ്യ മത്സരത്തില് നാലോവറില് 57 റണ്സ് വഴങ്ങി നിരാശപ്പെടുത്തിയ പേസര് പ്രസിദ്ധ് കൃഷ്ണക്കും രണ്ടാം മത്സരത്തില് ഇടമുണ്ടാക്കില്ലെന്നാണ് സൂചന.
പ്രിന്സിന് അരങ്ങേറ്റം
പ്രസിദ്ധ് കൃഷ്ണക്ക് പകരം ഐപിഎല്ലില മിന്നിയ പ്രിന്സ് യാദവിന് നാളെ അരങ്ങേറ്റത്തിന് അവസരമൊരുങ്ങും. പ്രിന്സ് യാദവ് കളിച്ചില്ലെങ്കില് മുഹമ്മദ് സിറാജാകും പ്രസിദ്ധിന് പകരം ഇറങ്ങുക.
ഇന്ത്യയുടെ സാധ്യതാ ഇലവന്
അഭിഷേക് ശര്മ, വൈഭവ് സൂര്യവംശി, സഞ്ജു സാംസണ്, ശ്രേയസ് അയ്യര്, തിലക് വര്മ, സൂര്യാൻശ് ഷെഡ്ഗെ, അക്ഷര് പട്ടേല്, ഹര്ഷിത് റാണ, രവി ബിഷ്ണോയ്, പ്രിന്സ് യാദവ്, അര്ഷ്ദീപ് സിംഗ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!