- Home
- Technology
- Gadgets (Technology)
- 10000 രൂപയിൽ താഴെ വിലയുള്ള കിടിലൻ സ്മാർട്ട്ഫോണുകൾ; ഈ വിലയിൽ ഇത്രയും ഫീച്ചറുകളോ!
10000 രൂപയിൽ താഴെ വിലയുള്ള കിടിലൻ സ്മാർട്ട്ഫോണുകൾ; ഈ വിലയിൽ ഇത്രയും ഫീച്ചറുകളോ!
ഇന്ത്യയില് 10,000 രൂപയിൽ താഴെ വിലയിൽ ലഭ്യമാകുന്ന മികച്ച സ്മാർട്ട്ഫോണുകളുടെ പട്ടിക ഇതാ, അവയുടെ ബാറ്ററി, ഡിസ്പ്ലേ, ക്യാമറ, വില തുടങ്ങിയ വിശദാംശങ്ങള് ഇവിടെ വായിക്കാം.
10,000 രൂപയില് താഴെ വിലയുള്ള മികച്ച ഫോണുകള്
കുറഞ്ഞ വിലയിൽ മികച്ച ഫീച്ചറുകൾ നൽകുന്ന സ്മാര്ട്ട്ഫോണ് മോഡലുകൾ ഏതൊക്കെയെന്ന് പലർക്കും സംശയമുണ്ട്. പ്രമുഖ മൊബൈൽ കമ്പനികൾ 10,000 രൂപയിൽ താഴെ നിരവധി പുതിയ ഫോണുകൾ പുറത്തിറക്കുന്നുണ്ട്. ദൈനംദിന ഉപയോഗം, ഓൺലൈൻ ക്ലാസുകൾ, വീഡിയോ കാണൽ, സോഷ്യൽ മീഡിയ എന്നിവയ്ക്ക് അനുയോജ്യമായ മോഡലുകൾ ഈ വിലയിൽ ലഭ്യമാണ്.
റിയൽമി സി71
ഈ പട്ടികയിൽ ആദ്യത്തേത് റിയൽമി സി71 ആണ്. വലിയ ബാറ്ററി ആഗ്രഹിക്കുന്നവർക്ക് ഇത് മികച്ച ഓപ്ഷനാണ്. 6300 എംഎഎച്ച് ബാറ്ററിയും 45 വാട്സ് ഫാസ്റ്റ് ചാർജിംഗും 90Hz/120Hz റിഫ്രഷ് റേറ്റുമാണ് പ്രധാന ആകർഷണം. Unisoc T7250 പ്രോസസർ, 4ജിബി/6ജിബി റാം, 128ജിബി സ്റ്റോറേജ്, 13എംപി/50എംപി ക്യാമറ എന്നിവയാണ് മറ്റ് ഫീച്ചറുകൾ. ഏകദേശം 8,699 രൂപയാണ് വില.
ലാവ ബോള്ട്ട് എന്1
ഇന്ത്യൻ ബ്രാൻഡ് ഇഷ്ടപ്പെടുന്നവർക്ക് ലാവ ബോൾട്ട് എൻ1 ഒരു നല്ല ഓപ്ഷനാണ്. 6.75 ഇഞ്ച് എച്ച്ഡി+ ഡിസ്പ്ലേ, 90 ഹെര്ട്സ് റിഫ്രഷ് റേറ്റ്, Unisoc 9863A പ്രോസസർ, 4ജിബി റാം, 128ജിബി സ്റ്റോറേജ് എന്നിവ ഇതിലുണ്ട്. 5000 എംഎഎച്ച് ബാറ്ററിയുള്ള ഈ ഫോണിന് 7,999 രൂപയാണ് വില.
ഇൻഫിനിക്സ് ഹോട്ട് 60ഐ 5ജി
5ജി ആവശ്യമുള്ളവർക്ക് ഇൻഫിനിക്സ് ഹോട്ട് 60ഐ 5ജി മികച്ചതാണ്. 120Hz റിഫ്രഷ് റേറ്റുള്ള 6.75 ഇഞ്ച് ഡിസ്പ്ലേ, മീഡിയടെക് ഡൈമെൻസിറ്റി 6400 പ്രോസസർ, 8ജിബി റാം, 128ജിബി സ്റ്റോറേജ് എന്നിവയുണ്ട്. 50എംപി പിൻക്യാമറയുള്ള ഈ ഫോണിന് 9,999 രൂപയാണ് വില.
ഗാലക്സി എഫ്06 5ജി
സാംസങ് ഗാലക്സി എഫ്06 5ജിയും വിവോ വൈ19ഇയും എൻട്രി ലെവൽ ഉപയോക്താക്കൾക്കുള്ളതാണ്. സാംസങ് മോഡലിൽ 90Hz ഡിസ്പ്ലേ, ഡൈമെൻസിറ്റി 6300 ചിപ്സെറ്റ്, 25വാട്സ് ചാർജിംഗ് എന്നിവയുണ്ട്. വിവോ വൈ19ഇ-യിൽ 5500എംഎഎച്ച് ബാറ്ററിയും 13എംപി ക്യാമറയുമുണ്ട്. ഇവയ്ക്ക് യഥാക്രമം 9,999 രൂപയും 8,999 രൂപയുമാണ് വില. കുറഞ്ഞ ബജറ്റിൽ മികച്ച പ്രകടനം ആഗ്രഹിക്കുന്നവർക്ക് ഈ ഫോണുകൾ അനുയോജ്യമാണ്.
