20,000 രൂപയിൽ താഴെ വില; 120Hz ഡിസ്‌പ്ലേയുള്ള ബെസ്റ്റ് 5ജി സ്‍മാർട്ട് ഫോണുകൾ; ഐക്യൂഒ മുതൽ സിഎംഎഫ് വരെ

20,000 രൂപയിൽ താഴെ വിലയിൽ 120 ഹെർട്സ് ഡിസ്‌പ്ലേ, മികച്ച ബാറ്ററി, 5ജി കണക്റ്റിവിറ്റി എന്നിവ വാഗ്ദാനം ചെയ്യുന്ന അഞ്ച് സ്മാർട്ട്ഫോണുകളെ ഈ ലേഖനം പരിചയപ്പെടുത്തുന്നു.

Image Credit : Pinterest

20,000 രൂപ ബജറ്റ്

20,000 രൂപയ്ക്കുള്ളിൽ പുതിയ സ്‍മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് ഇപ്പോൾ മികച്ച നിരവധി ഓപ്ഷനുകളാണ് ഇന്ത്യൻ വിപണിയിലുള്ളത്. 120 ഹെർട്സ് റിഫ്രഷ് റേറ്റുള്ള ഡിസ്‌പ്ലേ, ദീർഘനേരം ഉപയോഗിക്കാവുന്ന ബാറ്ററി, അതിവേഗ ചാർജിങ്, 5ജി കണക്റ്റിവിറ്റി എന്നിവയുമായി എത്തുന്ന അഞ്ച് ശ്രദ്ധേയ മോഡലുകളെ പരിചയപ്പെടാം.

Image Credit : Asianet News

120 ഹെർട്‍സ് റിഫ്രഷ് റേറ്റുള്ള ഡിസ്‌പ്ലേ

സ്‍മാർട്ട്ഫോണുകളിൽ 120 ഹെർട്‍സ് റിഫ്രഷ് റേറ്റുള്ള ഡിസ്‌പ്ലേ ഇന്ന് പ്രീമിയം ഫീച്ചറായി മാറിക്കഴിഞ്ഞു. സാധാരണ 60 ഹെട്‍സ് ഡിസ്‌പ്ലേയേക്കാൾ കൂടുതൽ മൃദുവായ സ്ക്രോളിങ്, മികച്ച ഗെയിമിങ് അനുഭവം, വേഗമേറിയ ടച്ച് പ്രതികരണം എന്നിവയാണ് ഇതിന്റെ പ്രധാന നേട്ടങ്ങൾ. 20,000 രൂപയിൽ താഴെ വാങ്ങാൻ കഴിയുന്ന മികച്ച സ്മാർട്ട്ഫോണുകളുടെ പട്ടികയാണിത്.

Image Credit : Amazon

ഐക്യൂഒ സെഡ് 11 ലൈറ്റ് 5ജി

6.74 ഇഞ്ച് എച്ച്ഡി എൽസിഡി 120 ഹെർട്സ് ഡിസ്‌പ്ലേയാണ് ഈ ഫോണിന്റെ പ്രധാന സവിശേഷത. മീഡിയടെക് ഡൈമെൻസിറ്റി 6300 പ്രോസസർ, 50 മെഗാപിക്സൽ പ്രധാന ക്യാമറ, 6,500 എംഎഎഎച്ച് ബാറ്ററി, 44 വാട്ട് ഫാസ്റ്റ് ചാർജിങ് എന്നിവയും ലഭ്യമാണ്. 4 ജിബി റാം, 128 ജിബി സ്റ്റോറേജ് പതിപ്പിന്റെ വില 19,499 രൂപയാണ്.

Image Credit : Google

റിയൽമി സി100എക്സ്

കുറഞ്ഞ വിലയിൽ 120 ഹെർട്സ് ഡിസ്‌പ്ലേ ലഭിക്കുന്ന മോഡലാണ് റിയൽമി സി100എക്സ്. 6.8 ഇഞ്ച് എച്ച്ഡി പ്ലസ് എൽസിഡി ഡിസ്‌പ്ലേ, യൂണിസോക് ടി7250 പ്രോസസർ, 50 മെഗാപിക്സൽ ക്യാമറ, 8,000 എംഎഎഎച്ച് ബാറ്ററി, 45 വാട്ട് ഫാസ്റ്റ് ചാർജിങ് എന്നിവയാണ് പ്രധാന സവിശേഷതകൾ. പ്രാരംഭ വില 14,499 രൂപയാണ്.

Image Credit : Motorola

മോട്ടോറോള ജി37 പവർ

വലിയ ബാറ്ററി ശേഷി ആഗ്രഹിക്കുന്നവർക്ക് അനുയോജ്യമായ മോഡലാണ് മോട്ടോറോള ജി37 പവർ. 6.6 ഇഞ്ച് എച്ച്ഡി പ്ലസ് 120 ഹെർട്സ് എൽസിഡി ഡിസ്‌പ്ലേ, മീഡിയടെക് ഡൈമെൻസിറ്റി 6400 പ്രോസസർ, 7,000 എംഎഎഎച്ച് ബാറ്ററി, 30 വാട്ട് ഫാസ്റ്റ് ചാർജിങ് എന്നിവയാണ് പ്രധാന ആകർഷണങ്ങൾ. 4 ജിബി റാം, 128 ജിബി സ്റ്റോറേജ് പതിപ്പിന് 15,999 രൂപയാണ് വില.

Image Credit : Google

പോക്കോ എം8 5ജി

6.77 ഇഞ്ച് ഫുൾ എച്ച്ഡി പ്ലസ് അമോലെഡ് 120 ഹെർട്സ് ഡിസ്‌പ്ലേ, സ്നാപ്ഡ്രാഗൺ 6 ജനറേഷൻ 3 പ്രോസസർ, 50 മെഗാപിക്സൽ പ്രധാന ക്യാമറ, 20 മെഗാപിക്സൽ സെൽഫി ക്യാമറ, 5,520 എംഎഎഎച്ച് ബാറ്ററി, 45 വാട്ട് ഫാസ്റ്റ് ചാർജിങ് എന്നിവയാണ് പോക്കോ എം8 5ജിയുടെ പ്രധാന സവിശേഷതകൾ. അടിസ്ഥാന മോഡലിന്റെ വില 18,999 രൂപയാണ്.

Image Credit : flipkart

സിഎംഎഫ് ഫോൺ 2 പ്രോ

ഈ പട്ടികയിലെ ഏറ്റവും മികച്ച ഓൾറൗണ്ടർ സ്മാർട്ട്ഫോണുകളിൽ ഒന്നാണ് സിഎംഎഫ് ഫോൺ 2 പ്രോ. 6.77 ഇഞ്ച് ഫുൾ എച്ച്ഡി പ്ലസ് അമോലെഡ് 120 ഹെർട്സ് അഡാപ്റ്റീവ് ഡിസ്‌പ്ലേ, മീഡിയടെക് ഡൈമെൻസിറ്റി 7300 പ്രോ പ്രോസസർ, 50 മെഗാപിക്സൽ ട്രിപ്പിൾ റിയർ ക്യാമറ സംവിധാനം, 5,000 എംഎഎഎച്ച് ബാറ്ററി, 33 വാട്ട് ഫാസ്റ്റ് ചാർജിങ് എന്നിവയാണ് പ്രധാന ആകർഷണങ്ങൾ. 8 ജിബി റാം, 128 ജിബി സ്റ്റോറേജ് പതിപ്പിന്റെ വില 18,999 രൂപയാണ്.

Image Credit : AI Generated Image

ഏത് ഫോൺ തിരഞ്ഞെടുക്കണം?

മികച്ച ഡിസ്‌പ്ലേ അനുഭവം ആഗ്രഹിക്കുന്നവർക്ക് പോക്കോ എം8 5ജിയും സിഎംഎഫ് ഫോൺ 2 പ്രോയും മികച്ച തിരഞ്ഞെടുപ്പുകളാണ്. കൂടുതൽ ബാറ്ററി ബാക്കപ്പ് വേണമെങ്കിൽ മോട്ടോറോള ജി37 പവറും റിയൽമി സി100എക്സും പരിഗണിക്കാം. മികച്ച ക്യാമറ, പ്രകടനം, അമോലെഡ് ഡിസ്‌പ്ലേ എന്നിവ ഒരുമിച്ച് ലഭിക്കണമെങ്കിൽ ഈ വില വിഭാഗത്തിൽ സിഎംഎഫ് ഫോൺ 2 പ്രോയാണ് ഏറ്റവും ശ്രദ്ധേയമായ ഓപ്ഷൻ.