ശ്വാസകോശ അർബുദത്തെ തടയാൻ നിർബന്ധമായും ശ്രദ്ധിക്കേണ്ട 5 കാര്യങ്ങൾ
ശ്വാസകോശത്തെ ബാധിക്കുന്ന ഏറ്റവും ഗുരുതരമായ രോഗങ്ങളിലൊന്നാണ് ശ്വാസകോശ അർബുദം. എന്നാൽ കൃത്യമായ ജീവിതശൈലി മാറ്റങ്ങളിലൂടെയും മുൻകരുതലുകളിലൂടെയും രോഗസാധ്യത ഒരുപരിധിവരെ കുറയ്ക്കാൻ സാധിക്കും. ഇക്കാര്യങ്ങൾ ശ്രദ്ധിക്കൂ.
പോഷകസമൃദ്ധമായ ഭക്ഷണം
ദിവസേനയുള്ള ഭക്ഷണക്രമത്തിൽ ധാരാളം പഴങ്ങളും പച്ചക്കറികളും ഉൾപ്പെടുത്തുന്നത് ശ്വാസകോശ അർബുദ സാധ്യത കുറയ്ക്കാൻ സഹായിക്കും. പുകവലിക്കുന്നവരിലും അല്ലാത്തവരിലും രോഗത്തിനെതിരെ പ്രതിരോധശേഷി കെട്ടിപ്പടുക്കാൻ ആരോഗ്യകരമായ ഭക്ഷണം ആവശ്യമാണ്.
ജനിതകമായ കാരണങ്ങൾ ശ്രദ്ധിക്കാം
കുടുംബത്തിൽ അടുത്ത ബന്ധുക്കൾക്ക് ആർക്കെങ്കിലും ശ്വാസകോശ അർബുദം വന്നിട്ടുണ്ടെങ്കിൽ, ജനിതകമോ പരിസ്ഥിതിപരമോ ആയ കാരണങ്ങളാൽ ഉണ്ടാകാനിടയുള്ള രോഗസാധ്യത മുൻകൂട്ടി തിരിച്ചറിയാൻ ഡോക്ടറുടെ നിർദ്ദേശപ്രകാരം പരിശോധനകൾ നടത്തേണ്ടതാണ്.
പരോക്ഷ പുകവലി ഒഴിവാക്കുക
മറ്റുള്ളവർ പുകവലിക്കുമ്പോൾ ഉണ്ടാകുന്ന പുക ശ്വസിക്കുന്നത് നേരിട്ടുള്ള പുകവലി പോലെ തന്നെ അപകടകരമാണ്. ഏതെങ്കിലും തരത്തിലുള്ള പുകയില പുക ശ്വസിക്കുന്നത് പരമാവധി ഒഴിവാക്കുക.
അപകടകരമായ രാസവസ്തുക്കളുടെ സമ്പർക്കം ഒഴിവാക്കുക
രാസവസ്തുക്കൾ, ഡീസൽ പുക തുടങ്ങിയ ഹാനികരമായ പദാർത്ഥങ്ങളുമായുള്ള സമ്പർക്കം പരമാവധി ഒഴിവാക്കുക. ഇവ ശ്വാസകോശ അർബുദത്തിന് പ്രധാന കാരണമായേക്കാം.
വ്യായാമവും യോഗയും
വേഗത്തിലുള്ള നടത്തം, ഓട്ടം തുടങ്ങിയ കാർഡിയോ വ്യായാമങ്ങളും ശ്വസന വ്യായാമങ്ങളും യോഗയും ചെയ്യുന്നത് ശ്വാസകോശത്തിന്റെ കാര്യക്ഷമത വർദ്ധിപ്പിക്കുകയും രോഗസാധ്യത കുറയ്ക്കുകയും ചെയ്യും.
കൃത്യമായ ആരോഗ്യ പരിശോധന
ശരീരത്തിലെ മാറ്റങ്ങളും അർബുദത്തിന്റെ ലക്ഷണങ്ങളും പ്രാരംഭ ഘട്ടത്തിൽ തന്നെ തിരിച്ചറിയാൻ കൃത്യമായ ഇടവേളകളിൽ ആരോഗ്യ പരിശോധനകൾ നടത്തുന്നത് ഗുണകരമാണ്.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
