ആർത്രൈറ്റിസ്; ഈ ലക്ഷണങ്ങളെ അവഗണിക്കരുത്
സന്ധിയെ ബാധിക്കുന്ന നീർക്കെട്ടാണ് സന്ധിവാതം. സന്ധിവാതത്തിന് പല തരങ്ങളുണ്ടെങ്കിലും, ഓസ്റ്റിയോ ആർത്രൈറ്റിസ്, റുമാറ്റോയ്ഡ് ആർത്രൈറ്റിസ് എന്നിങ്ങനെ രണ്ട് തരം സന്ധിവാതങ്ങളാണ് സാധാരണയായി കണ്ടുവരുന്നത്.
ഓസ്റ്റിയോ ആർത്രൈറ്റിസ്
ശരീരത്തിലെ ഏത് സന്ധിയെയും ബാധിക്കാവുന്ന ഒരു സാധാരണ പ്രശ്നമാണിത്. ശരീരഭാരം കൂടുതലായി താങ്ങുന്ന കാൽമുട്ടുകൾ, പാദങ്ങൾ തുടങ്ങിയ സന്ധികളെയാണ് ഇത് കൂടുതലായി ബാധിക്കുന്നത്. കൈകളിലെ സന്ധികളെയും ഇത് സാധാരണയായി ബാധിക്കാറുണ്ട്.
റുമാറ്റോയ്ഡ് ആർത്രൈറ്റിസ്
ഇതൊരു ദീർഘകാല രോഗമാണ്. സന്ധികളെ മാത്രമല്ല, ചിലരിൽ ഈ അവസ്ഥ ത്വക്ക്, കണ്ണുകൾ, ശ്വാസകോശം, ഹൃദയം, രക്തക്കുഴലുകൾ എന്നിവയുൾപ്പെടെ ശരീരത്തിന്റെ പല ഭാഗങ്ങളെയും ദോഷകരമായി ബാധിക്കാം.
ആർത്രൈറ്റിസ്; ഈ ലക്ഷണങ്ങളെ അവഗണിക്കരുത്
സന്ധിവാതത്തിന്റെ പ്രധാന ലക്ഷണങ്ങളെ തിരിച്ചറിയാം.
സന്ധികളിൽ വേദന
സ്ഥിരമായി സന്ധികളിൽ വേദന, സാധാരണ ചലനങ്ങളിൽ പോലും അസഹനീയമായ വേദന, സന്ധികളുടെ ഭാഗത്തായി നീര്വീക്കമുണ്ടാകുക തുടങ്ങിയവ സന്ധിവാതത്തിന്റെ പ്രധാന ലക്ഷണങ്ങളാണ്.
ബലഹീനത
ബലഹീനത, ശരീരത്തിന് അയവ് കുറയുക, കൈകാലുകളിൽ മരവിപ്പ് തുടങ്ങിയവയും സന്ധിവാതത്തിന്റെ ലക്ഷണങ്ങളാണ്.
മുട്ടുവേദന
മുട്ടുവേദന, നടുവേദന, തോളുവേദന തുടങ്ങിയവയും സന്ധിവാതത്തിന്റെ ലക്ഷണങ്ങളാണ്.
ചലനങ്ങള്ക്ക് പരിമിതി നേരിടുക
സന്ധിവാതം മൂലം ചിലരില് ചലനങ്ങള്ക്ക് പരിമിതിയും നേരിടാം. കുറച്ചുസമയം മുട്ടുകുത്തി നിന്നാലോ ഇരുന്നാലോ വീണ്ടും എഴുന്നേൽക്കാൻ പ്രയാസം അനുഭവപ്പെടുന്നതും സന്ധിവാതത്തിന്റെ സൂചനയാകാം. ടോയ്ലറ്റിലിരിക്കാൻ മുട്ടുമടക്കുമ്പോൾ വലിച്ചിലും വേദനയും അനുഭവപ്പെടുന്നതും സൂചനയാണ്.
പനി, തൊലിയിൽ പാടുകൾ
ഇടവിട്ടുള്ള പനി, തൊലിയിൽ പാടുകൾ, ശരീരത്തിന് ചൂട് കൂടുക, ശരീരഭാരം കുറയുക തുടങ്ങിയവയും പൊതുവെ കാണുന്ന ലക്ഷണങ്ങളാണ്.
ശ്രദ്ധിക്കുക:
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam