നോൺ - ആൽക്കഹോളിക് ഫാറ്റി ലിവർ ഉണ്ടാകുന്നതിന് പിന്നിലെ അഞ്ച് കാരണങ്ങൾ
ഇന്ത്യയിൽ നോൺ-ആൽക്കഹോളിക് ഫാറ്റി ലിവർ രോഗം ബാധിക്കുന്നവരുടെ എണ്ണം ഇന്ന് ദിനംപ്രതി കൂടി വരികയാണ്.
നോൺ - ആൽക്കഹോളിക് ഫാറ്റി ലിവർ ഉണ്ടാകുന്നതിന് പിന്നിലെ അഞ്ച് കാരണങ്ങൾ
ഇന്ത്യയിൽ നോൺ-ആൽക്കഹോളിക് ഫാറ്റി ലിവർ രോഗം ബാധിക്കുന്നവരുടെ എണ്ണം ഇന്ന് ദിനംപ്രതി കൂടി വരികയാണ്. ഇന്ത്യയിലെ മുതിർന്നവരിൽ ഏകദേശം 38.9% പേർക്ക് ഫാറ്റി ലിവർ ഡിസീസ് ഉണ്ടാകാമെന്ന് ദി ലാൻസെറ്റ് റീജിയണൽ ഹെൽത്ത് സൗത്ത് ഈസ്റ്റ് ഏഷ്യയിൽ പ്രസിദ്ധീകരിച്ച പഠനത്തിൽ പറയുന്നു.
മദ്യം കഴിക്കാത്തവരിൽ ഫാറ്റി ലിവർ രോഗം കൂടുതലായി കാണുന്നതായി പഠനത്തിൽ പറയുന്നു.
ഫാറ്റി ലിവർ അമിതമായ മദ്യപാനവുമായി ബന്ധപ്പെട്ടിരുന്നെങ്കിലും സമീപകാല ഡാറ്റ മദ്യം കഴിക്കാത്തവരിൽ ഫാറ്റി ലിവർ രോഗം കൂടുതലായി കാണുന്നതായി പഠനത്തിൽ പറയുന്നു.
അമിതവണ്ണമുള്ളവരിൽ നോൺ ആൽക്കഹോളിക് ഫാറ്റി ലിവർ ഡിസീസ് ഉണ്ടാകാനുള്ള സാധ്യത കൂടുതലാണ്.
അമിതവണ്ണമുള്ളവരിൽ നോൺ ആൽക്കഹോളിക് ഫാറ്റി ലിവർ ഡിസീസ് ഉണ്ടാകാനുള്ള സാധ്യത കൂടുതലാണ്. ജീവിതശൈലീ നിയന്ത്രണങ്ങൾ കൊണ്ടും മതിയായ വ്യായാമത്തിലൂടെയും ഭക്ഷണക്രമീകരണത്തിലൂടെയും ഫാറ്റി ലിവർ ഭേദമാക്കാവുന്നതാണ്. നോൺ - ആൽക്കഹോളിക് ഫാറ്റി ലിവർ ഉണ്ടാകുന്നതിന് പിന്നിലെ കാരണങ്ങളെ കുറിച്ചാണ് ഇനി പറയുന്നത്.
നോൺ - ആൽക്കഹോളിക് ഫാറ്റി ലിവർ രോഗം ബാധിക്കുന്നതിന്റെ അപകട ഘടകങ്ങളിലൊന്ന് പൊണ്ണത്തടിയാണ്
നോൺ-ആൽക്കഹോളിക് ഫാറ്റി ലിവർ രോഗം ബാധിക്കുന്നതിന്റെ അപകട ഘടകങ്ങളിലൊന്ന് പൊണ്ണത്തടിയാണ്. ഉദാസീനമായ ജീവിതശൈലിയും ഉയർന്ന കലോറി ഭക്ഷണക്രമവും വർദ്ധിക്കുന്നത് ഇന്ത്യയിൽ അമിതഭാരമുള്ളവരും പൊണ്ണത്തടിയുള്ളവരുമായ വ്യക്തികളുടെ എണ്ണത്തിൽ ഗണ്യമായ വർദ്ധനവിന് കാരണമായിട്ടുണ്ട്.
സംസ്കരിച്ച കാർബോഹൈഡ്രേറ്റുകൾ, പഞ്ചസാര, അനാരോഗ്യകരമായ കൊഴുപ്പുകൾ
മാറിക്കൊണ്ടിരിക്കുന്ന ഭക്ഷണരീതികൾ, സംസ്കരിച്ച കാർബോഹൈഡ്രേറ്റുകൾ, പഞ്ചസാര, അനാരോഗ്യകരമായ കൊഴുപ്പുകൾ എന്നിവയുടെ വർദ്ധിച്ച ഉപഭോഗം എന്നിവ കരളിൽ അധിക കൊഴുപ്പ് അടിഞ്ഞുകൂടുന്നതിന് കാരണമാകുന്നു. ഇത് ഉയർന്ന കലോറി ഉപഭോഗത്തിനും പോഷകാഹാര നിലവാരക്കുറവിനും കാരണമാകുന്നു.
ചില മരുന്നുകൾ കരളിൽ കൊഴുപ്പ് അടിഞ്ഞുകൂടുന്നതിന് കാരണമാകും.
ടൈപ്പ് 2 പ്രമേഹം, മെറ്റബോളിക് സിൻഡ്രോം തുടങ്ങിയ അവസ്ഥകൾ NAFLD യുമായി അടുത്ത ബന്ധപ്പെട്ടിരിക്കുന്നു. ഇൻസുലിൻ പ്രതിരോധം, അതായത് ശരീരകോശങ്ങൾ ഇൻസുലിനോട് പ്രതികരിക്കുന്നത് കുറയുന്നു. ഇത് ശരീരം കൊഴുപ്പ് സംഭരണ കലകളിൽ നിന്ന് കരളിലേക്ക് മാറ്റാൻ കാരണമാകുന്നു. ചില മരുന്നുകൾ കരളിൽ കൊഴുപ്പ് അടിഞ്ഞുകൂടുന്നതിന് കാരണമാകും.
പോളിസിസ്റ്റിക് ഓവറി സിൻഡ്രോം (പിസിഒഎസ്), സ്ലീപ് അപ്നിയ, ഹൈപ്പോതൈറോയിഡിസം
പോളിസിസ്റ്റിക് ഓവറി സിൻഡ്രോം (പിസിഒഎസ്), സ്ലീപ് അപ്നിയ, ഹൈപ്പോതൈറോയിഡിസം തുടങ്ങിയ അവസ്ഥകൾ എൻഎഎഫ്എൽഡി വികസിപ്പിക്കാനുള്ള ഉയർന്ന അപകടസാധ്യതയുമായി ബന്ധപ്പെട്ടിരിക്കുന്നു. ഇന്ത്യയിൽ ഫാറ്റി ലിവർ പലപ്പോഴും മെറ്റബോളിക് സിൻഡ്രോമിന്റെ ഒരു ഘടകമാണ്.
ശരിയായ ഭക്ഷണം കഴിക്കുക, വ്യായാമം ശീലമാക്കുക, ആരോഗ്യകരമായ ഭാരം നിലനിർത്തുക
ശരിയായ ഭക്ഷണം കഴിക്കുക, വ്യായാമം ശീലമാക്കുക, ആരോഗ്യകരമായ ഭാരം നിലനിർത്തുക, മദ്യം കഴിക്കുന്നത് പരിമിതപ്പെടുത്തുക എന്നിവ ഫാറ്റി ലിവർ തടയാൻ സഹായിക്കും. കൂടാതെ, പതിവ് പരിശോധനകളിലൂടെ കരളിന്റെ ആരോഗ്യം നിരീക്ഷിക്കുന്നത് പ്രശ്നങ്ങൾ നേരത്തേ കണ്ടെത്താൻ സഹായിക്കും.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
