ഫാറ്റി ലിവർ ; ശരീരം കാണിക്കുന്ന ഈ അഞ്ച് ലക്ഷണങ്ങൾ അവഗണിക്കരുത്
നിരവധി പേരെ ബാധിക്കുന്ന ഒരു രോഗാവസ്ഥയാണ് ഫാറ്റി ലിവർ. കരളിൽ കൊഴുപ്പ് അടിഞ്ഞ് കൂടുന്ന രോഗമാണ് ഫാറ്റി ലിവർ.
ഫാറ്റി ലിവർ ; ശരീരം കാണിക്കുന്ന ഈ അഞ്ച് ലക്ഷണങ്ങൾ അവഗണിക്കരുത്
നിരവധി പേരെ ബാധിക്കുന്ന ഒരു രോഗാവസ്ഥയാണ് ഫാറ്റി ലിവർ. കരളിൽ കൊഴുപ്പ് അടിഞ്ഞ് കൂടുന്ന രോഗമാണ് ഫാറ്റി ലിവർ. പ്രകടമായ ലക്ഷണങ്ങളില്ലാതെ പതുക്കെ വികസിക്കുകയും കാലക്രമേണ കരളിന് ആയാസം നൽകുകയും ചെയ്യുന്നു. നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD), ആൽക്കഹോളിക് ഫാറ്റി ലിവർ എന്നിവ അവഗണിച്ചാൽ വീക്കം , ഫൈബ്രോസിസ്, സിറോസിസ് തുടങ്ങിയ ഗുരുതരമായ അവസ്ഥകളിലേക്ക് ഇവ വളരാൻ സാധ്യതയുണ്ട്.
നോൺ-ആൽക്കഹോളിക് ഫാറ്റി ലിവർ ഡിസീസ് എന്നാൽ മദ്യപാനം മൂലമല്ലാത്ത കൊഴുപ്പ് അടിഞ്ഞുകൂടുന്നതാണ്
ഫാറ്റി ലിവർ രണ്ട് തരത്തിലാണുള്ളത്. നോൺ-ആൽക്കഹോളിക് ഫാറ്റി ലിവർ ഡിസീസ്, നോൺ-ആൽക്കഹോളിക് സ്റ്റീറ്റോഹെപ്പറ്റൈറ്റിസ് എന്നിവ. നോൺ-ആൽക്കഹോളിക് ഫാറ്റി ലിവർ ഡിസീസ് എന്നാൽ മദ്യപാനം മൂലമല്ലാത്ത കൊഴുപ്പ് അടിഞ്ഞുകൂടുന്നതാണ്. ഇത് പലപ്പോഴും അമിതവണ്ണം, ഇൻസുലിൻ പ്രതിരോധം, മെറ്റബോളിക് സിൻഡ്രോം എന്നിവയുമായി ബന്ധപ്പെട്ടിരിക്കുന്നു.
നോൺ-ആൽക്കഹോളിക് സ്റ്റീറ്റോഹെപ്പറ്റൈറ്റിസ് കൂടുതൽ ഗുരുതരമായ ഒരു അവസ്ഥയാണിത്
നോൺ-ആൽക്കഹോളിക് സ്റ്റീറ്റോഹെപ്പറ്റൈറ്റിസ് കൂടുതൽ ഗുരുതരമായ ഒരു അവസ്ഥയാണിത്. കരൾ കോശങ്ങൾക്ക് കേടുപാടുകൾ സംഭവിക്കുന്നതിനും വീക്കം ഉണ്ടാകുന്നതിനും ഇത് കാരണമാകുകയും സിറോസിസ് (cirrhosis) വരാനുള്ള സാധ്യത വർദ്ധിപ്പിക്കുകയും ചെയ്യുന്നു. ഫാറ്റി ലിവറിന്റെ സാധാരണമായതും എന്നാൽ പലപ്പോഴും ശ്രദ്ധിക്കപ്പെടാതെ പോകുന്നതുമായ ലക്ഷണങ്ങളെ കുറിച്ചാണ് ഇനി പറയുന്നത്.
തുടർച്ചയായ ക്ഷീണവും ഊർജ്ജക്കുറവുമാണ് ആദ്യത്തെ ലക്ഷണം.
തുടർച്ചയായ ക്ഷീണവും ഊർജ്ജക്കുറവുമാണ് ആദ്യത്തെ ലക്ഷണം. സമ്മർദ്ദത്തിലായ കരളിന് പോഷകങ്ങളെ കാര്യക്ഷമമായി പ്രോസസ്സ് ചെയ്യാൻ കഴിയാതെ വരുന്നു. അതിനാൽ, മതിയായ വിശ്രമം ലഭിച്ചാലും എപ്പോഴും തളർച്ച അനുഭവപ്പെടാം.
കാരണമില്ലാതെ ശരീരഭാരം കൂടുന്നതാണ് മറ്റൊരു ലക്ഷണം.
കാരണമില്ലാതെ ശരീരഭാരം കൂടുന്നതാണ് മറ്റൊരു ലക്ഷണം. ഫാറ്റി ലിവറിന്റെ ലക്ഷണങ്ങൾ പലപ്പോഴും ഇൻസുലിൻ പ്രതിരോധവുമായി (insulin resistance) ബന്ധപ്പെട്ടിരിക്കുന്നു. ഇത് ഭക്ഷണക്രമീകരണത്തിലൂടെയോ വ്യായാമത്തിലൂടെയോ എളുപ്പത്തിൽ കുറയ്ക്കാൻ കഴിയാത്ത വിധം വയറ്റിൽ കൊഴുപ്പ് അടിയുന്നതിന് കാരണമാകുന്നു.
വയറിന്റെ വലതുഭാഗത്ത് അസ്വസ്ഥതയോ നിറഞ്ഞതായി തോന്നുന്ന അവസ്ഥ
വയറിന്റെ വലതുഭാഗത്ത് അസ്വസ്ഥതയോ നിറഞ്ഞതായി തോന്നുന്ന അവസ്ഥയോ അനുഭവപ്പെടുന്നതാണ് മറ്റൊരു ലക്ഷണം. കരളിന് നേരിയ തോതിൽ വലിപ്പം കൂടുന്നത് വാരിയെല്ലിന് താഴെ വലതുഭാഗത്തായി ഭാരമോ അസ്വസ്ഥതയോ അനുഭവപ്പെടാൻ കാരണമായേക്കാം.
മറവിയിലേക്കോ ശ്രദ്ധ കേന്ദ്രീകരിക്കാനുള്ള ബുദ്ധിമുട്ടിലേക്കോ നയിക്കുകയും ചെയ്തേക്കാം
കരളിന്റെ പ്രവർത്തനം തകരാറിലാകുന്നതുമൂലം വിഷവസ്തുക്കൾ അടിഞ്ഞുകൂടുന്നത് മാനസികമായ വ്യക്തതയെ ബാധിക്കുകയും, അതുവഴി മറവിയിലേക്കോ ശ്രദ്ധ കേന്ദ്രീകരിക്കാനുള്ള ബുദ്ധിമുട്ടിലേക്കോ നയിക്കുകയും ചെയ്തേക്കാം.
കഴുത്ത്, കക്ഷം, അല്ലെങ്കിൽ കൈമുട്ട് എന്നിവിടങ്ങളിൽ കാണപ്പെടുന്ന കറുത്ത പാടുകളാണ്
ചർമ്മത്തിലെ കറുത്ത പാടുകളാണ് മറ്റൊരു ലക്ഷണം. കഴുത്ത്, കക്ഷം, അല്ലെങ്കിൽ കൈമുട്ട് എന്നിവിടങ്ങളിൽ കാണപ്പെടുന്ന, വെൽവെറ്റ് പോലെയുള്ള കറുത്ത പാടുകൾ ഇൻസുലിൻ പ്രതിരോധത്തിന്റെ (insulin resistance) ലക്ഷണമാകാം.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
