ആർത്തവം കൃത്യമല്ലാത്തതിന്റെ കാരണം ഹോർമോൺ മാറ്റങ്ങൾ മാത്രമല്ല; മാനസികസമ്മർദ്ദം നിങ്ങളുടെ ആർത്തവചക്രത്തെ ബാധിക്കുന്നത് ഇങ്ങനെ

സ്ട്രെസ് വർദ്ധിക്കുമ്പോൾ ആർത്തവത്തെ നിയന്ത്രിക്കുന്ന ഹോർമോണുകളിലും സന്ദേശങ്ങളിലും ഉണ്ടാകുന്ന വ്യതിയാനങ്ങളാണ് കൃത്യമല്ലാത്ത ആർത്തവചക്രത്തിന്റെ കാരണം. പ്രധാനമായും ശ്രദ്ധിക്കേണ്ട കാര്യങ്ങൾ ഇവയാണ്.

Image Credit : Getty

കോർട്ടിസോൾ ഹോർമോണിന്റെ വർദ്ധനവ്

മാനസികസമ്മർദ്ദം ഉണ്ടാകുമ്പോൾ ശരീരം കോർട്ടിസോൾ എന്ന സ്ട്രെസ് ഹോർമോൺ കൂടുതൽ ഉൽപ്പാദിപ്പിക്കുന്നു. ദീർഘനേരം സമ്മർദ്ദത്തിലാകുമ്പോൾ രക്തത്തിൽ കോർട്ടിസോളിന്റെ അളവ് ഉയർന്ന നിലയിൽ തുടരും.

Image Credit : Getty

പ്രത്യുത്പാദനത്തിൽ നിന്ന് ജീവൻ നിലനിർത്തലിലേക്ക്

ദീർഘകാലമായുള്ള മാനസികസമ്മർദ്ദത്തിന്റെ ഘട്ടങ്ങളിൽ, ശരീരം പ്രത്യുത്പാദന പ്രക്രിയകളേക്കാൾ അതിജീവനത്തിന് മുൻഗണന നൽകുന്നു. ഇത് സ്വാഭാവിക ആർത്തവചക്രത്തെ തടസ്സപ്പെടുത്തുന്നു.

Image Credit : freepik

മസ്തിഷ്ക സന്ദേശങ്ങളിലെ തടസ്സം

അണ്ഡോത്പാദനം നിയന്ത്രിക്കുന്നത് തലച്ചോറും അണ്ഡാശയവും തമ്മിലുള്ള സന്ദേശവിനിമയമാണ്. എന്നാൽ ഉയർന്ന കോർട്ടിസോൾ അളവ് ഈ സന്ദേശങ്ങളെ തടസ്സപ്പെടുത്തുകയും ഈസ്ട്രജൻ, പ്രൊജസ്റ്ററോൺ തുടങ്ങിയ ഹോർമോണുകളുടെ സന്തുലിതാവസ്ഥ തെറ്റിക്കുകയും ചെയ്യുന്നു.

Image Credit : pexels

ആർത്തവപ്രശ്നങ്ങൾ

ഹോർമോൺ സന്തുലിതാവസ്ഥ തെറ്റുന്നതിലൂടെ ആർത്തവം വൈകുക, അണ്ഡോത്പാദനം കൃത്യമല്ലാതാവുക, അമിതമായ മൂഡ് സ്വിങ്സ്, കടുത്ത പിഎംഎസ് ലക്ഷണങ്ങൾ എന്നിവ ഉണ്ടാകുന്നു. ഇത്തരം ലക്ഷണങ്ങളെ നിസ്സാരമായി കാണരുത്.