പ്രോട്ടീൻ കൂടുതലായി അടങ്ങിയ ഈ പഴങ്ങൾ അമിതവണ്ണം കുറയ്ക്കും

വിശപ്പ് കുറയ്ക്കുക, ദീർഘനേരം വയറുനിറഞ്ഞതായി തോന്നിപ്പിക്കുക, പേശീബലം നിലനിർത്തുക എന്നിവയിലൂടെ ശരീരഭാരം കുറയ്ക്കാൻ പ്രോട്ടീൻ സഹായിക്കുന്നു.

Image Credit : pexels

പ്രോട്ടീൻ കൂടുതലായി അടങ്ങിയ ഈ പഴങ്ങൾ അമിതവണ്ണം കുറയ്ക്കും

വിശപ്പ് കുറയ്ക്കുക, ദീർഘനേരം വയറുനിറഞ്ഞതായി തോന്നിപ്പിക്കുക, പേശീബലം നിലനിർത്തുക എന്നിവയിലൂടെ ശരീരഭാരം കുറയ്ക്കാൻ പ്രോട്ടീൻ സഹായിക്കുന്നു. ഭാരക്കുറവിന് ഏറ്റവും അനുയോജ്യമായ പ്രോട്ടീൻ ഉറവിടങ്ങൾ കൊഴുപ്പ് കുറഞ്ഞതും, കുറഞ്ഞ കലോറി അടങ്ങിയതും, വയറു നിറഞ്ഞതായി തോന്നിപ്പിക്കുന്നതുമാണ്. പ്രോട്ടീൻ കൂടുതലായി അടങ്ങിയ ഈ പഴങ്ങൾ അമിതവണ്ണം കുറയ്ക്കും.

Image Credit : Getty

ശരീരഭാരം കുറയ്ക്കാൻ സഹായിക്കുന്ന മികച്ചൊരു പഴമാണ് പേരയ്ക്ക.

ശരീരഭാരം കുറയ്ക്കാൻ സഹായിക്കുന്ന മികച്ചൊരു പഴമാണ് പേരയ്ക്ക. ഇടത്തരം വലിപ്പമുള്ള ഒരു പേരയ്ക്കയിൽ 37 മുതൽ 60 വരെ കലോറി മാത്രമേ അടങ്ങിയിട്ടുള്ളൂ. കൂടാതെ, ഇതിൽ ധാരാളം നാരുകൾ (ഏകദേശം 5 ഗ്രാം) അടങ്ങിയിട്ടുണ്ട്. ഇതിന്റെ കുറഞ്ഞ ഗ്ലൈസെമിക് സൂചിക വിശപ്പ് നിയന്ത്രിക്കാനും രക്തത്തിലെ പഞ്ചസാരയുടെ അളവ് പെട്ടെന്ന് കൂടുന്നത് തടയാനും മെറ്റബോളിസം മെച്ചപ്പെടുത്താനും സഹായിക്കുന്നു.

Image Credit : Getty

ആപ്രിക്കോട്ട് ശരീരഭാരം കുറയ്ക്കാൻ സഹായിക്കുന്ന മികച്ചൊരു പഴമാണ്

കുറഞ്ഞ കലോറിയും ഉയർന്ന അളവിൽ നാരുകളും അടങ്ങിയ ആപ്രിക്കോട്ട് ശരീരഭാരം കുറയ്ക്കാൻ സഹായിക്കുന്ന മികച്ചൊരു പഴമാണ്. ഇവ പച്ചയായോ ഉണക്കിയോ കഴിക്കാവുന്നതാണ്. ദഹനാരോഗ്യം മെച്ചപ്പെടുത്തുന്നതിൽ ഇവയ്ക്ക് വലിയ പങ്കുണ്ട്. ഇതിൽ അടങ്ങിയിരിക്കുന്ന ഉയർന്ന അളവിലുള്ള ബീറ്റാ-കരോട്ടിൻ കാഴ്ചശക്തിക്കും ചർമ്മത്തിന്റെ ആരോഗ്യത്തിനും ഗുണകരമാണ്. 100 ഗ്രാം ആപ്രിക്കോട്ടിൽ 1.40 ഗ്രാം പ്രോട്ടീൻ അടങ്ങിയിട്ടുണ്ട്.

Image Credit : Getty

ഉണക്കിയ പ്ലം പഴമാണ് 'പ്രൂൺ' (prune). 100 ഗ്രാം പ്രൂണിൽ 2.20 ഗ്രാം പ്രോട്ടീൻ അടങ്ങിയിട്ടുണ്ട്.

ഉണക്കിയ പ്ലം പഴമാണ് 'പ്രൂൺ' (prune). 100 ഗ്രാം പ്രൂണിൽ 2.20 ഗ്രാം പ്രോട്ടീൻ അടങ്ങിയിട്ടുണ്ട്. കാഴ്ചശക്തിക്ക് അത്യന്താപേക്ഷിതമായ വിറ്റാമിൻ എ-യുടെ മികച്ച ഉറവിടമാണ് ഇവ. ഹൃദയാരോഗ്യത്തിന് ഗുണകരമായ ആന്റിഓക്‌സിഡന്റുകളാൽ സമ്പന്നമാണിവ. എല്ലുകളുടെയും ചർമ്മത്തിന്റെയും ആരോഗ്യത്തിനും പ്രൂൺ ഗുണം ചെയ്യുന്നു.

Image Credit : Getty

ഭാരം കുറയ്ക്കാൻ അത്യാവശ്യമായ നാരുകളും (fiber) അവക്കാഡോയിൽ ധാരാളമായി അടങ്ങിയിട്ടുണ്ട്

ആരോഗ്യകരമായ അൺസാച്ചുറേറ്റഡ് കൊഴുപ്പുകളാൽ സമ്പന്നമായ അവക്കാഡോ, സന്ധികളുടെ വഴക്കം നിലനിർത്താനും രക്തസമ്മർദ്ദം ക്രമമായി നിലനിർത്താനും സഹായിക്കുന്നു. ഇതിലെ ശക്തമായ ആന്റി-ഇൻഫ്ലമേറ്ററി ഗുണങ്ങൾ ഹൃദയാരോഗ്യത്തിന് ഏറെ ഗുണകരമാണ്. ശരീരഭാരം കുറയ്ക്കാൻ അത്യാവശ്യമായ നാരുകളും (fiber) അവക്കാഡോയിൽ ധാരാളമായി അടങ്ങിയിട്ടുണ്ട്.

Image Credit : Getty

ചക്കയിലുള്ള നാരുകൾ (ഫൈബർ) ദീർഘനേരം വയറുനിറഞ്ഞതായി തോന്നിപ്പിക്കാൻ സഹായിക്കുന്നു

മെറ്റബോളിസത്തിന് ആവശ്യമായ വിറ്റാമിൻ ബി6 ചക്കയിൽ ധാരാളമായി അടങ്ങിയിട്ടുണ്ട്. കൂടാതെ, ഗണ്യമായ അളവിൽ ഡയറ്ററി ഫൈബർ, വിറ്റാമിൻ എ, വിവിധതരം ആന്റിഓക്‌സിഡന്റുകൾ എന്നിവയും ഇതിൽ അടങ്ങിയിരിക്കുന്നു. ചക്കയിലുള്ള നാരുകൾ (ഫൈബർ) ദീർഘനേരം വയറുനിറഞ്ഞതായി തോന്നിപ്പിക്കാൻ സഹായിക്കുന്നു. ഇത് അനാവശ്യമായി ജങ്ക് ഫുഡ് അമിതമായി കഴിക്കുന്നത് ഒഴിവാക്കാൻ സഹായിക്കുന്നു.

Image Credit : Getty

ധാരാളം നാരുകൾ അടങ്ങിയതുമായതിനാൽ ശരീരഭാരം കുറയ്ക്കാൻ കിവി പഴം സഹായിക്കുന്നു.

കലോറി വളരെ കുറവായതും (ഒരു ഇടത്തരം പഴത്തിൽ ഏകദേശം 40-50 കലോറി മാത്രം) ധാരാളം നാരുകൾ (ഡയറ്ററി ഫൈബർ) അടങ്ങിയതുമായതിനാൽ ശരീരഭാരം കുറയ്ക്കാൻ കിവി പഴം സഹായിക്കുന്നു. ഇതിലെ നാരുകൾ വയർ നിറഞ്ഞതായി തോന്നിപ്പിക്കുകയും, മധുരം കഴിക്കാനുള്ള ആഗ്രഹം കുറയ്ക്കുകയും, ദഹനപ്രക്രിയ മെച്ചപ്പെടുത്തുകയും ചെയ്യുന്നു.