ശ്വാസകോശ ആരോഗ്യം മെച്ചപ്പെടുത്തുന്ന എട്ട് സൂപ്പർഫുഡുകൾ
ശ്വാസകോശത്തെ സംരക്ഷിക്കുന്നതിന് ഭക്ഷണക്രമം പ്രധാന പങ്കാണ് വഹിക്കുന്നത്. ശ്വാസകോശങ്ങളുടെ ആരോഗ്യം മോശമാക്കുന്ന നിരവധി ഘടകങ്ങളുണ്ടെങ്കിലും, അവയിൽ വരുത്തുന്ന മാറ്റങ്ങളിലൂടെ ശ്വാസകോശാരോഗ്യം മെച്ചപ്പെടുത്താൻ സാധിക്കും.
ശ്വാസകോശ ആരോഗ്യം മെച്ചപ്പെടുത്തുന്ന എട്ട് സൂപ്പർഫുഡുകൾ
ശ്വാസകോശത്തെ സംരക്ഷിക്കുന്നതിന് ഭക്ഷണക്രമം പ്രധാന പങ്കാണ് വഹിക്കുന്നത്. ശ്വാസകോശങ്ങളുടെ ആരോഗ്യം മോശമാക്കുന്ന നിരവധി ഘടകങ്ങളുണ്ടെങ്കിലും, അവയിൽ വരുത്തുന്ന മാറ്റങ്ങളിലൂടെ ശ്വാസകോശാരോഗ്യം മെച്ചപ്പെടുത്താൻ സാധിക്കും. ശ്വാസകോശാരോഗ്യം മെച്ചപ്പെടുത്താനും ശ്വാസകോശത്തിന്റെ ശേഷി വർദ്ധിപ്പിക്കാനും സഹായിക്കുന്ന ചില സൂപ്പർഫുഡുകളുണ്ട്. ശ്വാസകോശത്തിന് ഏറ്റവും ഗുണകരമായ സൂപ്പർഫുഡുകൾ ഏതൊക്കെയാണെന്നതാണ് ഇനി പറയുന്നത്.
തക്കാളി ഉൾപ്പെടുത്തുന്നത് ആസ്ത്മയുടെ ലക്ഷണങ്ങൾ കുറയ്ക്കാനും സഹായിക്കും.
തക്കാളിയിൽ ലൈക്കോപീൻ ധാരാളമായി അടങ്ങിയിട്ടുണ്ട്. ശ്വാസകോശത്തിന്റെ ആരോഗ്യം മെച്ചപ്പെടുത്തുന്നതുമായി ബന്ധപ്പെട്ട ഒരു ആന്റിഓക്സിഡന്റാണ് ലൈക്കോപീൻ. നിത്യജീവിതത്തിലെ ഭക്ഷണക്രമത്തിൽ തക്കാളി ഉൾപ്പെടുത്തുന്നത് ശ്വാസകോശത്തിന്റെ ശേഷി വർദ്ധിപ്പിക്കാനും ആസ്ത്മയുടെ ലക്ഷണങ്ങൾ കുറയ്ക്കാനും സഹായിക്കും.
ബ്ലൂബെറി ശ്വാസകോശ കലകളെ ഓക്സിഡേറ്റീവ് നാശത്തിൽ നിന്ന് സംരക്ഷിക്കുന്നു
ബ്ലൂബെറികളിൽ പോഷകങ്ങൾ പ്രത്യേകിച്ച് ആന്റിഓക്സിഡന്റുകൾ ധാരാളമായി അടങ്ങിയിട്ടുണ്ട്. ബൂബെറിയിലെ ആന്തോസയാനിനുകൾ ശ്വാസകോശ കലകളെ ഓക്സിഡേറ്റീവ് നാശത്തിൽ നിന്ന് സംരക്ഷിക്കുന്നു.
ശ്വാസകോശത്തിന്റെ ആരോഗ്യം മെച്ചപ്പെടുത്തുന്ന പോഷകങ്ങൾ കുരുമുളകിൽ അടങ്ങിയിട്ടുണ്ട്
ശ്വാസകോശത്തിന്റെ ആരോഗ്യം മെച്ചപ്പെടുത്തുന്ന ആന്റിഓക്സിഡന്റുകൾ, വിറ്റാമിൻ സി, മറ്റ് വിവിധ പോഷകങ്ങൾ എന്നിവയാൽ സമ്പന്നമാണ് കുരുമുളക്. പുകവലി മൂലം ശ്വാസകോശത്തിനുണ്ടാകുന്ന കേടുപാടുകൾ പരിഹരിക്കാൻ വിറ്റാമിൻ സി സഹായിക്കുന്നു.
ശ്വാസകോശത്തിന്റെ പ്രവർത്തനം മെച്ചപ്പെടുത്താൻ മഞ്ഞൾ സഹായിക്കുന്നു
മഞ്ഞളിൽ 'കുർക്കുമിൻ' എന്നൊരു ഘടകം അടങ്ങിയിട്ടുണ്ട്. മഞ്ഞളിന് വീക്കം കുറയ്ക്കാനുള്ള കഴിവ് (anti-inflammatory property) നൽകുന്നതും ഈ കുർക്കുമിനാണ്. ശ്വാസകോശത്തിന്റെ പ്രവർത്തനം മെച്ചപ്പെടുത്താൻ മഞ്ഞൾ സഹായിക്കുന്നു. കുറഞ്ഞ അളവിൽ കുർക്കുമിൻ ഉപയോഗിക്കുന്നവരുമായി താരതമ്യം ചെയ്യുമ്പോൾ, കൂടുതൽ അളവിൽ കുർക്കുമിൻ ഉപയോഗിക്കുന്ന പുകവലിക്കാരിൽ ശ്വാസകോശത്തിന്റെ പ്രവർത്തനം മെച്ചപ്പെടുന്നതായി തെളിയിക്കപ്പെട്ടിട്ടുണ്ട്.
ഗ്രീൻ ടീ കുടിക്കുന്നത് പൾമണറി ഫൈബ്രോസിസ് രാനുള്ള സാധ്യത കുറയ്ക്കാൻ സഹായിച്ചേക്കാം.
മികച്ച ആന്റി-ഇൻഫ്ലമേറ്ററി ഗുണങ്ങളുള്ള ഒന്നാണ് ഗ്രീൻ ടീ. ദിവസവും ഒരു കപ്പ് ഗ്രീൻ ടീ കുടിക്കുന്നത് പൾമണറി ഫൈബ്രോസിസ് (ശ്വാസകോശ കലകളിൽ പാടുകൾ രൂപപ്പെടുന്ന അവസ്ഥ) വരാനുള്ള സാധ്യത കുറയ്ക്കാൻ സഹായിച്ചേക്കാം.
ഒലിവ് ഓയിലിന്റെ ഉപയോഗം ആസ്ത്മയ്ക്കുള്ള സാധ്യത കുറയ്ക്കുന്നു
ശ്വസനവ്യവസ്ഥയുടെ ആരോഗ്യം മെച്ചപ്പെടുത്താൻ ഒലിവ് ഓയിൽ സഹായിക്കുന്നു. ഒലിവ് ഓയിലിന്റെ പതിവായ ഉപയോഗം ആസ്ത്മയ്ക്കുള്ള സാധ്യത കുറയ്ക്കുന്നതുമായും ബന്ധപ്പെട്ടിരിക്കുന്നു.
തൈര് ശ്വാസകോശത്തിന്റെ പ്രവർത്തനം മെച്ചപ്പെടുത്തുക ചെയ്യുന്നു
കാൽസ്യം, പ്രോട്ടീൻ, ഫോസ്ഫറസ്, സെലിനിയം തുടങ്ങിയ വിവിധ പോഷകങ്ങളാൽ സമ്പന്നമായ മറ്റൊരു സൂപ്പർഫുഡാണ് തൈര്. ഈ സൂപ്പർഫുഡ് ശ്വാസകോശത്തിന്റെ പ്രവർത്തനം മെച്ചപ്പെടുത്തുകയും സി.ഒ.പി.ഡി (COPD) സാധ്യതയിൽ നിന്ന് സംരക്ഷിക്കുകയും ചെയ്യുന്നു.
വെളുത്തുള്ളി ശ്വാസകോശത്തിന്റെ പ്രവർത്തനം മെച്ചപ്പെടുത്തുന്നു
ശ്വാസകോശത്തിന്റെയും ശരീരത്തിന്റെയും മൊത്തത്തിലുള്ള ആരോഗ്യം മെച്ചപ്പെടുത്തുന്ന ആന്റി-ബാക്ടീരിയൽ, ആന്റി-ഇൻഫ്ലമേറ്ററി, ആന്റി-വൈറൽ തുടങ്ങിയ നിരവധി ഗുണങ്ങൾ വെളുത്തുള്ളിക്കുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
