ഹൃദയാഘാത സാധ്യത കൂട്ടുന്ന ആറ് ഭക്ഷണങ്ങൾ
ഹൃദ്രോഗം തടയുന്നതിനും നിയന്ത്രിക്കുന്നതിനുമുള്ള പ്രധാന ഘടകങ്ങളാണ് ആരോഗ്യകരമായ ഭക്ഷണക്രമവും ജീവിതശൈലിയും.
ഹൃദയാഘാത സാധ്യത കൂട്ടുന്ന ആറ് ഭക്ഷണങ്ങൾ
ഹൃദ്രോഗം തടയുന്നതിനും നിയന്ത്രിക്കുന്നതിനുമുള്ള പ്രധാന ഘടകങ്ങളാണ് ആരോഗ്യകരമായ ഭക്ഷണക്രമവും ജീവിതശൈലിയും. എന്നാൽ, പൂരിത കൊഴുപ്പ്, സോഡിയം, അധികമായി ചേർത്ത പഞ്ചസാര, സംസ്കരിച്ച കാർബോഹൈഡ്രേറ്റ് എന്നിവ അടങ്ങിയ ഭക്ഷണങ്ങൾ ഹൃദയാരോഗ്യത്തിന് ഹാനികരമാണ്. ഇവ പതിവായി കഴിക്കുന്നത് രക്തസമ്മർദ്ദം ഉയർത്താനും 'മോശം' കൊളസ്ട്രോൾ വർദ്ധിപ്പിക്കാനും ഹൃദ്രോഗത്തിന് കാരണമാകാനും ഇടയാക്കും. ഹൃദയാഘാത സാധ്യത കൂട്ടുന്ന ഭക്ഷണങ്ങളെ കുറിച്ചാണ് ഇനി പറയുന്നത്.
ബേക്കൺ, സോസേജ്, ഹോട്ട് ഡോഗ് എന്നിവയിൽ ഉയർന്ന അളവിൽ സോഡിയവും പൂരിത കൊഴുപ്പും (saturated fat) അടങ്ങിയിട്ടുണ്ട്
ബേക്കൺ, സോസേജ്, ഹോട്ട് ഡോഗ് എന്നിവയിൽ ഉയർന്ന അളവിൽ സോഡിയവും പൂരിത കൊഴുപ്പും (saturated fat) അടങ്ങിയിട്ടുണ്ട്. ഇവ ഹൃദയത്തിന് ആയാസമുണ്ടാക്കുകയും രക്തസമ്മർദ്ദം വർദ്ധിപ്പിക്കുകയും ചെയ്യുന്നു. വളരെക്കാലം കേടുകൂടാതെ സൂക്ഷിക്കുന്നതിനു സംസ്കരിച്ചെടുക്കുന്ന മാംസം കഴിക്കുന്നത് അർബുദത്തിനു കാരണമാകുമെന്ന് ലോകാരോഗ്യ സംഘടന വ്യക്തമാക്കുന്നു. സംസ്കരിച്ചെടുക്കുന്ന മാംസം കഴിക്കുന്നത് ഒരാളിൽ ഉദര അർബുദത്തിന് കാരണമാകുന്നുവെന്നും വിദഗ്ധർ പറയുന്നു. ഭക്ഷണം കേടുകൂടാതെ വളരെക്കാലം ഇരിക്കുന്നതിനു വേണ്ടി ഉപ്പ് ചേർക്കുന്നതും പ്രിസർവേറ്റീവ്സ് ചേർക്കുന്നതും അർബുദ സാധ്യത വർധിപ്പിക്കുന്നതായി കണ്ടെത്തിയിട്ടുണ്ട്.
മധുരം ചേർത്ത പാനീയങ്ങൾ കുടിക്കുന്നത് ഹൃദയത്തിന് ദോഷം ചെയ്യും.
സോഡ, പാക്ക് ചെയ്ത പഴച്ചാറുകൾ, മധുരം ചേർത്ത ചായ എന്നിവയിൽ അടങ്ങിയിരിക്കുന്ന അധിക പഞ്ചസാര ശരീരഭാരം കൂടുന്നതിനും പ്രമേഹം, ഹൃദയസ്തംഭനം എന്നിവയ്ക്കും കാരണമായേക്കാം. പാനീയങ്ങളിലെ പഞ്ചസാര വയറു നിറഞ്ഞതായി തോന്നിപ്പിക്കാത്തതിനാൽ, സാധാരണ ഭക്ഷണക്രമത്തിന് പുറമേ നിങ്ങൾ അധിക കലോറി കഴിക്കുന്നു. മധുരമുള്ള പാനീയങ്ങളിൽ നിന്നുള്ള അമിതമായ ഫ്രക്ടോസ് ഇൻസുലിൻ പ്രതിരോധത്തിന് കാരണമാവുകയും രക്തത്തിലെ ഗ്ലൂക്കോസിന്റെ അളവ് പെട്ടെന്ന് ഉയർത്തുകയും ചെയ്യുന്നു.
എണ്ണയിൽ വറുത്ത ഭക്ഷണങ്ങൾ വിവിധ രോഗങ്ങൾക്കാണ് ഇടയാക്കുന്നത്
എണ്ണയിൽ വറുത്ത ഭക്ഷണങ്ങൾ ഹൃദയത്തിന് മാത്രമല്ല വിവിധ രോഗങ്ങൾക്കാണ് ഇടയാക്കുന്നത്. ഫ്രഞ്ച് ഫ്രൈസ്, ഡീപ്-ഫ്രൈ ചെയ്ത മറ്റ് വിഭവങ്ങൾ എന്നിവയിൽ ആരോഗ്യത്തിന് ഹാനികരമായ കൊഴുപ്പും അമിത അളവിൽ ഉപ്പും അടങ്ങിയിട്ടുണ്ട്. ഇവ രക്തധമനികളിൽ തടസ്സമുണ്ടാക്കാൻ കാരണമാകുന്നു.
വെള്ള ബ്രെഡ്, വെള്ള അരി, സാധാരണ പാസ്ത എന്നിവയിൽ നാരുകൾ (fiber) അടങ്ങിയിട്ടില്ല
വെള്ള ബ്രെഡ്, വെള്ള അരി, സാധാരണ പാസ്ത എന്നിവയിൽ നാരുകൾ (fiber) അടങ്ങിയിട്ടില്ല. ഇവ ശരീരത്തിൽ പെട്ടെന്ന് പഞ്ചസാരയായി മാറുകയും പ്രമേഹം, ഹൃദ്രോഗം എന്നിവയ്ക്കുള്ള സാധ്യത വർദ്ധിപ്പിക്കുകയും ചെയ്യുന്നു. സംസ്കരിച്ച കാർബോഹൈഡ്രേറ്റുകൾ വളരെ വേഗത്തിൽ ദഹിക്കുന്നു. ഇത് രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നതിനും തുടർന്ന് അതിവേഗം താഴുന്നതിനും കാരണമാകുന്നു. ഈ അവസ്ഥ ക്ഷീണം, അസ്വസ്ഥത, പെട്ടെന്നുള്ള വിശപ്പ് എന്നിവയ്ക്ക് വഴിയൊരുക്കുന്നു.
ഉപ്പ് അടങ്ങിയ പാക്ക് ചെയ്ത ഭക്ഷണങ്ങൾ ഹൃദയത്തിന് ദോഷം ചെയ്യുക മാത്രമല്ല ബിപി കൂട്ടാം
ഉപ്പ് അടങ്ങിയ പാക്ക് ചെയ്ത ഭക്ഷണങ്ങൾ ഹൃദയത്തിന് ദോഷം ചെയ്യുക മാത്രമല്ല ബിപി കൂട്ടാം. ചിപ്സ്, ഫാസ്റ്റ് ഫുഡ് എന്നിവയിൽ ഉയർന്ന രക്തസമ്മർദ്ദത്തിന് കാരണമാകുന്ന മറഞ്ഞിരിക്കുന്ന സോഡിയം അടങ്ങിയിട്ടുണ്ട്.
ബേക്ക് ചെയ്ത പലഹാരങ്ങൾ ഹൃദയാഘാത സാധ്യത വർദ്ധിപ്പിക്കുന്നു
ബേക്ക് ചെയ്ത പലഹാരങ്ങൾ ആരോഗ്യത്തിന് നല്ലതല്ല. കുക്കികൾ, കേക്കുകൾ, കടകളിൽ നിന്ന് വാങ്ങുന്ന മഫിനുകൾ എന്നിവയിൽ പലപ്പോഴും ഉയർന്ന അളവിൽ പഞ്ചസാരയും സംസ്കരിച്ച മാവും ആരോഗ്യത്തിന് ഹാനികരമായ കൊഴുപ്പും അടങ്ങിയിട്ടുണ്ടാകും.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
