മാർക്കറ്റ് റിസ്ക് ഇല്ല, കേന്ദ്രത്തിന്റെ പിന്തുണയും; 2 ലക്ഷത്തിലധികം രൂപ പോക്കറ്റിലെത്തും! പോസ്റ്റ് ഓഫീസ് സ്കീം അറിയാം

ഓഹരി വിപണികളും എസ്ഐപികളും ഇന്ന് ജനപ്രിയമാണെങ്കിലും, സുരക്ഷിതത്വം ആഗ്രഹിക്കുന്ന നിക്ഷേപകരെ ആകർഷിക്കുന്നത് പോസ്റ്റ് ഓഫീസ് നിക്ഷേപ പദ്ധതികളാണ്. അത്തരത്തിൽ വിശ്വസിക്കാവുന്ന ഒരു പദ്ധതിയാണ് നാഷണൽ സേവിംഗ്സ് സർട്ടിഫിക്കറ്റ് (എൻ എസ് സി). 

Image Credit : Getty

എന്താണ് എൻ എസ് സി?

ഇന്ത്യാ പോസ്റ്റിന്റെ സർക്കാർ പിന്തുണയുള്ള ലഘു സമ്പാദ്യ പദ്ധതിയാണ് എൻ എസ് സി. സുരക്ഷിതവും ഉറപ്പുള്ളതുമായ വരുമാനം ആഗ്രഹിക്കുന്നവർക്ക് ഇത് അനുയോജ്യമാണ്. സർക്കാർ ഗ്യാരണ്ടിയുള്ളതിനാൽ നിക്ഷേപം സുരക്ഷിതമാണ്.

Image Credit : Post Office\Twitter

നിക്ഷേപ തുകയും ലോക്ക്-ഇൻ കാലയളവും

കുറഞ്ഞത് 1,000 രൂപയ്ക്ക് എൻ എസ് സിയിൽ നിക്ഷേപിക്കാം. ഉയർന്ന പരിധിയില്ല. 5 വർഷമാണ് ലോക്ക്-ഇൻ കാലയളവ്. നിക്ഷേപകന്റെ മരണം പോലെയുള്ള പ്രത്യേക സാഹചര്യങ്ങളിൽ മാത്രം നേരത്തെ പണം പിൻവലിക്കാം.

Image Credit : Getty

പലിശ നിരക്ക്

എൻ എസ് സിയ്ക്ക് നിലവിൽ 7.7% വാർഷിക പലിശയുണ്ട്. ഇത് വർഷം തോറും കൂട്ടുപലിശയായി കണക്കാക്കുന്നു. കാലാവധി പൂർത്തിയാകുമ്പോൾ മുതലും പലിശയും ഒരുമിച്ച് അക്കൗണ്ടിൽ ലഭിക്കും.

Image Credit : Google

സീറോ റിസ്ക്കും കേന്ദ്രസര്‍ക്കാര്‍ പിന്തുണയും

എൻ എസ് സിയുടെ ഏറ്റവും വലിയ നേട്ടം ഇതിൽ യാതൊരു നഷ്ട സാധ്യതയുമില്ല എന്നതാണ്. കേന്ദ്രസർക്കാർ പിന്തുണയുള്ളതിനാൽ പണം നഷ്ടമാകില്ല. ഓഹരികളെപ്പോലെ വിപണിയെ ആശ്രയിക്കാത്തതിനാൽ ഇത് സുരക്ഷിത നിക്ഷേപം ആഗ്രഹിക്കുന്നവർക്ക് മികച്ച ഓപ്ഷനാണ്. 

Image Credit : India post

എങ്ങനെ 2 ലക്ഷത്തിലേറെ സമ്പാദിക്കാം?

നാഷണൽ സേവിംഗ്സ് സർട്ടിഫിക്കറ്റിൽ 5 ലക്ഷം രൂപ 5 വർഷത്തേക്ക് നിക്ഷേപിച്ചാൽ കൂട്ടുപലിശയുടെ നേട്ടം ലഭിക്കും. കാലാവധി പൂർത്തിയാകുമ്പോൾ 2 ലക്ഷത്തിലധികം രൂപ പലിശയായി നേടാം. ഇത് വിരമിക്കൽ പോലെയുള്ള സാമ്പത്തിക ലക്ഷ്യങ്ങൾക്ക് എൻ എസ് സിയെ മികച്ചതാക്കുന്നു.