Asianet News MalayalamAsianet News Malayalam

ഇഞ്ചിയും വെളുത്തുള്ളിയും ഉയർന്ന കൊളസ്ട്രോൾ കുറയ്ക്കാൻ സഹായിക്കുമോ?

കൊളസ്ട്രോൾ കുറയ്ക്കുന്നതിന് ഇഞ്ചിയും വെളുത്തുള്ളിയും കഴിക്കുന്നവരുണ്ട്. എന്നാൽ ഇവ രണ്ടും ഉയർന്ന കൊളസ്ട്രോൾ കുറയ്ക്കാൻ സഹായിക്കുമോ? 

can ginger and garlic help lower high cholesterol
Author
First Published Sep 19, 2022, 9:52 PM IST

വിവിധ ഹൃദ്രോഗങ്ങളുടെ മൂലകാരണമായ ഉയർന്ന കൊളസ്ട്രോൾ ഇന്ന് നല്ലൊരു ശതമാനം ആളുകളിലും ആശങ്ക പടർത്തുന്ന ഒന്നാണ്. ഉയർന്ന കൊളസ്ട്രോൾ ഉണ്ടെങ്കിൽ രക്തക്കുഴലുകളിൽ ഫാറ്റി ഡിപ്പോസിറ്റ് ഉണ്ടാക്കാം. കാലക്രമേണ ഇത് ധമനികളിലൂടെ കടന്നുപോകുന്ന രക്തത്തിന്റെ അളവ് നിയന്ത്രിക്കുകയും ചെയ്യുന്നു. 

ആരോഗ്യകരമായ കോശനിർമ്മാണ പ്രക്രിയയെ പിന്തുണയ്ക്കുന്ന രക്തത്തിൽ കാണപ്പെടുന്ന മെഴുക് പോലുള്ള ഒരു പദാർത്ഥമാണ് കൊളസ്‌ട്രോൾ. ഇത് ഒരു പരിധി വരെ ശരീരത്തിന് ഗുണ ചെയ്യുന്നു. എന്നാൽ, ശരീരത്തിൽ കൊളസ്‌ട്രോളിൻറെ അളവ് അമിതമായി വർദ്ധിക്കുമ്പോൾ അത് ശരീരത്തെയും ഗുരുതരമായി ബാധിക്കാം.

കൊളസ്ട്രോൾ കുറയ്ക്കുന്നതിന് ഇഞ്ചിയും വെളുത്തുള്ളിയും കഴിക്കുന്നവരുണ്ട്. എന്നാൽ ഇവ രണ്ടും ഉയർന്ന കൊളസ്ട്രോൾ കുറയ്ക്കാൻ സഹായിക്കുമോ? വെളുത്തുള്ളിയിലും ഇഞ്ചിയിലും കാണപ്പെടുന്ന ശക്തമായ ആൻറി-ഇൻഫ്ലമേറ്ററി പ്ലാന്റ് ഘടകങ്ങൾ വിട്ടുമാറാത്ത കോശജ്വലനവുമായി ബന്ധപ്പെട്ട പ്രോ-ഇൻഫ്ലമേറ്ററി പ്രോട്ടീനുകളെ തടയാൻ സഹായിക്കുമെന്ന് പോഷകാഹാര വിദഗ്ധ അഞ്ജലി മുഖർജി പറയുന്നു.

എൽഡിഎല്ലിന്റെ ഓക്‌സിഡേഷൻ തടയുകയും ധമനികളിലെ ഫലകത്തിന്റെ രൂപീകരണം പരിമിതപ്പെടുത്തുകയും ചെയ്യുന്നതിലൂടെ വെളുത്തുള്ളിക്ക് കൊളസ്‌ട്രോളും ട്രൈഗ്ലിസറൈഡും 15% വരെ കുറയ്ക്കാൻ കഴിയും. കൊളസ്ട്രോൾ ആഗിരണത്തെ തടസ്സപ്പെടുത്തുന്നതിലൂടെയും കൊളസ്ട്രോളിനെ പിത്തരസം ആസിഡുകളാക്കി മാറ്റുന്നത് ഉത്തേജിപ്പിക്കുന്നതിലൂടെയും ഇഞ്ചി സെറം കൊളസ്ട്രോളിന്റെ അളവ് ഗണ്യമായി കുറയ്ക്കുമെന്ന് തെളിയിക്കപ്പെട്ടിട്ടുണ്ടെന്ന് അഞ്ജലി പറഞ്ഞു.

അനാരോഗ്യകരമായ ജീവിതശൈലിയിലൂടെയാണ് കൊളസ്ട്രോൾ കൂടുതലായി പിടിപെടുന്നത്. ഇഞ്ചിയും വെളുത്തുള്ളിയും ശ്വാസകോശാരോഗ്യം മെച്ചപ്പെടുത്തുകയും ധമനികളിൽ തടസ്സം സൃഷ്ടിക്കുകയും എൽഡിഎൽ അളവ് കുറയ്ക്കുകയും ശരീരത്തിലെ കൊഴുപ്പ് കുറയ്ക്കുകയും ചെയ്യുന്നു. 

ഉയർന്ന കൊളസ്ട്രോൾ കണ്ടെത്തുന്നതിന് ലിപിഡ് പ്രൊഫൈൽ അല്ലെങ്കിൽ ലിപിഡ് പാനൽ എന്നറിയപ്പെടുന്ന രക്തപരിശോധന നടത്താം. പോഷകസമൃദ്ധവും സമീകൃതവുമായ ഭക്ഷണക്രമവും പതിവ് വ്യായാമവും കൊളസ്ട്രോളിന്റെ അളവ് കുറയ്ക്കാൻ സഹായിക്കും.

Follow Us:
Download App:
  • android
  • ios