ശൈത്യകാലത്തെ ചില ജീവിതശൈലി മാറ്റങ്ങൾ സുരക്ഷിതവും സുഖകരവുമായ ഗർഭധാരണം ഉറപ്പാക്കുന്നതിന് വളരെയധികം സഹായിക്കും.
ഗർഭകാലം എന്നത് ഏറെ പരിചരണം ആവശ്യമുള്ള സമയമാണ്. ശൈത്യകാലത്ത് ഗർഭിണികളെ ചില പ്രശ്നങ്ങൾ അലട്ടാം. വരണ്ട ചർമ്മം, നിർജ്ജലീകരണം, സീസണൽ അണുബാധകൾ, കുറഞ്ഞ പ്രതിരോധശേഷി എന്നിവയെല്ലാം അമ്മയെയും വളരുന്ന കുഞ്ഞിനെയും ബാധിക്കാം. ഗർഭധാരണം ഇതിനകം തന്നെ നിരവധി ശാരീരികവും ഹോർമോൺ മാറ്റങ്ങളും വരുത്തുന്നു. ശരിയായ പരിചരണം സ്വീകരിച്ചില്ലെങ്കിൽ ശൈത്യകാലത്ത് ശരീരത്തിന് അധിക സമ്മർദ്ദം ഉണ്ടാകാം.
ശൈത്യകാലത്തെ ചില ജീവിതശൈലി മാറ്റങ്ങൾ സുരക്ഷിതവും സുഖകരവുമായ ഗർഭധാരണം ഉറപ്പാക്കുന്നതിന് വളരെയധികം സഹായിക്കും. ശരിയായ പോഷകാഹാരം, ജലാംശം എന്നിവ മൊത്തത്തിലുള്ള ആരോഗ്യം സംരക്ഷിക്കാനും കഴിയുമെന്ന് പൂനെയിലെ മദർഹുഡ് ഹോസ്പിറ്റലിലെ കൺസൾട്ടന്റ് ഒബ്സ്റ്റട്രീഷ്യനും ഗൈനക്കോളജിസ്റ്റുമായ ഡോ. പായൽ നരംഗ് പറഞ്ഞു.
ശൈത്യകാലത്ത് ഗർഭിണികളിൽ കാണുന്ന പ്രശ്നങ്ങൾ
Related Articles
വരണ്ട ചർമ്മവും നിർജ്ജലീകരണവും: തണുത്ത വായു ചർമ്മത്തിൽ നിന്ന് ഈർപ്പം വലിച്ചെടുക്കുന്നു. ഇത് ചൊറിച്ചിൽ, വരൾച്ച, ചുണ്ടുകൾ പൊട്ടൽ എന്നിവയിലേക്ക് നയിക്കുന്നു. ശൈത്യകാലത്ത് ദാഹം കുറയുന്നത് നിർജ്ജലീകരണ സാധ്യത വർദ്ധിപ്പിക്കുന്നു.
കുറഞ്ഞ പ്രതിരോധശേഷി: ഗർഭധാരണം സ്വാഭാവികമായും പ്രതിരോധശേഷി കുറയ്ക്കുന്നു. ഇത് സ്ത്രീകളെ ജലദോഷം, ചുമ, പനി, വൈറൽ അണുബാധകൾ എന്നിവയ്ക്ക് കാരണമാകുന്നു.
വിറ്റാമിൻ ഡിയുടെ കുറവ് : ശൈത്യകാലത്ത് സൂര്യപ്രകാശം പരിമിതമായി ഏൽക്കുന്നത് വിറ്റാമിൻ ഡിയുടെ അളവ് കുറയ്ക്കുകയും ക്ഷീണം, ശരീരവേദന എന്നിവയ്ക്ക് കാരണമാവുകയും ചെയ്യും.
സന്ധികളുടെ കാഠിന്യവും ശരീരവേദനയും: തണുത്ത താപനില സന്ധികളുടെ കാഠിന്യവും പേശിവേദനയും വർദ്ധിപ്പിക്കും.
സീസണൽ അണുബാധകൾ: പനി, ചുമ, വൈറൽ പനി എന്നിവ ശൈത്യകാലത്ത് സാധാരണമാണ്. ചികിത്സിച്ചില്ലെങ്കിൽ അമ്മയെയും കുഞ്ഞിനെയും ഇത് ബാധിക്കും.
ജലാംശം കുറവ്: വെള്ളം കുടി കുറവ് മലബന്ധം, തലവേദന, തലകറക്കം, മൂത്രാശയ അണുബാധ എന്നിവയ്ക്ക് കാരണമാകും.
