ആപ്പിൾ കഴിക്കുന്നത് ടൈപ്പ് 2 പ്രമേഹത്തിനുള്ള സാധ്യതയും കുറയ്ക്കും. ദിവസവും ഒരു ആപ്പിൾ വീതം കഴിക്കുന്നത് ടൈപ്പ് 2 പ്രമേഹസാധ്യതയിൽ 18 ശതമാനം കുറയ്ക്കുന്നതായി പഠനങ്ങൾ പറയുന്നു. ആപ്പിളിൽ പെക്റ്റിൻ അടങ്ങിയിട്ടുണ്ട്. അത് കൊണ്ട് തന്നെ കുടലിന്റെ ആരോഗ്യത്തിന് ആപ്പിൾ സഹായകമാണ്.
ദിവസേന ഒരു ആപ്പിൾ വീതം കഴിച്ചാൽ ഡോക്ടറെ ഒഴിവാക്കാം എന്ന് നാം കേട്ടിട്ടുണ്ടല്ലോ. നമ്മുടെ മൊത്തത്തിലുള്ള ആരോഗ്യത്തിന് ഏറ്റവും മികച്ചൊരു പഴമാണ് ആപ്പിൾ. ആന്റിഓക്സിഡന്റുകൾ, വിറ്റാമിനുകൾ, പ്രോട്ടീനുകൾ, കാർബോഹൈഡ്രേറ്റ്സ്, മഗ്നീഷ്യം, വിറ്റാമിൻ സി, കെ, കാൽസ്യം, വിറ്റാമിൻ ബി-6 തുടങ്ങിയ എല്ലാ പോഷകങ്ങളും ആപ്പിളിൽ അടങ്ങിയിട്ടുണ്ട്.
ആപ്പിളിൽ നാരുകളും വെള്ളവും കൂടുതലാണ്. ഹൃദ്രോഗവുമായി ബന്ധപ്പെട്ട അപകട ഘടകമായ ബോഡി മാസ് ഇൻഡക്സ് (ബിഎംഐ) ഗണ്യമായി കുറയ്ക്കാൻ ആപ്പിൾ കഴിക്കുന്നത് സഹായിക്കുന്നു. ആപ്പിളിന്റെ തൊലി നാരുകളാൽ സമ്പുഷ്ടമാണ്. 100-150 g/d മുഴുവൻ ആപ്പിളും കഴിക്കുന്നത് ഹൃദ്രോഗത്തിന്റെ കുറഞ്ഞ സാധ്യതയും ഉയർന്ന രക്തസമ്മർദ്ദം പോലുള്ള അപകട ഘടകങ്ങളുമായി ബന്ധപ്പെട്ടിരിക്കുന്നുവെന്ന് ഗവേഷണങ്ങൾ കണ്ടെത്തിയിട്ടുണ്ട്.
ആപ്പിൾ കഴിക്കുന്നത് ടൈപ്പ് 2 പ്രമേഹത്തിനുള്ള സാധ്യതയും കുറയ്ക്കും. ദിവസവും ഒരു ആപ്പിൾ വീതം കഴിക്കുന്നത് ടൈപ്പ് 2 പ്രമേഹസാധ്യതയിൽ 18 ശതമാനം കുറയ്ക്കുന്നതായി പഠനങ്ങൾ പറയുന്നു. ആപ്പിളിൽ പെക്റ്റിൻ അടങ്ങിയിട്ടുണ്ട്. അത് കൊണ്ട് തന്നെ കുടലിന്റെ ആരോഗ്യത്തിന് ആപ്പിൾ സഹായകമാണ്.
ആപ്പിളിലെ ആന്റിഓക്സിഡന്റുകൾ ശ്വാസകോശം, സ്തനാർബുദം, ദഹനനാളത്തിന്റെ അർബുദം എന്നിവയുൾപ്പെടെയുള്ള ചിലതരം കാൻസറുകൾക്കെതിരെ പ്രവർത്തിക്കുന്നു. ആന്റിഓക്സിഡന്റ് സമ്പുഷ്ടമായ ആപ്പിൾ, അലർജി ആസ്ത്മയുമായി ബന്ധപ്പെട്ട ശ്വാസനാളത്തിന്റെ വീക്കം കുറയ്ക്കാൻ സഹായിച്ചേക്കാം.
ആപ്പിളിന്റെ തൊലിയിൽ ക്വെർസെറ്റിൻ എന്ന ആന്റിഓക്സിഡന്റ് അടങ്ങിയിട്ടുണ്ട്. ഇത് രോഗപ്രതിരോധ സംവിധാനത്തെ നിയന്ത്രിക്കാനും വീക്കം കുറയ്ക്കാനും സഹായിക്കും. മാത്രമല്ല, കൂടുതൽ പച്ചക്കറികളും ആപ്പിൾ പോലുള്ള പഴങ്ങളും കഴിക്കുന്നത് മാനസികാരോഗ്യത്തെ സഹായിച്ചേക്കാം.
ആപ്പിൾ പോലുള്ള പഴങ്ങൾ കഴിക്കുന്നത് ഗ്യാസ്ട്രോ ഈസോഫേഷ്യൽ റിഫ്ലക്സ് ഡിസീസ് (GERD) വരാനുള്ള സാധ്യത കുറയ്ക്കാൻ സഹായിക്കുമെന്ന് പഠനങ്ങൾ പറയുന്നു. ആപ്പിൾ കഴിക്കുന്നത് ഭക്ഷണം നന്നായി ദഹിപ്പിക്കാൻ സഹായിക്കുമെന്ന് ഒന്നിലധികം പഠനങ്ങൾ നിർദ്ദേശിച്ചിട്ടുണ്ട്.
Read more താരനകറ്റാൻ ഇതാ നാല് എളുപ്പ വഴികൾ
