എപ്പോഴുമുള്ള അസിഡിറ്റിയും ഛർദ്ദിയും വയറിലെ ക്യാന്സറിന്റെ സൂചനയാകാം. പലപ്പോഴും ഈ അര്ബുദ്ദം വൈകിയ വേളയിലാണ് തിരിച്ചറിയപ്പെടുക.
വയറിലെ കോശങ്ങള് നിയന്ത്രണമില്ലാതെ വളരാന് തുടങ്ങുന്നതാണ് ഗാസ്ട്രിക് ക്യാന്സര് അഥവാ വയറിലെ അര്ബുദം എന്ന് പറയുന്നത്. മാറിയ ജീവിതശൈലിയും ഭക്ഷണരീതിയും ഈ ക്യാന്സറിനെ സ്വാധീനിക്കുന്ന ഘടകമാണ്. ഗാസ്ട്രിക് ക്യാന്സറിനുള്ള സാധ്യതകള് കുറയ്ക്കാന് ആരോഗ്യകരമായ ഭക്ഷണശീലങ്ങള് പിന്തുടരണമെന്നാണ് വിദഗ്ധര് പറയുന്നത്.
എപ്പോഴുമുള്ള അസിഡിറ്റിയും ഛർദ്ദിയും വയറിലെ ക്യാന്സറിന്റെ സൂചനയാകാം. പലപ്പോഴും ഈ അര്ബുദ്ദം വൈകിയ വേളയിലാണ് തിരിച്ചറിയപ്പെടുക. വയര് വീര്ത്തിരിക്കുക, നിരന്തരം അസിഡിറ്റി ഉണ്ടാകുക, ഛർദ്ദി, ഭക്ഷണം വിഴുങ്ങാൻ ബുദ്ധിമുട്ട്, ചെറിയ അളവില് ഭക്ഷണം കഴിക്കുമ്പോള് തന്നെ വയര് നിറഞ്ഞതായി തോന്നുക, വയറുവേദന, നെഞ്ചെരിച്ചിൽ, ദഹനക്കേട്, വിശപ്പില്ലായ്മ, ഭാരം കുറയുക, ക്ഷീണം, ഭക്ഷണം കഴിച്ചതിന് ശേഷം നെഞ്ചെല്ലിന് താഴെ വയറിന്റെ മുകൾ ഭാഗം നിറഞ്ഞതായി അനുഭവപ്പെടുക, വയറിലെ നീർവീക്കം,കറുത്ത നിറമുള്ള വസ്തുക്കളോ രക്തമോ ഛർദ്ദിക്കുക, കറുത്ത നിറമുള്ള മലം,മലത്തിലൂടെ രക്തം പോവുക,മലബന്ധം തുടങ്ങിയവയാണ് വയറിലെ അര്ബുദത്തിന്റെ ലക്ഷണങ്ങള് .
വയറിലെ ക്യാന്സര് സാധ്യത കുറയ്ക്കാന് ഭക്ഷണത്തില് ശ്രദ്ധിക്കേണ്ട കാര്യങ്ങള്...
പച്ചക്കറികള്, സിട്രസ് പഴങ്ങള്, വെളുത്തുള്ളി തുടങ്ങിയവ കഴിക്കുക. കൂടാതെ സംസ്കരിച്ച മാംസത്തിന്റെ ഉപയോഗം പരിമിതപ്പെടുത്തുക. വിറ്റാമിന് സിയും ആന്റിഓക്സിഡന്റുകളപം അടങ്ങിയ ഭക്ഷണങ്ങളും ഡയറ്റില് ഉള്പ്പെടുത്തുക.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also Read: വണ്ണം കുറയ്ക്കാന് സഹായിക്കും അടുക്കളയില് സ്ഥിരമുള്ള ഈ ഭക്ഷണങ്ങള്...