ഇ.കോളി ബാക്ടീരിയയിൽ നിന്ന് ഉണ്ടാകുന്ന ഒരു അണുബാധയാണ് ഇ. കോളി അണുബാധ. ഇത് വയറിളക്കം, വയറുവേദന, ഗ്യാസ്ട്രോ എന്റൈറ്റിസ് പോലുള്ള മറ്റ് ദഹന പ്രശ്നങ്ങൾ എന്നിവയ്ക്ക് കാരണമാകും.
ഇൻഡോറിലെ ജല മലിനീകരണ പ്രതിസന്ധിക്ക് ശേഷം മധ്യപ്രദേശിലെ ഭോപ്പാലിൽ ഭൂഗർഭജല മലിനീകരണം വർദ്ധിച്ചുവരികയാണ്. ഭോപ്പാലിലെ നാല് സ്ഥലങ്ങളിലെ ഭൂഗർഭജലത്തിൽ ഇ.കോളി ബാക്ടീരിയയുടെ സാന്നിധ്യം കണ്ടെത്തിയതായാണ് റിപ്പോർട്ടുകൾ.
നഗരത്തിലെ സംസ്കരിച്ച പൈപ്പ് ജലവിതരണത്തെ ഇത് ബാധിച്ചിട്ടില്ലെന്നും ഭോപ്പാൽ മുനിസിപ്പൽ കോർപ്പറേഷൻ (ബിഎംസി) അറിയിച്ചു. നഗരത്തിലുടനീളമുള്ള 1,810 ജല സാമ്പിളുകൾ നഗരസഭ പരിശോധിച്ചു. എല്ലായിടത്തും വിതരണങ്ങൾ പരിശോധിക്കുന്നത് തുടരുകയാണെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു.
ഇൻഡോറിലെ മലിനമായ വെള്ളത്തിൽ കണ്ടെത്തിയ അതേ ബാക്ടീരിയയാണ് ഇ.കോളി. അഞ്ച് മാസം പ്രായമുള്ള കുഞ്ഞ് ഉൾപ്പെടെ 20 പേരുടെ മരണത്തിന് ഇ കോളി ബാക്ടീരിയ കാരണമായി. ഭോപ്പാലിലെ നിരവധി പ്രദേശങ്ങളിലെ താമസക്കാർക്ക് കുടിക്കാനോ കൈ കഴുകാനോ പാത്രങ്ങൾ കഴുകാനോ പോലും ഈ വെള്ളം സുരക്ഷിതമല്ലെന്ന് റിപ്പോർട്ടുണ്ട്.
Related Articles
ടാപ്പുകളിൽ നിന്നുള്ള വെള്ളത്തിന് ചുവപ്പ് നിറവും ഏറെ ദുർഗന്ധം നിറഞ്ഞതുമാണ്. ബാക്ടീരിയ മലിനീകരണം മാത്രമല്ല, ഈ വെള്ളത്തിൽ ഇരുമ്പിന്റെ അംശം സുരക്ഷിതമായ പരിധിയേക്കാൾ 100 മടങ്ങ് കൂടുതലാണ്.
എന്താണ് ഇ.കോളി ?
ആരോഗ്യമുള്ള ആളുകളുടെയും മൃഗങ്ങളുടെയും കുടലിൽ സാധാരണയായി കാണപ്പെടുന്ന ഒരു കൂട്ടം ബാക്ടീരിയകളാണ് ഇ. കോളി. എഷെറിച്ചിയ കോളി എന്നും അറിയപ്പെടുന്നു. ദഹനനാളത്തിൽ വസിക്കുന്ന ഇത് സുരക്ഷിതമാണ്. അത് ശരീരത്തിന് ദോഷം വരുത്തുന്നില്ല. എന്നിരുന്നാലും, ആരോഗ്യത്തെ പല തരത്തിൽ ബാധിക്കുന്ന ചില തരം ഇ. കോളികളുണ്ട്. അത് കോശങ്ങളിൽ പറ്റിപ്പിടിച്ച് വിഷവസ്തുക്കൾ പുറത്തുവിടുകയും അതുവഴി അണുബാധയ്ക്ക് കാരണമാവുകയും ചെയ്യുന്നു.
ഇ.കോളി ബാക്ടീരിയയിൽ നിന്ന് ഉണ്ടാകുന്ന ഒരു അണുബാധയാണ് ഇ. കോളി അണുബാധ. ഇത് വയറിളക്കം, വയറുവേദന, ഗ്യാസ്ട്രോഎന്റൈറ്റിസ് പോലുള്ള മറ്റ് ദഹന പ്രശ്നങ്ങൾ എന്നിവയ്ക്ക് കാരണമാകും. ദഹനപ്രശ്നങ്ങൾക്ക് മാത്രമല്ല, ഇ.കോളി മൂത്രനാളിയിലെ അണുബാധയ്ക്കും കാരണമാകും. ഷിഗ ടോക്സിൻ ഉത്പാദിപ്പിക്കുന്ന ചില ബാക്ടീരിയകൾ വൃക്ക തകരാറുകൾ പോലുള്ള ഗുരുതരമായ രോഗങ്ങൾക്ക് കാരണമാകുന്നതായി ആരോഗ്യ വിദഗ്ധർ പറയുന്നു.
ഇ.കോളി ബാക്ടീരിയയുടെ നിരവധി തരങ്ങളുണ്ട്. ചിലത് ദഹനവ്യവസ്ഥയ്ക്ക് നല്ലതാണെങ്കിലും മറ്റുള്ളവ അണുബാധയ്ക്കും മറ്റ് നിരവധി ആരോഗ്യ പ്രശ്നങ്ങൾക്കും കാരണമാകും. ദഹനനാളത്തിൽ വയറിളക്കമുണ്ടാക്കുന്ന അണുബാധകൾക്ക് കാരണമാകുന്ന ചില തരങ്ങളുണ്ട്.
വയറിളക്കം, വയറുവേദനയും മലബന്ധവും, വിശപ്പില്ലായ്മ, പനി എന്നിവയെല്ലാം ഇ. കോളി അണുബാധയുടെ ലക്ഷണങ്ങളാണ്.
ഇ.കോളി അണുബാധ തടയുന്നതിന് ശ്രദ്ധിക്കേണ്ട കാര്യങ്ങൾ
കൈ ശുചിത്വം: ഭക്ഷണം കഴിക്കുന്നതിന് മുമ്പോ, ഭക്ഷണം തയ്യാറാക്കുന്നതിന് മുമ്പോ, കുളിമുറി ഉപയോഗിച്ചതിന് ശേഷമോ, ഡയപ്പറുകൾ മാറ്റിയതിന് ശേഷമോ, മൃഗങ്ങളെ തൊട്ടതിന് ശേഷമോ കുറഞ്ഞത് 20 സെക്കൻഡ് നേരത്തേക്ക് സോപ്പും വെള്ളവും ഉപയോഗിച്ച് കൈകൾ നന്നായി കഴുകുക. ഇത് ചർമ്മത്തിലെ ബാക്ടീരിയകളെ നീക്കം ചെയ്യുകയും വ്യക്തിയിൽ നിന്ന് മറ്റൊരാളിലേക്ക് പടരുന്നത് തടയുകയും ചെയ്യുന്നു.
നന്നായി വേവിക്കുക: മാംസം കുറഞ്ഞത് 160 ഡിഗ്രി ഫാരൻഹീറ്റ് (71 ഡിഗ്രി സെൽഷ്യസ്), കോഴിയിറച്ചി 165 ഡിഗ്രി ഫാരൻഹീറ്റ് (74 ഡിഗ്രി സെൽഷ്യസ്) വരെയും മറ്റ് മാംസങ്ങൾ സുരക്ഷിതമായ അളവിൽ വേവിക്കുക. ശരിയായ രീതിയിൽ പാചകം ചെയ്യുന്നത് വേവിക്കാത്ത മാംസത്തിൽ അടങ്ങിയിരിക്കുന്ന ഇ.കോളിയെ ഇല്ലാതാക്കുന്നു.
സുരക്ഷിത പാനീയങ്ങൾ: തിളപ്പിച്ചാറ്റിയ വെള്ളംമാത്രം കുടിക്കുക. പാസ്ചറൈസ് ചെയ്യാത്ത ഉൽപ്പന്നങ്ങളും സംസ്കരിക്കാത്ത വെള്ളവും ഒഴിവാക്കുക. ദോഷകരമായ ഇ.കോളി സ്ട്രെയിനുകൾ നീക്കം ചെയ്യാൻ പാസ്ചറൈസേഷൻ സഹായിക്കുന്നു.
