ത്വക്കില് പാടുകള് ഉണ്ടാകുകയും അതില് ചുവപ്പോ കറുപ്പോ നിറത്തിലുള്ള അടയാളങ്ങള് പ്രത്യക്ഷപ്പെടുകയും അസഹ്യമായ ചൊറിച്ചില് ഉണ്ടാകുകയും ചെയ്യുന്നതാണ് സോറിയാസിസിന്റെ പ്രധാന ലക്ഷണങ്ങള്.
വിട്ടുമാറാത്ത ഒരു ഓട്ടോ ഇമ്യൂൺ ചർമ്മ രോഗമാണ് സോറിയാസിസ്. ചർമ്മത്തിൽ ചുവപ്പ്, ചൊറിച്ചിൽ, കട്ടിയുള്ള ചെതുമ്പൽ, പാടുകൾ തുടങ്ങിയവ ഇതു മൂലം ഉണ്ടാകുന്നു. സാധാരണയായി കൈമുട്ടുകൾ, കാൽമുട്ടുകൾ, തലയോട്ടി, മുതുക് എന്നിവിടങ്ങളിലാണ് ഇത് കാണുക.
രോഗപ്രതിരോധ സംവിധാനം അമിതമായി പ്രവർത്തിക്കുകയും ചർമ്മകോശങ്ങൾ വളരെ വേഗത്തിൽ വളരുകയും ചെയ്യുന്നു. ഇത് ചർമ്മത്തിൽ പാടുകൾ രൂപപ്പെടുന്നതിലേക്ക് നയിക്കുന്നതായി യുഎസ് നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് സോറിയാസിസ് വ്യക്തമാക്കുന്നു.
ത്വക്കിൽ പാടുകൾ ഉണ്ടാകുകയും അതിൽ ചുവപ്പോ കറുപ്പോ നിറത്തിലുള്ള അടയാളങ്ങൾ പ്രത്യക്ഷപ്പെടുകയും അസഹ്യമായ ചൊറിച്ചിൽ ഉണ്ടാകുകയും ചെയ്യുന്നതാണ് സോറിയാസിസിൻറെ പ്രധാന ലക്ഷണങ്ങൾ.
ഭക്ഷണക്രമം സോറിയാസിസിനെ സാരമായി ബാധിക്കുന്നതായി പഠനങ്ങൾ പറയുന്നു. ചില ഭക്ഷണങ്ങൾ രോഗലക്ഷണങ്ങൾ വർദ്ധിപ്പിക്കുകയോ ലഘൂകരിക്കുകയോ ചെയ്യും. പൂരിത കൊഴുപ്പുകൾ, പഞ്ചസാര, ആൽക്കഹോൾ തുടങ്ങിയ ഭക്ഷണങ്ങൾ കൂടുതൽ പ്രശ്നങ്ങൾ ഉണ്ടാക്കുന്നു.
ഒമേഗ -3 ഫാറ്റി ആസിഡുകൾ, പഴങ്ങൾ, പച്ചക്കറികൾ, നാരുകൾ അങ്ങിയ ഭക്ഷണങ്ങൾ ചർമ്മത്തിൻ്റെ ആരോഗ്യം മെച്ചപ്പെടുത്തുമെന്ന് ഡയറ്റീഷ്യൻ കെജൽ ഷാ വിശദീകരിക്കുന്നു. മെഡിറ്ററേനിയൻ ഡയറ്റ് പോലുള്ള ഭക്ഷണരീതികൾ പ്രയോജനകരമായ പോഷകങ്ങളും ആൻ്റിഓക്സിഡൻ്റുകളും നൽകിക്കൊണ്ട് സോറിയാസിസിൻ്റെ തീവ്രത കുറയ്ക്കുന്നതിൽ സഹായിക്കുമെന്നും JAMA നെറ്റ്വർക്ക് ജേണലിൽ പ്രസിദ്ധീകരിച്ച പഠനത്തിൽ പറയുന്നു.
സോറിയാസിസ് തടയുന്നതിന് കഴിക്കേണ്ട ഭക്ഷണങ്ങൾ
മത്സ്യം
സോറിയാസിസ് ഭക്ഷണത്തിൻ്റെ ഒരു പ്രധാന ഭാഗമാണ് മത്സ്യം. സാൽമൺ, മത്തി, അയല തുടങ്ങിയ മത്സ്യങ്ങളിൽ ഒമേഗ-3 ഫാറ്റി ആസിഡുകൾ ധാരാളം അടങ്ങിയിട്ടുണ്ട്. മത്സ്യങ്ങൾ വീക്കം കുറയ്ക്കുകയും ചർമ്മത്തിൻ്റെ ആരോഗ്യം മെച്ചപ്പെടുത്തുകയും ചെയ്യുന്നു.
പഴങ്ങളും പച്ചക്കറികളും
സരസഫലങ്ങൾ, ചീര, ബ്രൊക്കോളി തുടങ്ങിയ പഴങ്ങളും പച്ചക്കറികളും സോറിയാസിസ് സാധ്യത കുറയ്ക്കുന്ന ഭക്ഷണങ്ങളാണ്. ആൻ്റിഓക്സിഡൻ്റുകളാൽ സമ്പന്നമായ ഇവയിൽ വിറ്റാമിൻ എ, വിറ്റാമിൻ സി, വിറ്റാമിൻ ഇ എന്നിവ ധാരാളം അടങ്ങിയിട്ടുണ്ട്. ഈ ഭക്ഷണങ്ങൾ ഓക്സിഡേറ്റീവ് സ്ട്രെസ്, വീക്കം എന്നിവയെ ചെറുക്കുന്നതിന് സഹായിക്കുന്നു.
പയർവർഗങ്ങൾ
സോറിയാസിസ് ഭക്ഷണത്തിൽ പയർവർഗ്ഗങ്ങൾ വളരെ പ്രധാനമാണ്. ബീൻസ്, പയർ എന്നിവയിൽ നാരുകളും പ്രോട്ടീനും അടങ്ങിയിട്ടുണ്ട്. ഇതുകൂടാതെ, പയർവർഗ്ഗങ്ങൾ രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു.
നട്സുകളും വിത്തുകളും
വാൾനട്ട്, ഫ്ളാക്സ് സീഡുകൾ, ചിയ വിത്തുകൾ തുടങ്ങിയ നട്സും വിത്തുകളും സോറിയാസിസ് ഡയറ്റിൽ നിർബന്ധമായും ഉണ്ടായിരിക്കേണ്ടവയാണ്. ഒമേഗ -3 ഫാറ്റി ആസിഡുകളും ആൻ്റിഓക്സിഡൻ്റുകളും അടങ്ങിയ ഇവ. ഹൃദയാരോഗ്യത്തിന് സഹായിക്കുന്നു.
മഞ്ഞപ്പിത്തം പ്രതിരോധിക്കാം ; ഭക്ഷണത്തിൽ ശ്രദ്ധിക്കേണ്ടത് എന്തൊക്കെ?
