Menstrual Hygiene Day 2023 : ആർത്തവ ദിവസങ്ങളിൽ ആറ് കാര്യങ്ങൾ ശ്രദ്ധിക്കാം
ഓരോ 4-5 മണിക്കൂർ ഇടവിട്ട് പാഡുകൾ മാറ്റുന്നത് ആർത്തവ സമയത്ത് നല്ല ശുചിത്വം നിലനിർത്താൻ അത്യാവശ്യമാണ്. കൂടാതെ, അങ്ങനെ ചെയ്യുന്നത് യോനിയിലെ അണുബാധകളും അലർജികളും ഒഴിവാക്കാൻ നിങ്ങളെ സഹായിക്കും.
ഇന്ന് ലോക ആർത്തവ ശുചിത്വ ദിനം. പെൺ ശരീരത്തിലെ സ്വഭാവിക പ്രക്രിയയാണ് ആർത്തവം. ആർത്തവദിനങ്ങൾ സ്ത്രീകളെ സംബന്ധിച്ചിടത്തോളം പ്രയാസം നിറഞ്ഞതാണ്. ആ ദിനങ്ങളിലെ വേദന പലർക്കും ഒരു പേടി സ്വപ്നമാണ്. ആർത്തവ സമയത്ത് ശാരീരിക വൃത്തിക്ക് വളരെയധികം പ്രാധാന്യമുണ്ട്.
ആർത്തവശുചിത്വത്തെപ്പറ്റി പലർക്കും ഇപ്പോഴും വ്യക്തമായ ധാരണയില്ല. ആർത്തവശുചിത്വത്തെപ്പറ്റിയുള്ള ബോധവത്കരണം, അതുമായി ബന്ധപ്പെട്ടുള്ള മിഥ്യാധാരണകളുടെ പൊളിച്ചെഴുത്ത് എന്നിവ ലക്ഷ്യം വച്ചാണ് ആർത്തവ ശുചിത്വ ദിനം ആചരിക്കുന്നത്. ആർത്തവ ദിവസങ്ങളിൽ നാം ശ്രദ്ധിത്തേണ്ട ചിലത്....
കൃത്യമായ ഇടവേളകളിൽ പാഡ് മാറ്റുക...
ഓരോ 4-5 മണിക്കൂർ ഇടവിട്ട് പാഡുകൾ മാറ്റുന്നത് ആർത്തവ സമയത്ത് നല്ല ശുചിത്വം നിലനിർത്താൻ അത്യാവശ്യമാണ്. കൂടാതെ, അങ്ങനെ ചെയ്യുന്നത് യോനിയിലെ അണുബാധകളും അലർജികളും ഒഴിവാക്കാൻ നിങ്ങളെ സഹായിക്കും.
ധാരാളം വെള്ളം കുടിക്കുക...
മികച്ച ആരോഗ്യം നിലനിർത്താൻ ജലാംശം നിലനിർത്തേണ്ടത് ആവശ്യമാണ്. ഈ ദിവസങ്ങളിൽ ജലാംശം നിലനിർത്തുകയും ധാരാളം വെള്ളം കുടിക്കുകയും ചെയ്യുക.
ഉറക്കം പ്രധാനം...
ആർത്തവ സമയത്ത് നന്നായി ഉറങ്ങുക. ഉറക്കക്കുറവ് ഉത്കണ്ഠ, മലബന്ധം, അലസത എന്നിവയിലേക്ക് നയിച്ചേക്കാം. എല്ലാ ദിവസവും കുറഞ്ഞത് 8 മണിക്കൂറെങ്കിലും ഉറങ്ങാൻ ശ്രമിക്കണം.
ജങ്ക് ഫുഡ് ഒഴിവാക്കൂ...
ആർത്തവസമയത്ത് ജങ്ക്, എണ്ണമയമുള്ള ഭക്ഷണങ്ങൾ, സംസ്കരിച്ച ഭക്ഷണങ്ങൾ, ടിന്നിലടച്ച ഭക്ഷണങ്ങൾ കഴിക്കുന്നത് വയറിളക്കത്തിനും മോശം മാനസികാവസ്ഥയ്ക്കും കാരണമാകും.
യോനി തുടയ്ക്കുന്നതിനുള്ള ശരിയായ മാർഗം...
നിങ്ങൾ പുറകിൽ നിന്ന് മുന്നിലേക്ക് തുടച്ചാൽ അണുബാധയ്ക്കുള്ള സാധ്യത വർദ്ധിക്കും. അതിനാൽ, യോനിയുടെ ആരോഗ്യം നിലനിർത്താൻ മുന്നിൽ നിന്ന് പിന്നിലേക്ക് തുടയ്ക്കുന്നതാണ് നല്ലത്.
അടിവയറ്റിലെ കൊഴുപ്പ് കുറയ്ക്കാൻ കുടിക്കാം ഈ പാനീയങ്ങൾ
യോനി ഭാഗം വൃത്തിയായി സൂക്ഷിക്കുക...
ആർത്തവമുണ്ടാകുമ്പോൾ യോനി നന്നായി ഇടയ്ക്കിടെ വൃത്തിയാക്കുന്നത് ഉറപ്പാക്കുക. യോനിയിൽ രാസവസ്തുക്കൾ അടങ്ങിയ സോപ്പുകളും ഉൽപ്പന്നങ്ങളും ഉപയോഗിക്കുന്നത് ഒഴിവാക്കുക.
