തെരഞ്ഞെടുപ്പ് കമ്മീഷൻ പരിഭ്രാന്തരാണെന്ന് മുതിർന്ന കോണ്ഗ്രസ് നേതാവ് ജയറാം രമേശ്
ഡൽഹി: തെരഞ്ഞെടുപ്പ് കമ്മീഷൻ പരിഭ്രാന്തരാണെന്ന് മുതിർന്ന കോണ്ഗ്രസ് നേതാവ് ജയറാം രമേശ്. വിവാദങ്ങളിൽ പരിഭ്രാന്തരായ തെരഞ്ഞെടുപ്പ് കമ്മീഷൻ യുവാക്കളെ പട്ടികയിൽ ഉൾപ്പെടുത്താൻ പ്രത്യേക ഡ്രൈവ് തുടങ്ങുന്നുവെന്നും ഇതിന് സോഷ്യൽ മീഡിയയിൽ വലിയ പ്രധാന്യം നൽകാൻ തീരുമാനിച്ചു, എന്നാൽ ഇതൊന്നും ഫലം കാണില്ല, യുവാക്കളെ വോട്ടർപട്ടികയിൽ ചേർക്കാതിരിക്കാൻ കമ്മീഷൻ തന്നെ ഇടപെട്ടെന്ന് വ്യക്തമാണ്. തെരഞ്ഞെടുപ്പ് കമ്മീഷൻ ഭരണഘടനാ വിരുദ്ധമായി പ്രവർത്തിച്ചു, ജനാധിപത്യം എത്രത്തോളം അധപതിച്ചു എന്നതിന് തെളിവാണിത്. രാജിവച്ച് തെറ്റ് തിരുത്താൻ ഗ്യാനേഷ് കുമാറിന് ഇപ്പോഴും അവസരമുണ്ടെന്നും ജയറാം രമേശ് പ്രതികരിച്ചു.
മുഖ്യ തെരഞ്ഞെടുപ്പ് കമ്മീഷണര് ഗ്യാനേഷ് കുമാര് രാജി വയ്ക്കണമെന്ന ആവശ്യം ശക്തമായിരിക്കുകയാണ്. രാജി ആവശ്യപ്പെട്ട് സിജെപി നല്കിയ 48 മണിക്കൂര് അന്ത്യ ശാസനം ഇന്ന് അവസാനിക്കും. കോണ്ഗ്രസിന് പിന്നാലെ ഇടത് പാര്ട്ടികളും ഗ്യാനേഷ് കുമാറിന്റെ രാജിക്കായി പ്രതിഷേധം തുടങ്ങും എന്നാണ് റിപ്പോർട്ടുകൾ.
