ശ്രീനഗറിലെ അതിസുരക്ഷാ സെൻട്രൽ ജയിലിൽ നിന്ന് പോക്സോ (POCSO) കേസ് പ്രതികളായ രണ്ട് വിചാരണത്തടവുകാർ ചാടിപ്പോയി
ശ്രീനഗർ: ശ്രീനഗറിലെ അതിസുരക്ഷാ സെൻട്രൽ ജയിലിൽ നിന്ന് പോക്സോ (POCSO) കേസ് പ്രതികളായ രണ്ട് വിചാരണത്തടവുകാർ ചാടിപ്പോയി. വലിയ സുരക്ഷാവീഴ്ചയെത്തുടർന്ന് ജമ്മു കശ്മീർ പോലീസ് പ്രതികൾക്കായി വ്യാപക തിരച്ചിൽ ആരംഭിക്കുകയും ലുക്കൗട്ട് നോട്ടീസ് പുറപ്പെടുവിക്കുകയും ചെയ്തു. അനന്ത്നാഗ് ചിറ്റെർഗുൾ സ്വദേശിയായ മുക്താർ അഹമ്മദ് ഗുജ്ജാറും റാഫിയാബാദ് സദൻപോറ സ്വദേശിയായ ഫർമാൻ ഖാനുമാണ് ചാടിപ്പോയത്. സുരക്ഷാ ജീവനക്കാരുടെ കണ്ണുവെട്ടിച്ച് കടന്നുകളഞ്ഞ ഇരുവരെയും കണ്ടെത്തുന്നതിനായി കാശ്മീർ സോൺ പോലീസ് ഔദ്യോഗികമായി ലുക്കൗട്ട് നോട്ടീസ് പുറത്തിറക്കി.
പ്രതികളെക്കുറിച്ച് വിവരം നൽകുന്നവർക്ക് ഉചിതമായ പാരിതോഷികം നൽകുമെന്ന് പോലീസ് അറിയിച്ചു. വിവരം ലഭിക്കുന്നവർ തൊട്ടടുത്ത പോലീസ് സ്റ്റേഷനിലോ അടിയന്തര സഹായ നമ്പറായ 112-ലോ ബന്ധപ്പെടാൻ അതികൃതർ അറിയിച്ചു. കനത്ത സുരക്ഷയുള്ള ജയിലിൽ നിന്ന് പ്രതികൾ എങ്ങനെ ചാടി എന്നതിനെക്കുറിച്ച് പോലീസ് ആഭ്യന്തര അന്വേഷണം ആരംഭിച്ചിട്ടുണ്ട്.
