കേന്ദ്രസർക്കാർ രൂപീകരിച്ച വിവിധ ട്രൈബ്യൂണലുകൾ തങ്ങൾക്ക് ബാധ്യതയെന്ന് സുപ്രീംകോടതി. ചെയർമാൻ വിരമിച്ചാൽ ട്രൈബ്യൂണൽ തന്നെ സ്തംഭിക്കുന്ന അവസ്ഥ ഉണ്ടാകരുതെന്ന് കേന്ദ്രത്തോട് കോടതി ആവർത്തിച്ചു.
ദില്ലി: കേന്ദ്രസർക്കാർ രൂപീകരിച്ച വിവിധ ട്രൈബ്യൂണലുകൾ തങ്ങൾക്ക് ബാധ്യതയെന്ന് സുപ്രീംകോടതി. ട്രൈബ്യൂണലുകളുടെ പ്രവർത്തനം സംബന്ധിച്ച പൊതുതാൽപര്യ ഹർജി പരിഗണിക്കവേ ചീഫ് ജസ്റ്റിസ് സൂര്യകാന്തിന്റെ ബെഞ്ചാണ് നിരീക്ഷണം നടത്തിയത്. ട്രൈബ്യൂണലുകൾ സൃഷ്ടിച്ചത് കേന്ദ്രമാണ്. അത് നിങ്ങളുടെ തലവേദനയും ഞങ്ങളുടെ ബാധ്യതയുമായിരിക്കുന്നു. ചില ട്രൈബ്യൂണലുകൾ ഒഴികെ ബാക്കിയുള്ളവ നൽകുന്ന ഉത്തരവ് കണ്ടാൽ നാഥനില്ല കളരിയായി തോന്നും. അവർക്ക് ആരോടും ബാധ്യതയില്ല. ചെയർമാൻ വിരമിച്ചാൽ ട്രൈബ്യൂണൽ തന്നെ സ്തംഭിക്കുന്ന അവസ്ഥ ഉണ്ടാകരുതെന്ന് കേന്ദ്രത്തോട് കോടതി ആവർത്തിച്ചു.
