ബൈഡനെ വെറും ചെണ്ടയാക്കി പുടിന് മാറ്റിയെന്ന് ട്രംപ് പരിഹസിച്ചു. ഇത് കാണാന് ഒട്ടും സുഖകരമായ കാഴ്ചയല്ലെന്നും ട്രംപ് പറഞ്ഞു.
ന്യൂയോര്ക്ക്: റഷ്യ യുക്രൈനെ ആക്രമിച്ച സംഭവത്തില് അമേരിക്കന് പ്രസിഡന്റ് ജോ ബൈഡനെ കടന്നാക്രമിച്ച് മുന് യുഎസ് പ്രസിഡന്റ് ഡൊണാല്ഡ് ട്രംപ്. റഷ്യന് ആക്രമണത്തില് തന്റെ മുന് നിലപാട് തിരുത്തിയ ട്രംപ് വ്ലാഡമിര് പുടിനും റഷ്യയ്ക്കെതിരെയും നിലപാട് എടുക്കാന് ബൈഡന് ഭരണകൂടത്തിന് കഴിയുന്നില്ലെന്ന് കുറ്റപ്പെടുത്തി. താനായിരുന്നു പ്രസിഡന്റ് എങ്കില് ഇത്തരമൊരു ആക്രമണം നടക്കില്ലായിരുന്നുവെന്നും അദ്ദേഹം പറഞ്ഞു.
ബൈഡനെ വെറും ചെണ്ട പോലെ പുടിന് കൊട്ടുന്നുവെന്ന് ട്രംപ് പരിഹസിച്ചു. ഇത് കാണാന് ഒട്ടും സുഖകരമായ കാഴ്ചയല്ലെന്നും ട്രംപ് പറഞ്ഞു. റഷ്യയ്ക്ക് ആക്രമിക്കാനുള്ള അവസരം ഒരിക്കലും ഒരുക്കാന് പാടില്ലായിരുന്നു. റഷ്യന് ആക്രമണത്തില് നടുക്കം രേഖപ്പെടുത്തിയ ട്രംപ് പ്രസ്താവിച്ചു. യുക്രൈന് പ്രസിഡന്റ് വ്ലോഡിമിര് സെലന്സ്കിയെ ധീരനെന്ന് വിളിച്ചാണ് ട്രംപ് പുകഴ്ത്തിയത്.
ഫ്ളോറിഡയില് നടക്കുന്ന കണ്സര്വേറ്റീവ് പൊളിറ്റിക്കല് ആക്ഷന് കോണ്ഫറന്സ് 2022 വില് സംസാരിക്കുകയായിരുന്നു മുന് യുഎസ് പ്രസിഡന്റ്. പുടിനുമായി തനിക്ക് സൌഹൃദം ഉണ്ടെന്നും അതിനാല് തന്നെ ഇത്തരം ഒരു ആക്രമണം നടക്കാന് അനുവദിക്കില്ലെന്ന് ട്രംപ് സൂചിപ്പിച്ചു.
എന്നാല് രണ്ട് ദിവസം മുന്പ് നടത്തിയ പ്രസ്താവനയില് നിന്നും തീര്ത്തും വിരുദ്ധമായാണ് കണ്സര്വേറ്റീവ് പൊളിറ്റിക്കല് ആക്ഷന് കോണ്ഫറന്സ് 2022 ല് ട്രംപ് പ്രസ്താവന നടത്തിയത്. യുക്രൈന്റെ കിഴക്കന് ഭാഗത്തെ രണ്ട് മേഖലകള് സ്വതന്ത്ര രാജ്യങ്ങളാണെന്ന് പ്രഖ്യാപിക്കുകയും അങ്ങോട്ട് സൈന്യത്തെ അയക്കുകയും ചെയ്ത പുടിന്റെ നടപടി പ്രതിഭാശാലിത്വമാണെന്ന് ട്രംപ് അന്ന് പറഞ്ഞു. യുക്രൈന് സംഭവവികാസങ്ങള് ടിവിയിലാണ് താന് കണ്ടതെന്നും പുടിന്റെ നടപടി അതിശയകരമാണെന്നും ട്രംപ് പുകഴ്ത്തി. താന് കണ്ടതില് വെച്ച് ഏറ്റവും വലിയ സമാധാന സേനയെയാണ് പുടിന് യുക്രൈനിലേക്ക് അയച്ചതെന്നും ഇതൊരു കിടിലന് നീക്കമാണെന്നും ട്രംപ് ദ് ക്ലേ ട്രാവിസ് ആന്റ് ബക് സെക്സ്റ്റണ് ഷോയില് പറഞ്ഞു.
റഷ്യൻ സൈന്യം ഖാർകീവിൽ, വാസിൽകീവ് എണ്ണസംഭരണ ശാല തകർത്തു, വിഷവാതകം വ്യാപിക്കുമെന്ന് ആശങ്ക
കീവ് : യുക്രൈനിലെ (Ukraine) റഷ്യൻ (Russia) ആക്രമണം നാലാം ദിവസവും തുടരുന്നു. തലസ്ഥാനമായ കീവ് വളഞ്ഞ റഷ്യൻ സൈന്യം (Russia Army) ഖാര്കീവിലും ഉഗ്ര സ്ഫോടനങ്ങൾ നടത്തി. റഷ്യൻ സൈന്യം കരമാർഗം ഖാര്കീവിലേക്ക് കടന്നു. വ്യാവസായികമായി ഏറെ പ്രാധാന്യമുള്ള പ്രദേശമാണിത്. മലയാളികൾ അടക്കം നിരവധി ഇന്ത്യക്കാർ കുടുങ്ങിക്കിടക്കുന്ന സ്ഥലമാണ് ഖാർകീവ്. ഇന്നലെ കനത്ത വ്യോമാക്രമണമായിരുന്നു പ്രദേശത്തുണ്ടായിരുന്നത്. ഇതിന്റെ ദൃശ്യങ്ങൾ പുറത്ത് വന്നു. ജനവാസകേന്ദ്രങ്ങളിൽ പുലർച്ചയടക്കം സ്ഫോടനങ്ങളുണ്ടായി.
വാസിൽകീവിലെ എണ്ണ സംഭരണ ശാലയ്ക്ക് നേരെ റഷ്യ മിസൈൽ ആക്രമണം നടത്തി. ഇവിടെ തീ പടരുകയാണ്. യുക്രൈൻ തലസ്ഥാനമായ കീവിന് സമീപ പ്രദേശമാണിത്. ഖാർക്കീവിൽ വാതക പൈപ്പ് ലൈന് നേരെയും ആക്രമണം ഉണ്ടായി. ഇവിടേയും വൻ തീപിടുത്തമാണ് ഉണ്ടായച്. വിഷവാതകം ചോരുന്നതിനാൽ പ്രദേശവാസികൾ സുരക്ഷിത കേന്ദ്രത്തിലേക്ക് മാറണമെന്ന് നിർദേശമുണ്ട്. ഒഖ്തിർക്കയിലുണ്ടായ റഷ്യൻ ഷെല്ലാക്രമണത്തിൽ ആറ് വയസുകാരി ഉൾപ്പെടെ 7 പേർ കൊല്ലപ്പെട്ടതായാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.
യുക്രൈന് ആക്രമിച്ചത് സമാധാനമുണ്ടാക്കാന്, പുടിന് ജീനിയസാണെന്ന് കട്ടഫാന് ട്രംപ്!
