ബിജെപി സർക്കാരിനെതിരായ വിമർശനങ്ങൾക്ക് മറുപടി നൽകാൻ കൂടുതൽ സമയം വേണമെന്ന് ബി ബി ഗോപകുമാർ എംഎൽഎ ആവശ്യപ്പെട്ടു. മോദിയുടെ നിശ്ചയദാർഢ്യത്തെയും യുപിഐ സംവിധാനത്തെയും അദ്ദേഹം പുകഴ്ത്തി. എന്നാൽ അനുവദിച്ച സമയം കഴിഞ്ഞും സംസാരിച്ചതോടെ അദ്ദേഹത്തിന്റെ മൈക്ക് ഓഫ് ചെയ്തു.
തിരുവനന്തപുരം: ബിജെപി സർക്കാരിനെ എതിർക്കുമ്പോൾ അതിന് മറുപടി പറയാനുള്ള സമയം നൽകണമെന്ന് ബി ബി ഗോപകുമാർ എംഎൽഎ. ബിജെപി അംഗത്തിന് സംസാരിക്കാൻ ഒരു മിനിറ്റ് സമയമാണ് ഉപക്ഷേപത്തിൽ മറുപടി നൽകാൻ അനുവദിച്ചത്. മോദി ഒരു കാര്യം നടത്തുമെന്ന് പറഞ്ഞിട്ടുണ്ടെങ്കിൽ അത് ആരുടെയും ഭീഷണിക്ക് വഴങ്ങി പിന്നോട്ട് പോകില്ല. ഇന്ത്യയിലെ യുപിഐ സംവിധാനം ലോകത്തിന് തന്നെ മാതൃകയാകുന്നതാണെന്നും ബി ബി ഗോപകുമാർ പറഞ്ഞു.
ഒരു സാധാരണക്കാരെയും ബാധിക്കുന്ന രീതിയിൽ അല്ല ഈ സംവിധാനം ഇവിടെ നടപ്പിലാക്കുന്നത്. ബി ബി ഗോപകുമാർ സംസാരം തുടർന്നതോടെ സമയം അവസാനിച്ചു എന്ന് ചെയർ അറിയിച്ചു. ഒരു മിനിറ്റിൽ കൂടുതൽ സംസാരിച്ച് അവസാനിപ്പിക്കണമെന്ന് പറഞ്ഞതിനുശേഷവും തുടർന്നതോടെ ബിജെപി അംഗത്തിന്‍റെ മൈക്ക് ഓഫ് ചെയ്തു.
കഴിഞ്ഞ ദിവസം മുഖ്യതെരഞ്ഞെടുപ്പ് കമ്മീഷണറെ പുറക്കാത്തണമെന്നാവശ്യപ്പെട്ട് കേരള നിയമസഭ പ്രമേയം പാസാക്കിയിരുന്നു. ഗ്യാനേഷ് കുമാറിന്‍റെ പ്രവർത്തനങ്ങൾ തെരഞ്ഞെടുപ്പ് കമ്മീഷന്റെ വിശ്വാസ്യത നഷ്ടപ്പെടുത്തിയെന്നടക്കമുള്ള കാരണങ്ങൾ ചൂണ്ടിക്കാട്ടിയാണ് പ്രമേയം പാസാക്കിയത്. രാജ്യത്ത് ആദ്യമാണ് ഒരു സംസ്ഥാനം മുഖ്യ തെരഞ്ഞെടുപ്പ് കമ്മീഷണറെ മാറ്റാനായി പ്രമേയം പാസാക്കിയത്. മുഖ്യമന്ത്രി വി ഡി സതീശൻ നിയമസഭയിൽ അവതരിപ്പിച്ച പ്രമേയത്തെ യു ഡി എഫ് - എൽ ഡി എഫ് എം എൽ എമാർ ഒന്നടങ്കം പിന്തുണച്ചു. മൂന്ന് ബി ജെ പി അംഗങ്ങൾ മാത്രമാണ് എതിർപ്പ് പ്രകടിപ്പിച്ചത്.
Related Articles
എസ് ഐ ആർ അപാകത കാരണം അർഹരായവർ വോട്ടർ പട്ടികയിൽ നിന്ന് പുറത്തായെന്നടക്കം പ്രമേയം കുറ്റപ്പെടുത്തി. എസ് ഐ ആർ നടപടികൾ സുതാര്യമാക്കുന്നതിൽ കമ്മീഷൻ പരാജയപ്പെട്ടു. നിലവിലെ പ്രവർത്തനം കമ്മീഷന്റെ വിശ്വാസ്യത ഇല്ലാതാക്കി. ഗ്യാനേഷ് കുമാറിനെ പദവിയിൽ നിന്ന് നീക്കണം. കമ്മീഷണമാരെ തെരഞ്ഞെടുക്കുന്ന രീതി മാറ്റണം. ചീഫ് ജസ്റ്റിസിനെ ഉൾപ്പെടുത്തി കമ്മീഷണമാരെ തെരഞ്ഞെടുക്കുന്ന സമിതി പുനസംഘടിപ്പിക്കണമെന്നടക്കം പ്രമേയം ആവശ്യപ്പെടുന്നുണ്ട്. ഇതിന് വേണ്ട നടപടികൾ കേന്ദ്ര സർക്കാർ കൈക്കൊള്ളമെന്നും പ്രമേയം ആവശ്യപ്പെടുന്നുണ്ട്. ഗ്യാനേഷിന് കീഴിൽ അട്ടിമറിയെങ്കിൽ മുഖ്യമന്ത്രി രാജിവയ്ക്കണമെന്നടക്കമുള്ള ആവശ്യം മുന്നോട്ട് വച്ചാണ് ബി ജെ പി അംഗങ്ങൾ പ്രമേയത്തെ എതിർത്തത്.
എസ് ഐ ആർ അപാകതയാണെന്നാണ് മുഖ്യമന്ത്രി അവതരിപ്പിച്ച പ്രമേയം പറയുന്നതെന്ന് ചൂണ്ടിക്കാട്ടിയ ബി ജെ പി നിയമസഭ കക്ഷി നേതാവ് ബി ബി ഗോപകുമാർ, അങ്ങനെയെങ്കിൽ നിയമസഭ പിരിച്ചുവിടുകയാണ് വേണ്ടെതെന്നാണ് ഭേദഗതി അവതരിപ്പിച്ചത്. മുഖ്യമന്ത്രി രാജിവയ്ക്കണമെന്നും ബി ജെ പി അംഗങ്ങൾ ഭേദഗതിയിലൂടെ ആവശ്യപ്പെട്ടു. എന്നാൽ ബി ജെ പിയുടെ ഭേദഗതികൾ മുഖ്യമന്ത്രി തള്ളിക്കളഞ്ഞു.
