Asianet News MalayalamAsianet News Malayalam

സംസ്ഥാനത്ത് കൊവിഡ് ടെസ്റ്റ് പോസിറ്റിവിറ്റി നിരക്ക് കൂടുന്നു; നിർണ്ണായക റിപ്പോർട്ടുമായി ആരോ​ഗ്യവകുപ്പ്

തിരുവനന്തപുരം, ആലപ്പുഴ, എറണാകുളം, മലപ്പുറം, കാസർഗോഡ് ജില്ലകളിൽ കൊവിഡ് ടെസ്റ്റ് പോസിറ്റിവിറ്റി നിരക്ക് അഞ്ച് ശതമാനത്തിന് മുകളിൽ എത്തി. കാസർകോട്ടും മലപ്പുറത്തും ഇത് 10% ന് മുകളിലാണ്. ടെസ്റ്റുകളുടെ എണ്ണം വർധിപ്പിച്ച് ഇത് അഞ്ച് ശതമാനത്തിന് താഴേക്ക് കൊണ്ടുവരണം.

health department report on august covid situation kerala
Author
Thiruvananthapuram, First Published Aug 11, 2020, 10:34 AM IST

തിരുവനന്തപുരം: സംസ്ഥാനത്ത് കൊവിഡ് കേസുകൾ വർധിച്ച ഓ​ഗസ്റ്റ് മാസത്തിലെ കണക്കുകൾ സംബന്ധിച്ച് നിർണ്ണായക വിവരങ്ങളുമായി സംസ്ഥാന ആരോ​ഗ്യവകുപ്പിന്റെ റിപ്പോർട്ട്. തിരുവനന്തപുരം, ആലപ്പുഴ, എറണാകുളം, മലപ്പുറം, കാസർഗോഡ് ജില്ലകളിൽ കൊവിഡ് ടെസ്റ്റ് പോസിറ്റിവിറ്റി നിരക്ക് അഞ്ച് ശതമാനത്തിന് മുകളിൽ എത്തി. കാസർകോട്ടും മലപ്പുറത്തും ഇത് 10% ന് മുകളിലാണ്. ടെസ്റ്റുകളുടെ എണ്ണം വർധിപ്പിച്ച് ഇത് അഞ്ച് ശതമാനത്തിന് താഴേക്ക് കൊണ്ടുവരണം. ഈ നിരക്ക് രണ്ട് ശതമാനത്തിൽ നിൽക്കുന്നതാണ് അഭികാമ്യം എന്നും റിപ്പോർട്ട് പറയുന്നു. ഓ​ഗസ്റ്റ് 1 മുതൽ ഏഴ് വരെയുള്ള കണക്കുകളാണ് പുറത്തുവിട്ടിരിക്കുന്നത്. 

100 പേരെ പരിശോധിക്കുമ്പോൾ എത്ര പേർക്ക് രോ​ഗം സ്ഥിരീകരിക്കുന്നു എന്നതിന്റെ കണക്കാണ് കൊവിഡ് ടെസ്റ്റ് പോസിറ്റിവിറ്റി നിരക്ക്. മലപ്പുറത്തു പത്തു ലക്ഷം പേരിൽ 596 കോവിഡ് കേസുകളാണ് ഈ കാലയളവിൽ റിപ്പോർട്ട് ചെയ്തത്. തിരുവനന്തപുരത്ത് 551 കേസുകൾ ഏഴ് ദിവസത്തിനുള്ളിൽ റിപ്പോർട്ട് ചെയ്തു. കാസർകോട് 11 ദിവസത്തിനിടെ കേസുകൾ ഇരട്ടിയാകുന്നു. വയനാട്, കാസർകോട്, ആലപ്പുഴ ജില്ലകളിൽ 70% സിഎഫ്എൽടിസികളിലും കിടക്കകകൾ നിറഞ്ഞു. അടുത്ത ഘട്ടം മുന്നിൽ കാണണമെന്നും റിപ്പോർട്ടിൽ മുന്നറിയിപ്പുണ്ട്. 

Read Also: വിദ്യാഭ്യാസ സ്ഥാപനങ്ങൾ ഉടൻ തുറക്കില്ല; ഈ വർഷം 'സീറോ അക്കാദമിക് ഇയർ' ആക്കാൻ ആലോചന...
 

Follow Us:
Download App:
  • android
  • ios