Kerala Budget 2026 Highlights: ഉമ്മൻചാണ്ടി ആരോഗ്യ ഇൻഷുറൻസ് പദ്ധതി, പ്രിയദര്‍ശിനിക്ക് 600 കോടി, ജെൻസികള്‍ക്ക് സ്റ്റാര്‍ട്ട് അപ്; ബജറ്റ് പ്രഖ്യാപനങ്ങള്‍

 ബജറ്റിൽ സ്വകാര്യ ബസുകള്‍ക്ക് ആശ്വാസമായി പ്രഖ്യാപനം. സ്വകാര്യ ബസുകള്‍ക്ക് മൂന്ന് മാസത്തെ നികുതിയിൽ 50 ശതമാനം ഇളവ് ലഭിക്കും. 

സര്‍ക്കാര്‍ ജീവനക്കാര്‍ക്ക് മെഡിസെപ്പ് പരിഷ്കരിക്കുമെന്ന് ബജറ്റിൽ പ്രഖ്യാപനം. ജീവനക്കാര്‍ക്ക് മുടക്കമില്ലാതെ ഡി എ നൽകും. ലീവ് സറണ്ടറിൽ ഉചിതമായ തീരുമാനമെടുക്കും. അഷ്വേര്‍ഡ് പെൻഷൻ പദ്ധതിയില്ല. പങ്കാളിത്ത പെൻഷനിൽ മാറ്റമുണ്ടാകും. 

ഇലക്ട്രിക് കാറുകള്‍ക്ക് വില കുറയുമെന്ന് സംസ്ഥാന ബജറ്റിൽ പ്രഖ്യാപനം. 10 ലക്ഷം വരെ വിലയുള്ള വാഹനങ്ങള്‍ക്കുള്ള നികുതി 5 ശതമാനത്തിൽ നിന്ന് 3 ശതമാനമായി കുറച്ചു. അതേ സമയം 10 മുതൽ 15 ലക്ഷം വരെയുള്ള കാറുകളുടെ വിലയിൽ മാറ്റമില്ല. 15 മുതൽ 20 ലക്ഷം വരെയുള്ളവയ്ക്ക് നികുതി 8ശതമാനത്തിൽ നിന്ന് 5 ശതമാനം ആയി കുറച്ചു. 

കുട്ടികള്‍ക്ക് നേരെയുള്ള അതിക്രമത്തോട് സീറോ ടോളറൻസ്. അതിനായി മകള്‍ക്കൊപ്പം പദ്ധതി. 

ഉരുള്‍പൊട്ടൽ ദുരന്തമുണ്ടായ വിലങ്ങാടിനായി ബജറ്റിൽ പാക്കേജ്. ദുരന്തത്തിൽ തകര്‍ന്ന വിലങ്ങാടിന് പുനര്‍ന നിര്‍മാണത്തിനും പുനരധിവാസത്തിനുമായി 5 കോടി വകയിരുത്തും

അന്തരിച്ച നടൻ സലിംകുമാറിന് എറണാകുളം ജില്ലയിൽ സ്മാരകം ഒരുക്കുമെന്ന് മുഖ്യമന്ത്രി വിഡി സതീശൻ ബജറ്റിൽ പ്രഖ്യാപിച്ചു. ഇതിനായി വകയിരുത്തുന്നത് 1 കോടി. ജൂണ്‍ 6നാണ് സലിം കുമാര്‍ അന്തരിച്ചത്. 

മലബാറിൽ ഫുട്ബോള്‍ പരിശീലനത്തിന് പുതിയ സ്റ്റേഡിയം തയ്യാറാക്കും. ഇതിനായി വകയിരുത്തുന്നത് 50 കോടിയാണ്. 

റബറിന്‍റെ താങ്ങുവില കൂട്ടി. താങ്ങുവില 250 ആക്കി. നിലവിലെ താങ്ങുവില 200 ആണ്.

തീരമേഖലയ്ക്ക് കരുതലാകുന്ന പദ്ധതികളും ബജറ്റിൽ. മത്സ്യത്തൊഴിലാളികള്‍ക്ക് ഭവനപദ്ധതി. മണ്ണെണ്ണ സബ്സിഡി കൂട്ടി. മുതലപ്പൊഴി ഹാര്‍ബറിലെ അശാസ്ത്രീയ നിര്‍മാണം പരിഹരിക്കും, പട്ടയമില്ലാത്ത തീരദേശവാസികള്‍ക്ക് പട്ടയം നൽകും. 

പൂക്കോട് വെറ്ററിനറി കോളേജിൽ റാഗിങ്ങിനെ തുടര്‍ന്ന് മരിച്ച വിദ്യാര്‍ത്ഥി സിദ്ധാര്‍ത്ഥിന്‍റെ പേരിൽ റാഗിങ്ങ് തടയാനുള്ള പദ്ധതി. 

മനുഷ്യ മൃഗ സംഘര്‍ഷം ലഘൂകരിക്കാൻ ആധുനിക സാങ്കേതിക വിദ്യ സജ്ജമാക്കും. ഇതിനായി 192 കോടി വകയിരുത്തും

കോഴിക്കോട് എംടി വാസുദേവൻ നായരുടെ പേരിൽ കള്‍ച്ചറൽ പാര്‍ക്ക്. 

 ബജറ്റിൽ ജെൻസികൾക്കായി സ്റ്റാർട്ട് അപ് പദ്ധതി. ഇതിനായി 50 കോടി വകയിരുത്തും

കര്‍ഷകര്‍ക്ക് കൈത്താങ്ങായി പദ്ധതികള്‍. ഫാം ടൂറിസം പ്രോത്സാഹിപ്പിക്കും. ക്ഷീരവികസനത്തിനായി 102 കോടി വകയിരുത്തും. യുവാക്കളെ കൃഷിയിലേക്ക് ആകർഷിക്കാൻ പദ്ധതി നടപ്പാക്കും. 3 വർഷത്തിനുള്ളിൽ പ്രതിദിന പാല് ഉൽപദാനം 1 കോടി ലിറ്ററാക്കി ഉയർത്തും. 

രണ്ടാം ഭൂപരിഷ്കരണത്തിൽ ലാൻഡ് മാനേജ്മെന്‍റ് നയം നടപ്പിലാക്കും. വ്യവസായങ്ങള്‍ക്ക് ഭൂമി ഉറപ്പാക്കും. 

കെഎസ്ആര്‍ടിസി ഓര്‍ഡിനറി ബസുകളിൽ സ്ത്രീകള്‍ക്ക് സൌജന്യ യാത്ര ഒരുക്കുന്ന പ്രിയദർശിനി പദ്ധതിക്കായി 600 കോടി വകയിരുത്തും. 

വയോജന വകുപ്പിൽ കെയര്‍ ഗീവര്‍ പദ്ധതി നടപ്പിലാക്കും. പദ്ധതിയിൽ രോഗപരിപാലന പരിശീലനം നൽകും. ആറ് മാസത്തെ കാലാവധിയിൽ സർക്കാർ അംഗീകൃത കെയർ ഗിവർ സർട്ടിഫിക്കറ്റ് കോഴ്സ്. 

ഐഐടി റിസര്‍ച്ച് പാര്‍ക്ക് മാതൃകയിൽ റിസര്‍ച്ച് പാര്‍ക്ക്. വകയിരുത്തുന്നത് 60 കോടി

ജെ സി ഡാനിയേലിന്റെ പേരിൽ കൊച്ചിയിൽ ഫിലിം സിറ്റി. അതിനായി 100 കോടി വകയിരുത്തും.

ഉമ്മൻ ചാണ്ടി ഇൻഷുറൻസ്സ് പദ്ധതി നടപ്പാക്കും. ഓരോ കുടുംബത്തിനും 25 ലക്ഷം സൗജന്യ ഇൻഷുറൻസ് പരിരക്ഷ നൽകുന്ന പദ്ധതി.