പാലക്കാട് മുതലമടയിൽ ട്വന്റി -20യിൽ നിന്നും കൂട്ടരാജി. എൻഡിഎയുടെ ഘടകകക്ഷിയായതിൽ പ്രതിഷേധിച്ചാണ് കൂട്ടത്തോടെ ട്വന്റി ട്വന്റിയിൽ നിന്നും രാജി വെച്ചത്. ജനകീയ വികസന മുന്നണിയുടെ ഭാഗമായി പ്രവർത്തിച്ചവർ മുഴുവൻ ട്വന്റി ട്വന്റിയിൽനിന്നും രാജിവെച്ചു
പാലക്കാട്: പാലക്കാട് മുതലമടയിൽ ട്വന്റി -20യിൽ നിന്നും കൂട്ടരാജി. എൻഡിഎയുടെ ഘടകകക്ഷിയായതിൽ പ്രതിഷേധിച്ചാണ് കൂട്ടത്തോടെ ട്വന്റി -20യിൽ നിന്നും രാജി വെച്ചത്. മുതലമടയിലെ ജനകീയ വികസന മുന്നണി ട്വന്റി -20യിൽ ലയിച്ചിരുന്നു. ജനകീയ വികസന മുന്നണിയുടെ ഭാഗമായി പ്രവർത്തിച്ചവർ മുഴുവൻ ട്വന്റി -20യിൽനിന്നും രാജിവെച്ചു. ജനകീയ വികസന മുന്നണിയായി തന്നെ തുടരാനാണ് രാജിവെച്ചവരുടെ തീരുമാനം. സാബു എം ജേക്കബ് പാർട്ടിയുമായി ആലോചിക്കാതെയാണ എൻഡിഎയിലെ ഘടകകക്ഷിയാകാൻ തീരുമാനിച്ചത് എന്നാണ് ആക്ഷേപം. മുതലമടയിൽ ചേർന്ന യോഗം ട്വന്റി -20യിലെ ലയനം അസാധുവായി പ്രഖ്യാപിച്ച് ജനകീയ വികസന മുന്നണിയായി തുടരാൻ തീരുമാനിച്ചു. നെല്ലിയാമ്പതി , നെന്മാറ തുടങ്ങിയ പാലക്കാട് ജില്ലയിലെ മറ്റ് പ്രദേശങ്ങളിലെ പ്രവർത്തകരും പാർട്ടി പ്രവർത്തനം അവസാനിപ്പിച്ചു. 50ഓളം പേരാണ് പാര്ട്ടി വിട്ടത്.
