ശ്രീധന്യക്ക് അഭിനന്ദനപ്രവാഹം; ആശംസകളറിയിച്ച് രാഹുല്‍ ഗാന്ധിയും കമല്‍ ഹാസനും
ശ്രീധന്യ സ്വപ്നം സഫലമാക്കിയത് അവരുടെ കഠിനാധ്വാനവും സമർപ്പണവും കൊണ്ടാണെന്ന് രാഹുൽ ഗാന്ധി. ഗോത്ര വിഭാഗങ്ങളിൽപ്പെട്ടവർക്ക് ഉയർന്നുവരാൻ അവസരം ഒരുക്കുന്ന കേരള സർക്കാരിനും അഭിനന്ദനങ്ങളെന്ന് കമൽ ഹാസൻ.
വയനാട്:സിവിൽ സർവീസ് യോഗ്യത നേടിയ ശ്രീധന്യ സുരേഷിന് കോൺഗ്രസ് പ്രസിഡന്‍റ് രാഹുൽ ഗാന്ധിയുടെ അഭിനന്ദനം. കേരളത്തിൽ നിന്ന് സിവിൽ സർവീസിലേക്ക് തെരഞ്ഞെടുക്കപ്പെട്ട ആദ്യ ഗോത്ര വിഭാഗത്തിൽപ്പെട്ട ശ്രീധന്യ ആ സ്വപ്നം സഫലമാക്കിയത് അവരുടെ കഠിനാധ്വാനവും സമർപ്പണവും കൊണ്ടാണെന്ന് രാഹുൽ ഗാന്ധി ട്വീറ്റ് ചെയ്തു. ശ്രീധന്യക്ക് വിജയാശംസകൾ നേടിയ രാഹുൽ ഗാന്ധി അവരുടെ കുടുംബത്തിനും അഭിനന്ദനം അറിയിച്ചു. രാഹുൽ ഗാന്ധി തെരഞ്ഞെടുപ്പിൽ മത്സരിക്കുന്ന മണ്ഡലമായ വയനാട് സ്വദേശിയാണ് ശ്രീധന്യ.
Ms Sreedhanya Suresh from Wayanad, is the first tribal girl from Kerala to be selected for the civil service.
— Rahul Gandhi (@RahulGandhi) April 6, 2019
Sreedhanya’s hard work & dedication have helped make her dream come true.
I congratulate Sreedhanya and her family and wish her great successs in her chosen career.
ഡിസ്റ്റിംഗ്ഷനോടെ യുപിഎസ്‍സി പരീക്ഷ പാസായ കുറിച്യ വിഭാഗത്തിൽപ്പെട്ട ആദ്യത്തെ വനിതയായ ശ്രീധന്യക്ക് ആശംസകൾ നേരുന്നുവെന്ന് സൂപ്പർ താരം കമൽ ഹാസൻ ട്വീറ്റ് ചെയ്തു. ഗോത്ര വിഭാഗങ്ങളിൽപ്പെട്ടവർക്ക് ഉയർന്നുവരാൻ അവസരം ഒരുക്കുന്ന കേരള സർക്കാരിനും അഭിനന്ദനങ്ങൾ അറിയിക്കുന്നതായി കമൽ ഹാസൻ ട്വിറ്ററിൽ കുറിച്ചു.
Bravo Ms.Sreedhanya Suresh for being the first woman from the Kurichya Tribe of Wayanad to clear UPSC exams with distinction. Kudos to Kerala Government for facilitating such progress of Tribal Communities.
— Kamal Haasan (@ikamalhaasan) April 6, 2019
