Wild Elephant Attack: അതിരപ്പിള്ളിയിൽ വിനോദസഞ്ചാരിയെ കാട്ടാന ആക്രമിച്ചു
കാട്ടാന തുമ്പിക്കൈ കൊണ്ട് ഇയാളെ തട്ടിയിടുകയായിരുന്നു
തൃശ്ശൂർ: അതിരപ്പിള്ളിയിൽ വിനോദ സഞ്ചാരിയെ കാട്ടാന ആക്രമിച്ചു. കോതമംഗലം സ്വദേശി അലനെ (26) ആണ് കാട്ടാന ആക്രമിച്ചത്. ആക്രമണത്തിൽ പരിക്കേറ്റ ഇയാളെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കാട്ടാന തുമ്പിക്കൈ കൊണ്ട് ഇയാളെ തട്ടിയിടുകയായിരുന്നുവെന്നാണ് വിവരം. ആന തട്ടി വീഴ്ത്തിയപ്പോൾ ആണ് ഇയാൾക്ക് പരിക്കേറ്റത്. പരിക്ക് സാരമുള്ളതല്ല.
- ബൈക്കിടിച്ച് യാത്രക്കാരൻ മരിച്ചു
തൃശ്ശൂർ: ചാവക്കാട് - തിരുവത്ര ദേശീയപാതയിൽ നിർത്തിയിട്ടിരുന്ന ലോറിക്ക് പുറകിൽ ബൈക്കിടിച്ച് ബൈക്ക് യാത്രികൻ മരിച്ചു. മലപ്പുറം വെളിയങ്കോട് ചാടീരകത്ത് സ്വദേശി ഹംസു ആണ് മരിച്ചത്. 42 വയസ്സായിരുന്നു.
- കടന്നൽ കുത്തേറ്റ് വയോധികന് ഗുരുതര പരുക്ക്
തൃശൂർ: ചൂണ്ടലിൽ നടന്നു പോകുകയിരുന്ന യാത്രക്കാരന് കടന്നൽ കുത്തേറ്റ് ഗുരുതര പരുക്ക്. തൃശൂർ കുറുപ്പത്ത് തോപ്പ് വീട്ടിൽ ഷാനവാസിനാണ് (68) പരുക്കേറ്റത്. കടന്നൽ കുത്തേറ്റ് സാരമായി പരിക്കേറ്റ ഇയാളെ കുന്നംകുളം താലൂക്ക് ആശുപത്രിയിൽ പ്രവേശിപ്പിച്ചു.
- പരപ്പനങ്ങാടിയിൽ യുവാവ് ട്രെയിൻ തട്ടി മരിച്ചു
മലപ്പുറം: പരപ്പനങ്ങാടിയിൽ യുവാവ് ട്രെയിൻ തട്ടി മരിച്ചു. ചെമ്മാട് സ്വദേശിയും കോഴിക്കോട് ഫാറൂഖ് കോളേജ് മുൻ യൂണിയൻ ചെയർമാനുമായ കെ.വി.എം.അസ്‌ലം (27) ആണ് മരിച്ചത്.
