ദളിത് വിഭാഗത്തില്‍പ്പെട്ടയാളെ മര്‍ദ്ദിച്ചു കോഴിക്കോട് സ്വദേശി പൊലീസ് പിടിയില്‍
കോഴിക്കോട്: ഗൃഹനാഥനെ റോഡിൽ വെച്ച് ആക്രമിച്ച കേസിൽ ഒരാൾ അറസ്റ്റിൽ. ചേവായൂർ നങ്ങോരകുന്നുമ്മൽ മണിയെയാണ് പൊലീസ് അറസ്റ്റു ചെയ്തത്. മാർച്ച് 28ന് രാത്രി ഏഴിന് കുമ്മങ്ങോട്ട് അങ്ങാടിയിൽവച്ച് കരമ്പിയിൽ ഗോപാലനെ ആക്രമിച്ചെന്നാണ് കേസ്. ഇയാള് ദളിത് വിഭാഗത്തില്പ്പെട്ട ആളാണ്.
ചേവായൂർ പൊലീസ് രജിസ്റ്റർ ചെയത കേസിൽ നോർത്ത് അസി. കമിഷണർ ഇ.പി. പൃഥിരാജിന്റെ നേതൃത്വത്തിലുള്ള പ്രത്യേക സംഘമാണ് അന്വേഷണം നടത്തി പ്രതിയെ അറസ്റ്റു ചെയ്തത്. പട്ടികജാതി പട്ടികവർഗ വിഭാഗങ്ങൾക്കെതിരായ ആക്രമണം തടയാനുള്ള നിയമപ്രകാരമാണ് പ്രതിക്കെതിരെ കേസെടുത്തിരുന്നത്. പ്രതിയെ കോടതി റിമാൻഡ്ചെയ്തു.
