പകൽ ഉറങ്ങുന്നവരുടെ ശ്രദ്ധയ്ക്ക്; ഈ അസുഖങ്ങൾ പിടിപെടാം
പകലുറക്കം ആരോഗ്യത്തിന് അത്ര നല്ലതല്ല. പകൽ ഉറങ്ങിയാൽ നിരവധി അസുഖങ്ങളാകും പിടിപെടുക. പകലുറക്കം ഹൃദയ സംബന്ധമായ അസുഖങ്ങൾ ഉണ്ടാക്കാമെന്ന് പഠനങ്ങൾ പറയുന്നു. അത് കൂടാതെ, പൊണ്ണത്തടി, പ്രമേഹം, രക്തസമ്മർദ്ദം പോലുള്ള അസുഖങ്ങളും പിടിപെടാം.
നിങ്ങൾ പകൽ ഉറങ്ങുന്ന ആളാണോ. പകലുറക്കം ആരോഗ്യത്തിന് അത്ര നല്ലതല്ല. പകൽ ഉറങ്ങിയാൽ നിരവധി അസുഖങ്ങളാകും പിടിപെടുക. പകൽ ഉറങ്ങിയാൽ മറവിരോഗം ഉണ്ടാകാമെന്ന് പഠനങ്ങൾ പറയുന്നു. തലച്ചോറിൽ ഉണ്ടാകുന്ന അമിലോയ്ഡ് പ്ലേക്സിന്റെ സാന്നിധ്യമാണ് ഇതിന് കാരണമാകുന്നത്. രാത്രി ആവശ്യത്തിന് ഉറക്കം കിട്ടാതെ വരികയും അതിനാൽ പകൽ ഉറക്കം തൂങ്ങി നടക്കുകയും ചെയ്യുന്നവരിൽ ബ്രെയിനിനെ കൊല്ലുന്ന ഈ അമിലോയ്ഡ് പ്ലേഗ്സിന്റെ സാന്നിധ്യം ഉണ്ടാവുകയും ഇവ കോശങ്ങളെ നശിപ്പിക്കുകയും ചെയ്യുന്നു.
70 വയസ് കഴിഞ്ഞ ഡിമെൻഷ്യ ബാധിതരല്ലാത്ത 283 പേരിൽ നടത്തിയ പഠന റിപ്പോർട്ടിലാണ് ഇക്കാര്യം വ്യക്തമാക്കിയത്. എട്ട് മണിക്കൂർ കൂടുതലുള്ള ഉറക്കം ആരോഗ്യത്തിന് നല്ലതല്ല. ഹൃദ്രോഗമടക്കം പലരോഗങ്ങള്ക്കും ഇത് കാരണമാകാറുണ്ടെന്നും ഗവേഷകർ പറയുന്നു. പകല്നേരത്തെ ഉറക്കം നമ്മുടെ ജീവിതക്രമത്തെ താളംതെറ്റിക്കുമെന്നാണ് ഗവേഷകര് പറയുന്നത്.
പകൽ ഉറങ്ങിയാൽ പൊണ്ണത്തടി, പ്രമേഹം, രക്തസമ്മർദ്ദം പോലുള്ള അസുഖങ്ങളും പിടിപെടാം. പകലുറക്കം അമിത ക്ഷീണം, അലസത, ഓർമക്കുറവ് പോലുള്ള പ്രശ്നങ്ങളും ഉണ്ടാക്കാമെന്ന് പിറ്റ്സ്ബർഗ് യൂണിവേഴ്സിറ്റിയിലെ ഗവേഷകർ നടത്തിയ പഠനത്തിൽ പറയുന്നു.