പല കാരണങ്ങള് കൊണ്ടും അകാലനര ഉണ്ടാകാം. സ്ട്രെസും ഉത്കണ്ഠയും മൂലം ചിലരില് അകാലനര ഉണ്ടാകാം. അവശ്യ പോഷകങ്ങളുടെ അഭാവം, പ്രത്യേകിച്ച് വിറ്റാമിനുകളുടെ കുറവു മൂലവും അകാലനര വരാം.
തലമുടി നരക്കുന്നത് വാർധക്യത്തിന്റെ ലക്ഷണമാണെങ്കിലും ചിലരില് വളരെ നേരത്തെ തന്നെ തലമുടി നരയ്ക്കാറുണ്ട്. ഇത്തരത്തിലുള്ള അകാലനര ചിലര്ക്ക് ഏറെ ബുദ്ധിമുട്ടുണ്ടാക്കുന്ന കാര്യമാണ്. പല കാരണങ്ങള് കൊണ്ടും അകാലനര ഉണ്ടാകാം. സ്ട്രെസും ഉത്കണ്ഠയും മൂലം ചിലരില് അകാലനര ഉണ്ടാകാം. അവശ്യ പോഷകങ്ങളുടെ അഭാവം, പ്രത്യേകിച്ച് വിറ്റാമിനുകളുടെ കുറവു മൂലവും അകാലനര വരാം. പുകവലി, അമിത മദ്യപാനം, ഉറക്കക്കുറവ്, ശാരീരിക പ്രവർത്തനങ്ങളുടെ അഭാവം, ഉദാസീനമായ ജീവിതശൈലി തുടങ്ങിയവയും അകാലനരയ്ക്ക് കാരണമാകും.
പ്രകൃതിദത്തമായ ചില വഴികളിലൂടെ അകാലനരയെ അകറ്റാം. അത്തരത്തില് ഒന്നാണ് ബീറ്റ്റൂട്ട് കൊണ്ടുള്ള പൊടിക്കൈ. ഇതിനായി രണ്ട് ബീറ്റ്റൂട്ടിന്റെ ജ്യൂസ്, അര കപ്പ് തേയില വെള്ളം അല്ലെങ്കില് കാപ്പി, രണ്ട് ടീസ്പൂണ് വെള്ളിച്ചെണ്ണ എന്നിവ മിശ്രിതമാക്കുക. ശേഷം ഈ മിശ്രിതം തലമുടിയില് പുരട്ടി അര മണിക്കൂറിന് ശേഷം കഴുകി കളയാം.
മറ്റൊരു പാക്കാണ് ഉലുവ കൊണ്ടുള്ളത്. ഇതിനായി ഉലുവ വെള്ളത്തിലിട്ട് തിളപ്പിച്ചശേഷം തണുപ്പിക്കുക. ഉലുവ മാറ്റിയശേഷം ആ വെള്ളത്തിലേയ്ക്ക് നാരങ്ങാനീര് ചേര്ക്കുക. ഇനി ഇതിലേയ്ക്ക് കറ്റാര്വാഴയുടെ ജെല്ല് കൂടി ചേര്ത്ത് മിശ്രിതമാക്കി തലയില് പുരട്ടാം. ആഴ്ചയില് മൂന്ന് തവണ വരെയൊക്കെ ചെയ്യുന്നത് അകാലനര അകറ്റാന് സഹായിക്കും.
അതുപോലെ, ഒരു പിടി മൈലാഞ്ചിയില, ഒരു ടീസ്പൂണ് തേയില, ഒരു ടീസ്പൂണ് നെല്ലിക്ക ഉണക്കിപ്പൊടിച്ചത് എന്നിവ അൽപം വെള്ളത്തിൽ കലർത്തി ഈ വെള്ളം ഉപയോഗിച്ച് തല കഴുകുക. ആഴ്ചയിൽ മൂന്ന് തവണ വരെ ഇങ്ങനെ ചെയ്യുന്നത് തലമുടിക്ക് കറുപ്പ് നിറം വരാന് സഹായിക്കും.
Also read: ഈ നാല് ഭക്ഷണങ്ങള് പതിവാക്കൂ, തലമുടി കൊഴിച്ചില് തടയാം...
