കഴിക്കുന്ന ഭക്ഷണത്തിന്റെ കലോറി അറിഞ്ഞിരിക്കണം. കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്.
വണ്ണം കുറയ്ക്കാന് ആഗ്രഹിക്കുന്നവര് പല തരം ഡയറ്റ് പ്ലാനുകള് പരീക്ഷിക്കുന്നുണ്ടാകാം. ഇതിന് ആദ്യം വേണ്ടത് ആരോഗ്യകരമായ ഭക്ഷണരീതിയാണ്.
കഴിക്കുന്ന ഭക്ഷണത്തിന്റെ കലോറി അറിഞ്ഞിരിക്കണം. കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്.
അത്തരത്തില് ഡയറ്റില് ഉള്പ്പെടുത്തേണ്ട കലോറി കുറഞ്ഞ ചില ജ്യൂസുകളെ പരിചയപ്പെടാം...
ഒന്ന്...
തണ്ണിമത്തന് ഇഷ്ടമല്ലാത്തവരായി ആരും ഉണ്ടാകില്ല. വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താവുന്ന ഒന്നാണ് തണ്ണിമത്തന്. തണ്ണിമത്തനില് ഏറ്റവുമധികം ഉള്ളത് വെള്ളമാണ്. ഭക്ഷണത്തിനു മുമ്പ് തണ്ണിമത്തൻ കഴിക്കുന്നത് അമിത കലോറികളൊന്നും എത്തിപ്പെടാതെ വയർ നിറയ്ക്കും. ഫൈബറും അടങ്ങിയിരിക്കുന്നതിനാല് ഇത് കൂടുതൽ ഭക്ഷണം കഴിക്കണമെന്ന തോന്നല് ഇല്ലാതാക്കുകയും ചെയ്യും. അതിനാല് തണ്ണിമത്തന് ജ്യൂസായി കുടിക്കാം. വേനല്ക്കാലത്തെ നിര്ജ്ജലീകരണം ഒഴിവാക്കാനും തണ്ണിമത്തന് ജ്യൂസ് സഹായിക്കും.
രണ്ട്...
വെള്ളരിക്ക ജ്യൂസാണ് ഈ പട്ടികയിലെ രണ്ടാമന്. വെള്ളവും ഫൈബറും അടങ്ങിയ വെള്ളരിക്കയും കലോറി വളരെ കുറഞ്ഞ പച്ചക്കറിയാണ്. അതിനാല് വെള്ളരിക്ക ജ്യൂസ് കുടിക്കുന്നത് വണ്ണം കുറയ്ക്കാനായി ഡയറ്റ് ചെയ്യുന്നവര്ക്ക് നല്ലതാണ്.
മൂന്ന്...
ധാരാളം പോഷകഗുണങ്ങളുള്ള ഒന്നാണ് ബീറ്റ്റൂട്ട്. വണ്ണം കുറയ്ക്കാനും പ്രതിരോധശേഷി വര്ധിപ്പിക്കാനും ബീറ്റ്റൂട്ട് ജ്യൂസ് കുടിക്കുന്നത് നല്ലതാണ്. ഫൈബര് ധാരാളം അടങ്ങിയ ബീറ്റ്റൂട്ട് വിശപ്പിനെ നിയന്ത്രിക്കാന് സഹായിക്കും.
നാല്...
ഓറഞ്ച് ജ്യൂസ് ഇഷ്ടമല്ലാത്തവരായി ആരുമുണ്ടാകില്ല. വിറ്റാമിന് സി ധാരാളം അടങ്ങിയ ഓറഞ്ച് ശരീരഭാരം കുറയ്ക്കാന് സഹായിക്കും. പഞ്ചസാര ഇടാത്ത ഓറഞ്ച് ജ്യൂസില് കലോറി കുറവായിരിക്കും. അതിനാല് ഇവയും ഡയറ്റില് ഉള്പ്പെടുത്താം.
Also Read: ഡയറ്റിലായോ? രാത്രി വിശക്കുമ്പോള് കഴിക്കാം ഈ ഭക്ഷണങ്ങള്...
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
