വാലന്റൈൻസ് ഡേ എന്നത് വെറും ഒരു ദിവസം മാത്രമല്ല, അത് പ്രണയത്തിന്റെയും ആത്മവിശ്വാസത്തിന്റെയും ആഘോഷം കൂടിയാണ്. ഈ പ്രത്യേക ദിനത്തിൽ എല്ലാവരും ആഗ്രഹിക്കുന്നത് തങ്ങളുടെ ഏറ്റവും മികച്ച ലുക്കിൽ പ്രിയപ്പെട്ടവരുടെ മുന്നിലെത്താനാണ്.
‘പ്രണയത്തിന് ആയിരം ഭാഷകളുണ്ടാകാം, പക്ഷേ ഈ വാലന്റൈൻസ് ഡേയിൽ നിങ്ങളുടെ സൗന്ദര്യത്തിന് ഒരൊറ്റ ഭാഷയേ ഉണ്ടാകാവൂ..അത് ആത്മവിശ്വാസത്തിന്റേതാണ്.’ ഫെബ്രുവരി 14-ന് പ്രിയപ്പെട്ടവരോടൊപ്പം ഒരു ഡേറ്റിന് തയ്യാറെടുക്കുമ്പോൾ, വസ്ത്രം പോലെ തന്നെ പ്രധാനമാണ് നിങ്ങളുടെ മേക്കപ്പും. അമിതമായ മേക്കപ്പ് വേണോ അതോ നാച്ചുറൽ ലുക്ക് മതിയോ എന്ന കൺഫ്യൂഷനിലാണോ നിങ്ങൾ? എങ്കിൽ വിഷമിക്കേണ്ട. സെലിബ്രിറ്റികളുടെയും ഇൻഫ്ലുവൻസേഴ്സിന്റെയും പ്രിയപ്പെട്ട മൂന്ന് വ്യത്യസ്ത സ്റ്റൈലുകൾ ഇതാ.
1. ദ ക്ലാസിക് റെഡ് റൊമാൻസ്
പ്രണയത്തിന്റെ നിറം എന്നും ചുവപ്പാണ്. ഒരു കാൻഡിൽ ലൈറ്റ് ഡിന്നറിനോ രാത്രിയിലെ ഡേറ്റിനോ പോവുകയാണെങ്കിൽ ഇതിലും മികച്ചൊരു ചോയ്സ് വേറെയില്ല. കണ്ണുകൾക്ക് ലളിതമായ 'ന്യൂഡ്' മേക്കപ്പും ചുണ്ടുകൾക്ക് ചുവപ്പ് നിറവും നൽകുന്ന സ്റ്റൈലാണിത്.
Related Articles
എങ്ങനെ ചെയ്യാം?
നിങ്ങളുടെ ചർമ്മത്തിന് ഇണങ്ങുന്ന ഒരു ഫൗണ്ടേഷൻ ഉപയോഗിച്ച് ബേസ് സെറ്റ് ചെയ്യുക. കണ്ണിന് മുകളിൽ നേരിയ ബ്രൗൺ ഷാഡോ നൽകി ഒരു 'വിംഗ്ഡ് ഐലൈനർ' വരയ്ക്കാം. ഈ ലുക്കിന്റെ ഹൈലൈറ്റ് ചുണ്ടുകളാണ്. ഒരു റെഡ് ലിപ് ലൈനർ ഉപയോഗിച്ച് ചുണ്ടുകൾ ഷേപ്പ് ചെയ്ത ശേഷം നല്ലൊരു 'മാറ്റ്' റെഡ് ലിപ്സ്റ്റിക് പുരട്ടുക. ഒപ്പം കവിളുകളിൽ നേരിയ തോതിൽ ഹൈലൈറ്റർ കൂടി ചേർത്താൽ സംഗതി ഉഷാറായി..
2. സോഫ്റ്റ് ആൻഡ് ഡ്യൂയി പിങ്ക്
പകൽ സമയത്തെ യാത്രകൾക്കും ലഞ്ചിനും ഏറ്റവും അനുയോജ്യമായ 'ഫ്രഷ്' ലുക്കാണിത്. മേക്കപ്പ് ഇട്ടിട്ടുണ്ടെന്ന് പോലും തോന്നാത്ത വിധത്തിലുള്ള ഈ മേക്കപ്പ് രീതി ഇന്ന് ഏറെ പോപ്പുലറാണ്. ചർമ്മം സ്വാഭാവികമായി തിളങ്ങുന്ന രീതിയിലുള്ള ഈ സ്റ്റൈൽ നിങ്ങളെ കൂടുതൽ യുവത്വമുള്ളവരാക്കി തോന്നിപ്പിക്കും.
എങ്ങനെ ചെയ്യാം?
ഇവിടെ ഹെവി ഫൗണ്ടേഷന് പകരം ബിബി ക്രീമോ ലൈറ്റ് കൺസീലറോ ഉപയോഗിക്കാം. റോസ് ഗോൾഡ് ഷിമ്മർ ഐഷാഡോ കണ്ണുകൾക്ക് നൽകാം. കവിളുകളിൽ പിങ്ക് ക്രീം ബ്ലഷ് ഉപയോഗിക്കുന്നത് ഒരു നാച്ചുറൽ ഗ്ലോ നൽകും. ചുണ്ടുകൾക്ക് ബോൾഡ് നിറങ്ങൾ ഒഴിവാക്കി പിങ്ക് ഗ്ലോസ്സോ ടിന്റഡ് ലിപ് ബാംമോ ഉപയോഗിക്കുക.
3. സ്മോക്കി ഗ്ലാമർ ലുക്ക്
നിങ്ങളൊരു 'പാർട്ടി പേഴ്സൺ' ആണോ? എങ്കിൽ അല്പം ബോൾഡ് ആയ ഈ സ്മോക്കി ഐ ലുക്ക് പരീക്ഷിക്കാം. കണ്ണുകൾക്ക് കൂടുതൽ പ്രാധാന്യം നൽകുന്ന ഈ രീതി അതിമനോഹരമാണ്. കറുപ്പും ബ്രൗണും ഇടകലർന്ന കണ്ണുകൾ നിങ്ങളുടെ നോട്ടത്തിന് ഒരു പ്രത്യേക ആകർഷണീയത നൽകുന്നു.
എങ്ങനെ ചെയ്യാം?
കറുത്ത കാജൽ ഉപയോഗിച്ച് കണ്ണിന് ചുറ്റും വരച്ച് ഒരു ബ്രഷ് കൊണ്ട് ചെറുതായി പടർത്തുക. അതിന് മുകളിൽ ബ്രൗൺ ഷാഡോ നൽകി നന്നായി 'ബ്ലെൻഡ്' ചെയ്യുക. കണ്ണുകൾക്ക് ഡാർക്ക് മേക്കപ്പ് നൽകുന്നത് കൊണ്ട് ചുണ്ടുകൾക്ക് എപ്പോഴും 'ന്യൂഡ്' അല്ലെങ്കിൽ പീച്ച് നിറത്തിലുള്ള ലിപ്സ്റ്റിക് മാത്രം ഉപയോഗിക്കാൻ ശ്രദ്ധിക്കുക.
ഫ്ലോളസ് ലുക്കിനായി ഈ കാര്യങ്ങൾ ശ്രദ്ധിക്കൂ:
- മേക്കപ്പ് കൂടുതൽ നേരം നിലനിൽക്കാനും ചർമ്മം സ്മൂത്ത് ആകാനും ഒരു നല്ല പ്രൈമർ ഉപയോഗിക്കുക.
- ലിപ്സ്റ്റിക് ഇടുന്നതിന് മുൻപ് ചുണ്ടുകൾ സ്ക്രബ്ബ് ചെയ്ത് മോയ്സ്ചറൈസർ പുരട്ടുക. ഇത് ലിപ്സ്റ്റിക് വിണ്ടുകീറുന്നത് ഒഴിവാക്കും.
- അവസാനമായി ഒരു സെറ്റിംഗ് സ്പ്രേ ഉപയോഗിച്ച് മേക്കപ്പ് ലോക്ക് ചെയ്യാൻ മറക്കരുത്.
ഈ മൂന്ന് ലുക്കുകളിൽ നിന്ന് നിങ്ങളുടെ വസ്ത്രത്തിന് അനുയോജ്യമായത് തിരഞ്ഞെടുക്കാം. ഈ വാലന്റൈൻസ് ഡേയിൽ പ്രിയപ്പെട്ടവരുടെ കണ്ണുകൾ നിങ്ങളിൽ തന്നെ ഉടക്കി നിൽക്കട്ടെ..….
