എംഡിഎംഎ വിൽപ്പനയ്ക്കിറങ്ങിയ കുപ്രസിദ്ധ ഗുണ്ട കായംകുളം പൊലീസിന്റെ പിടിയിൽ. വിജിത്ത് എന്ന 28കാരനാണ് പിടിയിലായത്
ആലപ്പുഴ: എംഡിഎംഎ വിൽപ്പനയ്ക്കിറങ്ങിയ കുപ്രസിദ്ധ ഗുണ്ട കായംകുളം പൊലീസിന്റെ പിടിയിൽ. വിജിത്ത് എന്ന 28കാരനാണ് പിടിയിലായത്. ഇയാൾക്ക് മയക്കുമരുന്ന് കച്ചവടം ഉണ്ടെന്ന വിവരത്തിന്റെ അടിസ്ഥാനത്തിൽ പൊലീസ് നിരീക്ഷിച്ചുവരികയായിരുന്നു. മാർച്ച് 23ന് രാത്രി 8.45ഓടെ എരുവ കിഴക്ക് തച്ചാശ്ശേരി മുക്കിൽ നിന്നുമാണ് മയക്കുമരുന്നുമായി ഇയാളെ പിടികൂടിയത്. നിരവധി കേസുകളിൽ പ്രതിയായ വിജിത്തിനെ 2024ൽ കാപ്പാ നിയമപ്രകാരം ഒരു വർഷത്തേക്ക് നാടുകടത്തിയിരുന്നു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
ആലപ്പുഴ നാർക്കോട്ടിക് സെൽ ഡിവൈഎസ്പി പങ്കജാക്ഷന്റെ നേതൃത്വത്തിലുള്ള ജില്ലാ ലഹരിവിരുദ്ധ സ്ക്വാഡും കായംകുളം ഡിവൈഎസ്പി ബിനുകുമാറിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു.
Related Articles
