ചങ്ങരംകുളം അമയില് സ്വദേശികളായ കുടുംബം സഞ്ചരിച്ച കാറാണ് ഓടിക്കൊണ്ടിരിക്കുന്നതിനിടെ കത്തി നശിച്ചത്. യുവാവും മാതാപിതാക്കളും വീട്ടിലെ ജോലിക്കാരനും അടക്കം നാല് പേരാണ് കാറിലുണ്ടായിരുന്നത്.
മലപ്പുറം: ഓടിക്കൊണ്ടിരുന്ന കാര് പൂര്ണമായും തീപിടിച്ച് കത്തി നശിച്ചു. ചങ്ങരംകുളം ചെറവല്ലൂര് റോഡില് വ്യാഴാഴ്ച രാവിലെ ഒമ്പതോടെയാണ് സംഭവം. ചങ്ങരംകുളം അമയില് സ്വദേശികളായ കുടുംബം സഞ്ചരിച്ച കാറാണ് ഓടിക്കൊണ്ടിരിക്കുന്നതിനിടെ കത്തി നശിച്ചത്. യുവാവും മാതാപിതാക്കളും വീട്ടിലെ ജോലിക്കാരനും അടക്കം നാല് പേരാണ് കാറിലുണ്ടായിരുന്നത്. മുന്വശത്ത് നിന്ന് പുക ഉയരുന്നത് കണ്ട് ഡ്രൈവര് വാഹനം നിര്ത്തിയെങ്കിലും തീ പടരുകയായിരുന്നു. അപകടം മനസിലാക്കി വാഹനത്തിലുണ്ടായിരുന്നവര് പുറത്തേക്ക് ഇറങ്ങി. വാഹനത്തില് പുക പടരുന്നത് കണ്ട് ഓടിക്കൂടിയ നാട്ടുകാര് ചേര്ന്ന് വെള്ളമൊഴിച്ചെങ്കിലും കാര് കത്തി നശിക്കുകയായിരുന്നു. ഷോര്ട്ട് സര്ക്യൂട്ട് ആകാം തീപ്പിടിത്തത്തിന് കാരണമെന്നാണ് പ്രാഥമിക നിഗമനം. ചങ്ങരംകുളം പൊലീസ് സ്ഥലത്ത് എത്തി നടപടി സ്വീകരിച്ചു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
