കെ കെ ശൈലജയെ അശ്ലീലമായി ചിത്രീകരിച്ച സംഭവം: കേസെടുത്തു

അഷ്ഫാക്ക് അഹമ്മദ് എന്ന ഫേസ്‌ബുക്ക് ഐഡിയില്‍ നിന്നാണ് കെ കെ ശൈലജയെ അശ്ലീല രൂപത്തിൽ ചിത്രീകരിച്ച് പോസ്റ്റ് പ്രത്യക്ഷപ്പെട്ടത്

കോഴിക്കോട്: ആരോഗ്യമന്ത്രി കെ കെ ശൈലജയെ അശ്ലീല രൂപത്തിൽ ചിത്രീകരിച്ച് സാമൂഹ്യമാധ്യമങ്ങളിൽ പ്രചാരണം നടത്തിയതിനെതിരെ കേസ്. മുക്കം പൊലീസാണ് കേസ് രജിസ്റ്റർ ചെയ്തത്. ഡിവൈഎഫ്ഐ മുക്കം മേഖലാ കമ്മിറ്റി നൽകിയ പരാതിയിലാണ് നടപടി.

അഷ്ഫാക്ക് അഹമ്മദ് എന്ന ഫേസ്‌ബുക്ക് ഐഡിയില്‍ നിന്നാണ് കെ കെ ശൈലജയെ അശ്ലീല രൂപത്തിൽ ചിത്രീകരിച്ച് പോസ്റ്റ് പ്രത്യക്ഷപ്പെട്ടത്. ഗ്രൂപ്പ് അഡ്മിൻമാരാരും ഇത് നീക്കം ചെയ്യാനും തയ്യാറായില്ല. സംഭവത്തില്‍ ശക്തമായ പ്രതിഷേധം ഉയർന്നുവരുന്നുണ്ട്.