പാലക്കാട് ജില്ലയിലെ വാണിയംകുളത്തുള്ള ഇരുപ്പംകോട്ട് കുളത്തിൽ മീനുകൾ വ്യാപകമായി ചത്തുപൊങ്ങി. നാട്ടുകാർ സ്ഥിരമായി ഉപയോഗിക്കുന്ന ഈ ജലാശയത്തിലെ സംഭവത്തിന് പിന്നിലെ കാരണം വ്യക്തമല്ലാത്തത് പ്രദേശവാസികളിൽ ആശങ്ക വർധിപ്പിക്കുന്നു.
പാലക്കാട്: പാലക്കാട് ജില്ലയിലെ വാണിയംകുളത്തുള്ള ഇരുപ്പംകോട്ട് കുളത്തിൽ മീനുകൾ വ്യാപകമായി ചത്ത് പൊങ്ങി. പ്രദേശവാസികളും മറ്റ് ആളുകളും സ്ഥിരമായി കുളിക്കാനും ഉപയോഗിക്കാനുമായി എത്തുന്ന പ്രധാന ജലാശയങ്ങളിലൊന്നാണ് ഇരുപ്പംകോട്ട് കുളം. ഇവിടെയാണ് പെട്ടെന്ന് വലിയ തോതിൽ മീനുകൾ ചത്തുപൊങ്ങിയ നിലയിൽ കാണപ്പെട്ടത്.
മീനുകൾ ചത്തൊടുങ്ങാനുണ്ടായ യഥാർത്ഥ കാരണം ഇതുവരെ വ്യക്തമായിട്ടില്ലെന്ന് നാട്ടുകാർ പറയുന്നു. സ്ഥിരമായി ആളുകൾ കുളിക്കാനിറങ്ങുന്ന കുളത്തിൽ ഇത്തരത്തിൽ മീനുകൾ കൂട്ടത്തോടെ ചത്ത് പൊങ്ങിയത് പ്രദേശവാസികളിൽ ആശങ്കയും ആശയക്കുഴപ്പവും സൃഷ്ടിച്ചിട്ടുണ്ട്. സംഭവത്തിന് പിന്നിലെ കാരണം കണ്ടെത്തുന്നതിനായുള്ള അന്വേഷണത്തിലാണ് നാട്ടുകാർ.
