വളർത്തുനായയുടെ കാലുകൾ സാമൂഹ്യവിരുദ്ധർ തല്ലിയൊടിച്ചു; സംഭവം അരൂരില്‍

18000 രൂപക്ക് വാങ്ങിയ ജർമൻ ഷെപ്പേർഡ് ഇനത്തിൽപ്പെട്ടതാണ് നായ

প্রতীকী ছবি

ആലപ്പുഴ: അരൂർ- കോടംതുരുത്ത് മാവുങ്കൽ ലക്ഷ്മിഭായിയുടെ വളർത്തുനായയുടെ കാലുകള്‍ സാമൂഹ്യവിരുദ്ധർ തല്ലിയൊടിച്ചു. 18000 രൂപക്ക് വാങ്ങിയ ജർമൻ ഷെപ്പേർഡ് ഇനത്തിൽപ്പെട്ടതാണ് നായ. സംഭവവുമായി ബന്ധപ്പെട്ട് കുത്തിയതോട് പൊലീസിൽ പരാതി നൽകി.

വീട് നിർമ്മാണത്തിലായതിനാൽ വീട്ടുകാർ എരമല്ലൂരില്‍ ഒരു വാടക വീട്ടിലാണു താമസം. എന്നാല്‍ നായയെ നിര്‍മ്മാണത്തിലിരിക്കുന്ന വീട്ടിലെ കൂട്ടിൽ അടച്ചിരിക്കുകയായിരുന്നു. എരമല്ലൂരിലെ വീട്ടിൽനിന്ന് രാവിലെ ഭക്ഷണവുമായി വീട്ടുകാരെത്തിയപ്പോഴാണ് കൂട്ടിൽ നായയെ അവശനിലയിൽ കണ്ടത്. തുടർന്ന് ആലപ്പുഴ വെറ്റിനറി ആശുപത്രിയിൽ എത്തിച്ച് ഒടിവുള്ള ഇരുകാലിലും പ്ലാസ്റ്റർ ഇടുകയും തലക്കുള്ള പരിക്കിൽ മരുന്നുവെക്കുകയും ചെയ്തു.