നഴ്സിങ് സർട്ടിഫിക്കറ്റ് വാങ്ങാൻ ബെംഗളൂരുവിലേക്ക് പോയ താനൂർ സ്വദേശി ഇംതിയാസിനെ കാണാതായി. ഓഗസ്റ്റ് ഏഴിന് നഗരത്തിലെത്തിയ ശേഷം ഇയാളെക്കുറിച്ച് വിവരമില്ലെന്നും ഫോൺ സ്വിച്ച് ഓഫ് ആണെന്നും കുടുംബം നൽകിയ പരാതിയിൽ പറയുന്നു.
മലപ്പുറം: നഴ്സിങ് പഠനത്തിന്റെ സര്ട്ടിഫിക്കറ്റ് വാങ്ങാനായി ബെംഗളൂരുവിലേക്ക് പോയ മലപ്പുറം താനൂര് സ്വദേശിയായ യുവാവിനെ കാണാനില്ലെന്ന് പരാതി. താനൂര് സ്വദേശി ഇംതിയാസിനെയാണ് (25) കാണാതായത്. സംഭവത്തില് കുടുംബത്തിന്റെ പരാതിയുടെ അടിസ്ഥാനത്തില് താനൂര് പോലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ ഓഗസ്റ്റ് ഏഴിന് ബെംഗളൂരുവില് എത്തിയ ഉടന് ഇംതിയാസ് വീട്ടുകാരെ ഫോണില് വിളിച്ച് എത്തിയ വിവരം അറിയിച്ചിരുന്നു. എന്നാല് അതിനുശേഷം ഇയാളെക്കുറിച്ച് യാതൊരു വിവരവുമില്ല. ഫോണ് സ്വിച്ച് ഓഫ് ചെയ്ത നിലയിലാണ്.കോളേജില് അന്വേഷിച്ചെങ്കിലും അവിടെയും എത്തിയിട്ടില്ലെന്നാണ് ലഭിക്കുന്ന വിവരം. ദിവസങ്ങള് കഴിഞ്ഞിട്ടും വിവരമൊന്നുമില്ലാത്തതിനെ തുടര്ന്ന് ബന്ധുക്കള് പോലീസിനെ സമീപിക്കുകയായിരുന്നു. അവസാനമായി ഫോണ് സന്ദേശം ലഭിച്ച ലൊക്കേഷന് കേന്ദ്രീകരിച്ചും ബംഗളൂരു പോലീസിന്റെ സഹായത്തോടെയും താനൂര് പോലീസ് അന്വേഷണം ഊര്ജ്ജിതമാക്കിയിട്ടുണ്ട്.
