ഉച്ചയോടെ ചടങ്ങുകൾ കഴിഞ്ഞ് സമീപത്തെ സ്വന്തം വീട്ടിലെത്തിയ രമണനെ വീടിന്റെ വരാന്തയിൽ അവശനിലയിൽ കണ്ടെത്തുകയായിരുന്നു. ഉടൻ പിറവത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
പിറവം: കൊച്ചി മണീട് നെച്ചൂരിൽ അനിയന്റെ സഞ്ചയന ചടങ്ങ് കഴിഞ്ഞ് മടങ്ങിയ സഹോദരൻ കുഴഞ്ഞ് വീണ് മരിച്ചു. നെച്ചൂർ പാലാത്ത് പിഎം രമണൻ (65) ആണ് മരിച്ചത്. ഇക്കഴിഞ്ഞ തിങ്കളാഴ്ച മരിച്ച അനിയൻ പിഎം സുരേഷ് കുമാറിന്റെ (57) സഞ്ചയന ചടങ്ങ് ശനിയാഴ്ചയായിരുന്നു. ഉച്ചയോടെ ചടങ്ങുകൾ കഴിഞ്ഞ് സമീപത്തെ സ്വന്തം വീട്ടിലെത്തിയ രമണനെ വീടിന്റെ വരാന്തയിൽ അവശനിലയിൽ കണ്ടെത്തുകയായിരുന്നു. ഉടൻ പിറവത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഹൃദയസംബന്ധമായ അസുഖത്തെ തുടർന്ന് പേസ്മേക്കർ ഘടിപ്പിച്ചിരുന്നതായി ബന്ധുക്കൾ പറഞ്ഞു.
പൂവക്കുളം ഐനുമാക്കിൽ കുടുംബാംഗം സിന്ധുവാണ് ഭാര്യ. മക്കൾ: അശ്വതി (ഗ്രാഫിക് ഡിസൈനർ, പട്ടിമറ്റം), അപർണ (ഫാർമസിസ്റ്റ്, അബുദാബി). മരുമക്കൾ: കെ.ടി. ലൈജു കാവുങ്കൽ, ചൂരക്കോട്, പട്ടിമറ്റം (ഇലക്ട്രീഷ്യൻ), അജയ് ടി. കൃഷ്ണ, താണിക്കൽ അഞ്ചൽപ്പെട്ടി (ഗ്രാഫിക് ഡിസൈനർ, അബുദാബി). സംസ്കാരം ഇന്ന് ഉച്ചയ്ക്ക് 12ന് വീട്ടുവളപ്പിൽ.
