Asianet News MalayalamAsianet News Malayalam

പെരുന്നാൾ ദിനത്തിൽ ടര്‍ഫിൽ വിതരണം ചെയ്യാൻ മെത്തഫിറ്റമിൻ; കേസിൽ ഒരാൾ കൂടി അറസ്റ്റിൽ

ലഹരിമരുന്ന് കൈവശം വെച്ച കേസിൽ ഒരാൾ കൂടി അറസ്റ്റിൽ
Methamphetamine to be distributed on the turf  One more person arrested in the case
Author
First Published Jun 18, 2024, 9:17 PM IST

പാലക്കാട്: ലഹരിമരുന്ന് കൈവശം വെച്ച കേസിൽ ഒരാൾ കൂടി അറസ്റ്റിൽ. മണ്ണാർക്കാട് വിയ്യക്കുറിശ്ശി പറമ്പൻ വീട്ടിൽ ഇർഷാദാണ് അറസ്റ്റിലായത്. പെരിമ്പടാരിയിൽ ഇർഷാദ് നടത്തുന്ന ടർഫിൽ പെരുന്നാൾ ദിനത്തിൽ വിതരണം ചെയ്യാനായി ഇർഷാദ് സുഹൈലുമായി ചേർന്ന് ലഹരിമരുന്നെത്തിച്ചതാണെന്ന് പോലീസ് പറഞ്ഞു.

മണ്ണാർക്കാട് നഗരമധ്യത്തിൽ നിന്ന് തിങ്കളാഴ്ചയാണ് 17 ഗ്രാം മെത്തഫിറ്റമിനുമായി അരയങ്ങോട് വിപി സുഹൈൽ അറസ്റ്റിലായത്. സുഹൈലിന്റെ മൊഴി പ്രകാരമാണ്  പെരിമ്പടാരിയിൽ ഫുട്ബോൾ ടർഫ് നടത്തുന്ന  ഇർഷാദിനെ മണ്ണാർക്കാട് പൊലീസ് പിടികൂടിയത്. തിങ്കളാഴ്ച അറസ്റ്റിലായ സുഹൈലിന്റെ ഫോൺ രേഖകൾ പരിശോധിച്ചതിൽ ഇർഷാദിന്റെ പങ്ക് വ്യക്തമായതായി പോലീസ് പറഞ്ഞു. 

പാലക്കാട് ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ജില്ലാ പോലീസ് മേധാവിയുടെ ജില്ലാ ലഹരി വിരുദ്ധ സ്ക്വാഡും  മണ്ണാർക്കാട് ഇൻസ്പെക്ടർ ബൈജു ഇ ആറിൻ്റെ നേതൃത്വത്തിലുള്ള അന്വേഷണ സംഘവുമാണ് പ്രതികളെ  പിടികൂടിയത്.

ഒരിടത്ത് ചെറുകിട വിൽപ്പന, മറ്റിടത്ത് വൻ സെറ്റപ്പ്, പാലക്കാട്ട് യുവതിയടക്കം 3 പേ‍ര്‍ പിടിയിലായത് എംഡിഎംഎയുമായി

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

Latest Videos
Follow Us:
Download App:
  • android
  • ios