കോഴിക്കോട് താമരശ്ശേരിക്ക് സമീപം സ്വകാര്യ ബസ്സിനെ ഇടിക്കാതിരിക്കാന് കെഎസ്ആര്ടിസി ബസ് സഡന് ബ്രേക്കിട്ടതിനെ തുടര്ന്ന് യാത്രക്കാരിക്ക് പരിക്കേറ്റു. കോതമംഗലത്ത് നിന്ന് സുല്ത്താന്ബത്തേരിയിലേക്ക് പോവുകയായിരുന്ന ബസ്സിലാണ് സംഭവം.
കോഴിക്കോട്: സഡന് ബ്രേക്കിട്ടതിനെ തുടര്ന്ന് കെഎസ്ആര്ടിസിയിലെ യാത്രക്കാരിക്ക് തെറിച്ചുവീണ് പരിക്കേറ്റു. കോതമംഗലത്ത് നിന്ന് സുല്ത്താന്ബത്തേരിയിലേക്ക് പോവുകയായിരുന്ന ബസ്സിലാണ് അപകടമുണ്ടായത്. ബസ് താമരശ്ശേരി താലൂക്ക് ആശുപത്രിക്ക് സമീപം എത്തിയപ്പോഴായിരുന്നു സംഭവം.
അമിത വേഗതയില് എത്തിയ സ്വകാര്യ ബസ് പെട്ടെന്ന് കെഎസ്ആര്ടിസിയെ ഓവര്ടേക്ക് ചെയ്തപ്പോള് ഡ്രൈവര് ബ്രേക്ക് ചെയ്യുകയായിരുന്നു. അപ്രതീക്ഷിതമായുണ്ടായ ഈ സംഭവത്തെ തുടര്ന്ന് ബസ്സിനുള്ളില് തെറിച്ചുവീണ യാത്രക്കാരിയുടെ തലയ്ക്കും കൈക്കുമാണ് പരിക്കേറ്റത്.
സ്വകാര്യ ബസ് കുന്നമംഗലം മുതല് കെഎസ്ആര്ടിസിയെ മറികടക്കാന് ശ്രമിച്ചിരുന്നതായി യാത്രക്കാര് പറഞ്ഞു. പരിക്കേറ്റ യാത്രക്കാരിയെ ആദ്യം താമരശ്ശേരി താലൂക്ക് ആശുപത്രിയിലും പിന്നീട് കോഴിക്കോട് മെഡിക്കല് കോളേജ് ആശുപത്രിയിലും പ്രവേശിപ്പിച്ചു.
