പട്ടത്ത് നിയന്ത്രണം വിട്ട പിക്കപ്പ് വാൻ തെരുവുവിളക്കിലേക്ക് ഇടിച്ചു കയറി. വാഹനത്തിനുള്ളിൽ കുടുങ്ങിയ ഡ്രൈവറെ ഫയർഫോഴ്സ് എത്തി ഹൈഡ്രോളിക് ഉപകരണം ഉപയോഗിച്ച് രക്ഷപ്പെടുത്തി. വാഹനത്തിന്റെ ഡോർ പൊളിച്ചാണ് ഡ്രൈവറെ പുറത്തെടുത്തത്.
തിരുവനന്തപുരം: പട്ടത്ത് തെരുവുവിളക്കിലേക്ക് പിക്കപ്പ് വാൻ ഇടിച്ചു കയറി അപകടം. പുലർച്ചെ 12:45ന് പട്ടം പൊലീസ് സ്റ്റേഷന് മുൻവശത്തുള്ള തെരുവു വിളിക്കിലേക്കാണ് ദോസ്ത് പിക്കപ്പ് വാഹനം ഇടിച്ചു കയറിയത്. പൊട്ടക്കുഴി ഭാഗത്തേക്ക് വരികയായിരുന്നു വാഹനം. അപകടത്ത തുടർന്ന് ഡ്രൈവർ സുധീഷ് ( 32 ) വാഹനത്തിൽ കുടുങ്ങി. തിരുവനന്തപുരം യൂണിറ്റിൽ നിന്നും ഫയർഫോഴ്സ് എത്തിയാണ് ഇയാളെ രക്ഷപ്പെടുത്തിയത്. ഹൈഡ്രോളിക് ഉപകരണത്തിന്റെ സഹായത്തോടെ വാഹനത്തിന്റെ ഡോർ പൊളിച്ചാണ് ഡ്രൈവറെ പുറത്തെടുത്തത്. കാലുകൾക്ക് പരിക്കേറ്റതിനാൽ പിന്നാലെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഡ്രൈവർ ഉറങ്ങിയതാവാം അപകടകാരണമെന്നാണ് വിവരം.
Add Asianetnews as a Preferred Source
