തിരൂര്‍ നഗരസഭയിലെ കൗണ്‍സിലേഴ്‌സ് ലോഞ്ചില്‍ വെച്ചായിരുന്നു സംഭവം. കൗണ്‍സിലറെ ജാതിപ്പേര് വിളിച്ച് അധിക്ഷേപിക്കുകയും അപമാനിക്കുകയും ചെയ്തതായാണ് പരാതി. പരാതിയില്‍ അന്വേഷണം നടത്തിയ പൊലീസ് കേസുമായി ബന്ധപ്പെട്ട തുടര്‍നടപടികള്‍ സ്വീകരിച്ചുവരികയായിരുന്നു.
മലപ്പുറം: നഗരസഭാ കൗണ്‍സിലറെ ജാതിപ്പേര് വിളിച്ച് അപമാനിച്ച കേസില്‍ കോടതി വാറന്റ് പുറപ്പെടുവിച്ച പ്രതിയെ തിരൂര്‍ പൊലീസ് അറസ്റ്റ് ചെയ്തു. ഏഴൂര്‍ സ്വദേശി ചോമയില്‍ അന്‍വര്‍ സാദത്ത് (46) ആണ് പിടിയിലായത്. കഴിഞ്ഞ മാര്‍ച്ചിലാണ് കേസിനാസ്പദമായ സംഭവം നടന്നത്. തിരൂര്‍ നഗരസഭയിലെ കൗണ്‍സിലേഴ്‌സ് ലോഞ്ചില്‍ വെച്ചായിരുന്നു സംഭവം. കൗണ്‍സിലറെ ജാതിപ്പേര് വിളിച്ച് അധിക്ഷേപിക്കുകയും അപമാനിക്കുകയും ചെയ്തതായാണ് പരാതി. സംഭവത്തില്‍ കൗണ്‍സിലര്‍ നല്‍കിയ പരാതിയുടെ അടിസ്ഥാനത്തില്‍ തിരൂര്‍ പൊലീസ് കേസെടുത്ത് അന്വേഷണം ആരംഭിച്ചിരുന്നു. നഗരസഭാ ഓഫീസിനുള്ളില്‍ നടന്ന സംഭവം അന്ന് വലിയ വാർത്തയായിരുന്നു.
പരാതിയില്‍ അന്വേഷണം നടത്തിയ പൊലീസ് കേസുമായി ബന്ധപ്പെട്ട തുടര്‍നടപടികള്‍ സ്വീകരിച്ചുവരികയായിരുന്നു. ഇതിനിടെ കോടതിയില്‍ ഹാജരാകാത്തതിനെ തുടര്‍ന്നാണ് പ്രതിക്കെതിരെ വാറന്റ് പുറപ്പെടുവിച്ചത്. കോടതി നിര്‍ദേശപ്രകാരം പ്രതിയെ കണ്ടെത്തി അറസ്റ്റ് ചെയ്യുന്നതിനായി പൊലീസ് അന്വേഷണം ശക്തമാക്കി. തുടര്‍ന്നാണ് ഏഴൂര്‍ സ്വദേശിയായ അന്‍വര്‍ സാദത്തിനെ പൊലീസ് പിടികൂടിയത്. പൊതുപ്രവര്‍ത്തകര്‍ക്ക് നേരെയുള്ള അധിക്ഷേപങ്ങളും ജാതീയമായ പരാമര്‍ശങ്ങളും സംബന്ധിച്ച പരാതികള്‍ ഗൗരവത്തോടെയാണ് പൊലീസ് കൈകാര്യം ചെയ്യുന്നത്. നഗരസഭാ കൗണ്‍സിലേഴ്‌സ് ലോഞ്ചില്‍ നടന്ന സംഭവത്തില്‍ നിയമനടപടികള്‍ തുടരുമെന്നാണ് വിവരം.
എസ്‌ഐ നസീര്‍ തിരൂര്‍ക്കാട്, സീനിയര്‍ സിവില്‍ പൊലീസ് ഓഫീസര്‍ ശശി, സിവില്‍ പൊലീസ് ഓഫീസര്‍മാരായ പ്രദീപ്, ഷൈജു, ദിനേശ് രാജ് എന്നിവരടങ്ങിയ സംഘമാണ് പ്രതിയെ പിടികൂടിയത്. അറസ്റ്റ് രേഖപ്പെടുത്തിയ ശേഷം പ്രതിയെ മഞ്ചേരി കോടതിയില്‍ ഹാജരാക്കി. കോടതി പ്രതിയെ റിമാന്‍ഡ് ചെയ്തു. തുടര്‍ന്ന് പെരിന്തല്‍മണ്ണ സബ് ജയിലിലേക്ക് മാറ്റി. കേസുമായി ബന്ധപ്പെട്ട തുടര്‍നടപടികള്‍ കോടതിയുടെ പരിഗണനയില്‍ തുടരും.
