ചാലിശ്ശേരി പൊലീസാണ് ആനക്കര മേലേഴിയം എൽപി സ്കൂളിലെ അധ്യാപകനും കൂറ്റനാട് തൊഴുക്കാട് സ്വദേശിയുമായ കള്ളിവളപ്പിൽ പ്രകാശിനെതിരെ കേസെടുത്തത്.
പാലക്കാട്: ഫേസ്ബുക്കിലൂടെ ശ്രീനാരായണ ഗുരുവിനെ അധിക്ഷേപിച്ച് പോസ്റ്റിട്ട അധ്യാപകനെതിരെ പൊലീസ് കേസെടുത്തു. ചാലിശ്ശേരി പൊലീസാണ് ആനക്കര മേലേഴിയം എൽപി സ്കൂളിലെ അധ്യാപകനും കൂറ്റനാട് തൊഴുക്കാട് സ്വദേശിയുമായ കള്ളിവളപ്പിൽ പ്രകാശിനെതിരെ കേസെടുത്തത്. എസ്എൻഡിപി യോഗം കൂറ്റനാട് ശാഖാ സെക്രട്ടറി അപ്പുവിന്റെ പരാതിയിലാണ് അധ്യാപകനെതിരെ ചാലിശ്ശേരി പൊലീസ് കേസെടുത്തത്. സെപ്റ്റംബർ 22 നാണ് ഗുരുവിനെ അസഭ്യം പറഞ്ഞുള്ള ഫേസ്ബുക്ക് പോസ്റ്റ് അധ്യാപകൻ പങ്കുവെച്ചത്. പരാതിയില് അറസ്റ്റ് ഉൾപ്പടെയുള്ള നടപടികളിലേക്ക് ഉടനെ കടക്കുമെന്ന് ചാലിശ്ശേരി പൊലീസ് അറിയിച്ചു.
