മണ്ണിടിച്ചിലിനെ തുറന്ന് അടച്ചിട്ട പൊന്മുടി നാല് മാസത്തിന് ശേഷം തുറന്നപ്പോൾ, നന്നേ തിരക്ക്, നല്ല പണിയും!

കല്ലാർ മുതൽ ഹിൽടോപ്പ് വരെയുള്ള പ്രദേശങ്ങളിൽ പലയിടങ്ങളിലും റോഡിന്‍റെ ഒരു ഭാഗം അടച്ച നിലയിലാണ്.

First Published Dec 18, 2022, 9:52 PM IST

തിരുവനന്തപുരം: മണ്ണിടിച്ചിലിനെ തുറന്ന് അടച്ച പൊന്മുടി വിനോദസഞ്ചാര കേന്ദ്രം നാലു മാസങ്ങൾക്ക് ശേഷം തുറന്നു നൽകുമ്പോൾ നല്ല രീതിയിലുള്ള തിരക്കാണ് അവധി ദിനങ്ങളിൽ അനുഭവപ്പെടുന്നത്. കോടമഞ്ഞിൽ മൂടിയ പൊന്മുടി സന്ദർശിക്കാൻ തിരക്ക് ദിനംപ്രതി വർദ്ധിക്കുന്നുണ്ടെങ്കിലും ഇവിടേക്ക് എത്തിപ്പെടേണ്ട റോഡിന്‍റെ നവീകരണ പ്രവർത്തനങ്ങൾ പാതിവഴിയിലാണ്. കല്ലാർ മുതൽ ഹിൽടോപ്പ് വരെയുള്ള പ്രദേശങ്ങളിൽ പലയിടങ്ങളിലും റോഡിന്‍റെ ഒരു ഭാഗം അടച്ച നിലയിലാണ്.

ചില ഭാഗങ്ങളിൽ നിർമാണ പ്രവർത്തനങ്ങൾ നടത്തിയ ശേഷം ഉപേക്ഷിച്ച കോൺക്രീറ്റ് റോഡിൽ കട്ടി പിടിച്ച് കിടക്കുന്ന അവസ്ഥയാണ്. ചില സ്ഥലങ്ങളിൽ മെറ്റൽ കഷണങ്ങൾ റോഡിൽ ചിതറിക്കിടക്കുന്ന അവസ്ഥയാണ്. ഇത് ഹെയർപിൻ വളവുകൾ കേറുന്ന വാഹന യാത്രകൾക്ക് പ്രത്യേകിച്ച് ഇരചക്ര വാഹന യാത്രകൾക്ക് അപകട സാധ്യത വർദ്ധിക്കുകയാണ്. റോഡ് നവീകരണം തുടരുന്നതിനാൽ തിരക്ക് അനുഭവപ്പെടുന്ന സമയങ്ങളിൽ ഗതാഗതക്കുരുക്ക് ഉണ്ടാകുന്നുണ്ട്. ക്രിസ്മസ് അവധി കൂടി വരുന്നതോടെ സാധാരണയിൽ നിന്ന് അധികം സഞ്ചാരികൾ ഇവിടേക്ക് എത്തുമെന്നാണ് പ്രതീക്ഷിക്കുന്നത്.

തടസ്സങ്ങള്‍ നീങ്ങി, പൊന്‍മുടിയിലേക്ക് പോകാം,വിനോദസഞ്ചാരികൾക്ക് നിയന്ത്രണങ്ങളോടെ ഡിസംബര്‍ തണുപ്പ് ആസ്വദിക്കാം

അതേസമയം തുറന്നതിന് പിന്നാലെ പൊന്മുടിയിലേക്കുള്ള ബസ് സർവീസുകളുടെ സമയവിവരം പ്രസിദ്ധീകരിച്ച് കെ എസ് ആ‌ർ ടി സിയടക്കം രംഗത്തെത്തിയിട്ടുണ്ട്. പൊന്മുടി പാതയുടെ പുനർനിർമ്മാണ പ്രവർത്തനങ്ങൾ നടന്നുവരികയായതിനാൽ സുരക്ഷിതമായ കരുതലിൽ വിനോദ സഞ്ചാരികൾക്ക് പൊന്മുടി സന്ദർശിക്കാമെന്ന് കെ എസ് ആ‌ർ ടി സി ഫേസ്ബുക്ക് കുറിപ്പിലൂടെ അറിയിച്ചു. ഇക്കോ ടൂറിസം ഗൈഡുകളുടെയും വനം, പോലീസ് ഉദ്യോഗസ്ഥരുടെയും നിർദ്ദേശങ്ങൾ യാത്രാ വേളയിൽ കർശനമായി പാലിക്കേണ്ടതാണെന്നും കെ എസ് ആ‌ർ ടി സി ബസ് സർവീസുകളുടെ സമയവിവരം പ്രസിദ്ധീകരിച്ച അറിയിപ്പിൽ വ്യക്തമാക്കിയിട്ടുണ്ട്. തിരുവനന്തപുരം, വിതുര, നെടുമങ്ങാട്, വെഞ്ഞാറമൂട്, പൂവാർ, കാട്ടാക്കട, വെള്ളനാട് തുടങ്ങിയ സ്ഥലങ്ങളിൽ നിന്നുള്ള ബസ് യാത്രയുടെ വിവരങ്ങളാണ് കെ എസ് ആ‌ർ ടി സി ഫേസ്ബുക്ക് കുറിപ്പിൽ പങ്കുവച്ചത്.

ബസ് യാത്ര വിവരങ്ങൾ ചുവടെ

പൊന്മുടിയിലേക്കുള്ള KSRTC ബസ് സർവീസുകളുടെ സമയവിവരം*

വിതുരയിൽ നിന്നും പൊന്മുടിയിലേക്ക് :

07.10AM